Мыйла перйӧны налогъяс Мыјла перјӧны налогјас
Гӧгӧр киссис, жугавліс сизим вося войнаӧн. Кӧрт туйяс, паракодъяс омӧля ветлӧны, пабрик-заводъяс омӧля уджалӧны. Колӧ найӧс босьтчӧдны, дзоньтыны, выльысь вӧчны, медым найӧ важ моз кутісны уджавны. Унджык кӧ уджалӧны пабрик-заводъяс — унджык воас крестьяналы тӧвар. Лоӧ кӧ тӧвар, гӧръяс, пиняяс, быдтор, мый крестьянинлы колӧ, сійӧ пондас ассьыс овмӧс босьтчӧдны, ёнджыка видз-му уджавны, мукӧд ногӧн нажӧвитны. Сідзкӧ — крестьянинлӧн овмӧс босьтчӧдӧмыс пабрик-заводъяс уджалӧм сайын. Гӧгӧр кіԍԍіс, жугавліс ԍіԅім воԍа војнаӧн. Кӧрттујјас, паракоԁјас омӧԉа ветлӧны, пабрік-завоԁјас омӧԉа уҗалӧны. Колӧ најӧс боԍтԍӧԁны, ԇоԋтыны, выԉыԍ вӧчны, меԁым најӧ важ-моз кутісны уҗавны. Унҗык-кӧ уҗалӧны пабрік-завоԁјас — унҗык воас креԍԏаналы тӧвар. Лоӧ-кӧ тӧвар, гӧрјас, піԋајас, быԁтор мыј креԍԏаԋінлы колӧ, сіјӧ понԁас асԍыс овмӧс боԍтԍӧԁны, јонҗыка віԇ-му уҗавны, мукӧԁ ногӧн нажӧвітны. Сіԇкӧ — креԍԏаԋінлӧн овмӧс боԍтԍӧԁӧмыс пабрік-завоԁјас уҗалӧм-сајын.
Пабрик-заводъясӧс дзоньтыны колӧ сьӧм, капитал. Сійӧ сьӧмсӧ государство вермӧ кык ногӧн лӧсьӧдны: лэдзны гумага деньга, либӧ перйыны вот. Гумага деньга лэдзӧм — сійӧ лоӧ удждысьӧм; гумага деньга — правительстволӧн рӧсписка. Кор правительство лэдзӧ гумага деньга, сэк сійӧ кӧсйысьӧ на пыдди мынтысьны эзысь-зарниӧн. Пабрік-завоԁјасӧс ԇоԋтыны колӧ ԍӧм, капітал. Сіјӧ ԍӧмсӧ госуԁарство вермӧ кык-ногӧн лӧԍӧԁны: леԇны гумага ԃеԋга, ԉібӧ перјыны вот. Гумага ԃеԋга леԇӧм — сіјӧ лоӧ ужԁыԍӧм; гумага ԃеԋга — правіԏеԉстволӧн рӧспіска. Кор правіԏеԉство леԇӧ гумага ԃеԋга, сек сіјӧ кӧсјыԍӧ на-пыԃԃі мынтыԍны езыԍ-зарԋіӧн.
Войдӧр Сӧвет власьтлы сьӧмсӧ лӧсьӧдны лои гумага деньга лэдзӧмӧн. Сӧмын, кымын уна деньга лэдзан, сымын сійӧ донтӧммӧ. Сэтшӧм донтӧмман деньганад вузасьны-ньӧбасьны оз шогмы. Босьтчӧдны пабрик-заводъяс верман сэк, кор деньгалӧн доныс дугдас чинӧмысь. Деньгалӧн дон оз кут чинны сэк, кор правительство дугдас деньга лэдзӧмысь. Деньга лэдзӧмысь кӧ дугдан — ковмас правительстволы бӧр кыскыны важ лэдзӧмсӧ ас киас. Деньга кыскыны верман сӧмын вот перйӧмӧн. Војԁӧр Сӧвет-влаԍтлы ԍӧмсӧ лӧԍӧԁны лоі гумага ԃеԋга леԇӧмӧн. Сӧмын, кымын уна ԃеԋга леԇан, сымын сіјӧ ԁонтӧммӧ. Сещӧм ԁонтӧмман ԃеԋганаԁ вузаԍны-ԋӧбаԍны оз шогмы. Боԍтԍӧԁны пабрік-завоԁјас верман сек, кор ԃеԋгалӧн ԁоныс ԁугԁас чінӧмыԍ. Ԃеԋгалӧн ԁон оз кут чінны сек, кор правіԏеԉство ԁугԁас ԃеԋга леԇӧмыԍ. Ԃеԋга леԇӧмыԍ кӧ ԁугԁан — ковмас правіԏеԉстволы бӧр кыскыны важ леԇӧмсӧ ас кіас. Ԃеԋга кыскыны верман сӧмын вот перјӧмӧн.
Комиӧн гижис
Сандрик Микол
Важ коми гижӧд