СЯСЬКАЯСЬКИСЬ МУЗЪЕМКотыр — паськыт. Дунне — чагыр. Музъем выльмем. Музъем — майбыр. Табре музъем кыед ӧвӧл, Азьло дыръя кадь шуш ӧвӧл! Котькытчы мын, котькытчы пыр — Котыр югыт, котыр шулдыр: Шунды чиля, шунды пиштэ, Музъем вылэ выль шуд кисьтэ! Татын — сяська, отын — сяська, Быдэс музъем сяськаяське! Лудысь ӵуж ӟег кадь сюрела, Син азьёсын ӵыж-горд адске. Пионеръёс ӵыж-ӵыж будо, Комсомолъёс горд-горд пишто, Коммунистъёс азьлань учко, Синзы — шунды. Азьлань кошко. Та выль музъем кыед ӧвӧл, Та выль музъем — сяська, сяська: Татын — чебер Коммун корка, Отын — артель, выль Комсомол! Азьло кытын курадӟыса, Калык музэ гыриз бӧрдса, — Отын трактор шулдыр гыре, Выль музъемез шудо каре. Мон — кылбурчи, мон — калгисько Паськыт сюрес котыръёсам... Гуртысь гуртэ ветлон дыръям Выль музъемлы мон абдрасько.
