КУНО

Дорад ке лыктӥсько — котьку пумитаськод,
Куддыр малпаськисько: лушкем яратӥськод.
Но со озьы ӧвӧл (сюлмы оске ке но),
Валай ини, шӧдӥ: мон улонад — куно.

Мон улонад — куно, мед, ӧтьымтэ ке но,
Но тодӥсько: ялан монэ тон возьмаськод.
Ӧй каръяськы сюлмад, ӧвӧл мусо туган,
Со тон мынам сюлмам, тон жаг кадь, йырсуран.

Тыныд мон — умой эш, юрттӥсь но буйгатӥсь,
Тыныд монэн каньыл, угось мон йыбырттӥсь.
Но улонэ аслам, шудме ни уёно,
Тонэн шудмы уз лу: мон улонад — куно.