ТОЛЭЗЬПилем сьӧрысь Толэзь потӥз, Чагыр инмысь Музэ васькиз. Дӥсез тӧдьы, Тушез азвесь, Киыз небыт, Синмыз — лыз весь. Писпу пӧлтӥ Юг-юг потэ, Куаръёс пыртӥ Азвесь кисьтэ. Бадьпу куарен Чиль-дол шудэ, Лушкем, каллен Шуре выдэ. Чиля, ӝуа — Чиль-вальк! адске, Юг-юг уя, Вогыръяське. Лушкем гинэ Гуртэ пыре — Юг-юг мынэ Укно дуре. Укно пыртӥ Пиштэ, учке — Выж вылъёстӥ Азвесь палькке. Борддор бордысь Крезез шедьтэ — Тӧдьы киыз Жинграк! йӧтэ. Уйбыт толэзь Ветлэ, пиштэ — Уйбыт азвесь Пазя, кисьтэ.
