Местнӧй налог
Местнӧй налог перйыссьӧ:
Каръясын: 1) стрӧйбаысь; 2) квартира налог; 3) вузасьысьяслысь; 4) грузъясысь; 5) скӧтысь (вӧвъяс кындзи): гырысьысь 2 шайтӧдз, посньыдысь 50 урӧдз во; 6) колльысьысьяслысь (извозчикъяслысь) — 20 шайтӧдз во джынйысь; 7) ветлӧдлан машинаясысь (велосипедъясысь, моторъясысь, мукӧдысь); 8) рынок вылын гырысь скӧт вузалӧмысь — 1 шайтӧдз, посньыдӧс — 25 урӧдз; 9) спектакъясысь, гажӧдчанінъясысь; 10) кыйсьысьяслысь; 11) слуга-казак видзӧмысь (быд слуга-казакысь — 20 шайт во).
Сиктъясын: 1) подворнӧй налог; 2) вӧр билетысь; 3) вузасьӧмысь; 4) колльысьӧмысь; 5) кыйсьӧмысь, сэсся мыйсюрӧясысь мукӧдысь.
Мый вылӧ нӧ тайӧ налогыс перйыссьӧ? Местнӧй налогъяс перйӧм сьӧм видзсьӧ со мый вылӧ: 1) сельскӧй сӧветъяс; 2) волостнӧй, уезднӧй, областнӧй исполкомъяслы отсӧг вылӧ (оз кӧ тырмы казнасянь сетӧм сьӧмыс); 3) туйяс лӧсьӧдӧм вылӧ (посъяс, перевозъяс); 4) школаяс, детскӧй домъяс (сирӧтаӧс видзанін), детскӧй садъяс, музейяс, лыддьысянінъяс; 5) больничаяс, докторъяс, пельшӧръяс, бабкаяс (акушеркаяс); 6) скӧт пельшӧръяс; 7) пристаньяс, паракодъяс; 8) войскалы патера лӧсьӧдӧм, шонтӧм, югдӧдӧм; 9) народнӧй судъяс, тюрмаяс; 10) инвалидъясӧс видзӧм вылӧ.
Комиӧн гижис
Сандрик Микол