КУАКАЕН ПИСЛЭГ

Куака огпол толалтэ пислэгез кутэм. Кутэм но соку ик сиымтэ. «Оло лэзёно, лэся, бадӟымгес мед будоз, али та одӥг ымтыр но ӧвӧл», шуыса малпам.

— Али туж кезьыт тонэн вырыны, — шуэм куака.

Нош пислэг сэзь вылэмзэ возьматон понна солы пумит вазем:

— Та шат кезьыт? Бечей эксэй дыръя кезьыт ке, кезьыт вал ини.

— А-а, тон пересь ини! Сокем вашкала дырез но тодӥськод! Будэмдэ витёнэз вылымтэ ни, талэсь бадӟым уд луы, — шуэм но пислэгез куака сием.