КЕЧПИЕН КИОН

Одӥг кечпи уллёысьтыз люкиськыса кылем. Бертоно сюрессэ утчаса, кема со ветлэм но шедьтымтэ. Собере, кӧтыз сюмамен, вож турын сиыны кутскем. Сиыкуз солы кион ӝимем.

— Я, кеч уром, мон тонэ сио ини, — шуиз, пе, солы кион.

— Эн сиы али, — шуэм соиз, — мон ӧжытак куаё али. Кион кылзӥськем но кошкем.

Ог кӧня ке вакыт ортчем бере кион нош ик лыктэм.

— Куаид-а ини? Табере сио, — шуэ, пе.

— Дугды али, — шуэм кечпи, — тон гурезь улэ султы. Мон, гурезь йылысен бызьыса, шонерак ымад пыро.

Визьтэм кион кылзӥськоно кожам: гурезь улэ султэм.

Кечпи гурезь йылэ тубем но, кужмысь ворттыса мынонъяз, кионэз йыг! лекам. Кион питырскыса кошкем. Кема кыллем кулэм кадь луыса. Султэм бераз малпаз, пе:

— Сии медам, ӧй медам со йӧнтэм кечпиез?