| СУД | СУԀ |
| «Закон тӧдтӧм вылӧ ыстысьны некодлы оз позь» | „Закон тӧԁтӧм-вылӧ ыстыԍны ԋекоԁлы оз поԅ“. |
| Некӧн, некутшӧм странаын абу сэтшӧм судыс, кутшӧм ӧні миян Сӧветса Республикаын. Быдлаын, быд государствоын власьт да суд капиталистъяс, помещикъяс киын; быдлаын судитӧны буржуйяс дор, дорйӧны ассьыныс олӧм да увтыртӧны гӧльӧс да крестьянаӧс. Сӧмын миян, Сӧветса Республикаын, власьт дорын да суд дорын сизимӧд во нин сулалӧны уджалысь йӧз — рабочӧйяс да крестьяна. Тӧдӧмысь, сідзӧн, миян законъяс дорйӧны уджалысь йӧзӧс, видзӧны налысь олӧмсӧ. Сы понда быдӧнлы колӧ тӧдны асланым власьтлысь законъяс, тӧдмавны кутшӧм миян суд. | Ԋекӧн, ԋекущӧм странаын абу сещӧм суԁыс, кущӧм ӧні міјан Сӧветса Респубԉікаын. Быԁлаын, быԁ госуԁарствоын влаԍт ԁа суԁ капітаԉістјас, помешщікјас кіын; быԁлаын суԃітӧны буржујјас-ԁор, ԁорјӧны асԍыныс олӧм ԁа увтыртӧны гӧԉӧс ԁа креԍԏанаӧс. Сӧмын міјан, Сӧветса Респубԉікаын, влаԍт-ԁорын ԁа суԁ-ԁорын ԍіԅімӧԁ во-ԋін сулалӧны уҗалыԍ јӧз — робочејјас ԁа креԍԏана. Тӧԁӧмыԍ, сіԇӧн, міјан законјас ԁорјӧны уҗалыԍ јӧзӧс, віԇӧны налыԍ олӧмсӧ. Сы-понԁа быԁӧнлы колӧ тӧԁны асланым влаԍтлыԍ законјас, тӧԁмавны кущӧм міјан суԁ. |
| Важӧн, сар дырйи, Роч муын вӧліны судъяс: Правительствующӧй Сенат, Судебнӧй Палатаяс, Окружнӧй Судъяс, Мирӧвӧй суддяяс, Городскӧй суддяяс, Губернскӧй Присутствояс, Уезднӧй Съездъяс да Земскӧй Начальникъяс. Быдлаын сэні пукалісны суддяяс дворяна да помещикъяс пӧвстысь; кыдзи вермисны пӧдтісны да увтыртісны уджалысь йӧзӧс — рабочӧйӧс да крестьянаӧс. Крестьяналӧн вӧлі асланыс сӧмын волостнӧй суд. Сэні судитлісны ӧти-кӧ, сар закон серти, мӧд-кӧ, сэні позьӧ вӧлі судитчыны сӧмын крестьяна костын. Некутшӧм чиновникӧс ни поп-дякӧс волостнӧй суд судитны эз вермыв. | Важӧн, сар ԁырјі, роч муын вӧліны суԁјас: Правіԏеԉствујушщӧј Ԍенат, Суԃебнӧј Палатајас, Ӧкружнӧј Суԁјас, Мірӧвӧј суԃԃајас, Гороԁскӧј суԃԃајас, Губернскӧј Прісутствојас, Ујезԁнӧј Сјезԁјас ԁа Ԅемскӧј Начаԉԋікјас. Быԁлаын сені пукалісны суԃԃајас ԁворана ԁа помешщікјас пӧвсыԍ; кыԇі вермісны пӧԁтісны ԁа увтыртісны уҗалыԍ јӧзӧс — робочејӧс ԁа креԍԏанаӧс. Креԍԏаналӧн вӧлі асланыс сӧмын волостнӧј суԁ. Сені суԃітлісны ӧԏі-кӧ, сар закон-ԍерԏі, мӧԁкӧ, сені поԅӧ вӧлі суԃітчыны сӧмын креԍԏана костын. Ԋекущӧм чіновԋікӧс ԋі поп-ԃакӧс волостнӧј суԁ суԃітны ез вермыв. |
| Ӧнія Народнӧй Судлӧн система ӧти: гӧльӧс и озырӧс судитӧ ӧти Народнӧй Суд. | Ӧніја Нароԁнӧј Суԁлӧн ԍіԍԏема ӧԏі: гӧԉӧс і озырӧс суԃітӧ ӧԏі Нароԁнӧј Суԁ. |
| 1. Народнӧй Суддя ӧтнасӧн (заседательястӧг) вӧчӧ делӧяс: а) гозъя торйӧдчӧм йылысь; б) вера вӧсна военнӧй службаысь мынтӧдчӧм йылысь; в) овмӧс йылысь, коді вермӧ кольны кулысьяс бӧрын; г) разрешенньӧтӧг лыйсян ӧружйӧ видзӧм йылысь; д) йӧз документӧн (пашпортӧн) олӧм йылысь; дь) видлалӧ нотариус вылӧ норасьӧмъяс; е) сетӧ судебнӧй приказъяс, ж) решайтӧ мукӧд посньыдик делӧяс. | 1. Нароԁнӧј Суԃԃа ӧтнасӧн (заԍеԁаԏеԉјастӧг) вӧчӧ ԃелӧјас: а) гозја торјӧԁчӧм-јылыԍ; б) вера-вӧсна војеннӧј службаыԍ мынтӧԁчӧм-јылыԍ; в) овмӧс-јылыԍ, коԁі вермӧ коԉны кулыԍјас бӧрын; г) разрешеԋԋӧтӧг лыјԍан ӧружјӧ віԇӧм-јылыԍ; ԁ) јӧз ԁокументӧн (пашпортӧн) олӧм-јылыԍ; ԃ) віԁлалӧ Нотаріус вылӧ нораԍӧмјас; е) ԍетӧ суԃебнӧј пріказјас, ж) решајтӧ мукӧԁ посԋіԃік ԃелӧјас. |
| 2. Став мукӧд деласӧ, коді абу подсуднӧ Губернскӧй да Верховнӧй Судъяслы, решайтӧ Народнӧй Суддя кык заседателькӧд. | 2. Став мукӧԁ ԃеласӧ, коԁі абу поԁсуԁнӧ Губернскӧј ԁа Верковнӧј Суԁјаслы, решајтӧ Нароԁнӧј Суԃԃа кык заԍеԁаԏеԉкӧԁ. |
| 3. Обласьтса (Губерняса) Суд: а) видлалӧ Народнӧй Судлысь водзӧ судӧ сетӧмъяс; б) ачыс решайтӧ гырысь делӧяс. | 3. Облаԍтса (Губерԋаса) Суԁ: а) віԁлалӧ Нароԁнӧј Суԁлыԍ воԇӧ суԁӧ ԍетӧмјас; б) ачыс решајтӧ гырыԍ ԃелӧјас. |
| 4. Верховнӧй Суд (мед ыджыд судыс, Мӧскуаын), сідз жӧ, кыдз и Губернскӧй (Областнӧй), ачыс судитӧ Республикаысь медся гырысь мыжъяссӧ, видлалӧ Обласьтса Судлысь водзӧ судӧ сетӧмъяс. | 4. Верковнӧј Суԁ (меԁ ыҗыԁ суԁыс, Мӧскуаын), сіԇ-жӧ, кыԇ і Губернскӧј (Областнӧј), ачыс суԃітӧ Респубԉікаыԍ меԁԍа гырыԍ мыжјассӧ, віԁлалӧ Облаԍтса Суԁлыԍ воԇӧ суԁӧ ԍетӧмјас. |
| Народнӧй Судлысь да суддялысь решенньӧяс да пригӧвӧръяс водзӧ сетсьӧ (кассационнӧй жалӧба) асланыс Губерняса (Обласьтса) Судӧ, решенньӧяс да пригӧвӧръяс Обласьтса Судлысь водзӧ — Верховнӧйӧ. | Нароԁнӧј Суԁлыԍ ԁа суԃԃалыԍ решеԋԋӧјас ԁа прігӧвӧрјас воԇӧ ԍетчӧ (касатсіоннӧј жалӧба) асланыс Губерԋаса (Облаԍтса) Суԁӧ, решеԋԋӧјас ԁа прігӧвӧрјас Облаԍтса Суԁлыԍ воԇӧ — Верковнӧјӧ. |
| Народнӧй Суд Коми Обласьтын уджалӧ 18-лаын (видзӧд водзӧ). | Нароԁнӧј Суԁ Комі Облаԍтын уҗалӧ 18-лаын (віԇӧԁ воԇӧ). |
| Татшӧм Народнӧй Судысь кындзи эмӧсь нӧшта временнӧй, кыдзи шусьӧны, специальнӧй судъяс: а) Военнӧй Трибуналъяс — решайтӧны сӧмын военнӧй делӧяс; б) Военно-транспортнӧй Трибуналъяс — судитӧны гырысь туйяс вылын мыж вӧчӧмысь; в) Народнӧй Судлӧн особӧй Трудӧвӧй Сессияяс — судитӧны трудӧвӧй законъяс торкӧмысь; г) Арбитражнӧй Комиссияяс — решайтӧны имущественнӧй споръяс государственнӧй органъяслысь; д) земельнӧй Комиссияяс — решайтӧны делӧяс видз-му йылысь да семья костын юксьӧм йылысь. | Тащӧм Нароԁнӧј Суԁыԍ-кынԇі емӧԍ нӧшта временнӧј, кыԇі шуԍӧны, ԍпетсіаԉнӧј суԁјас: а) Војеннӧј Трібуналјас — решајтӧны сӧмын војеннӧј ԃелӧјас; б) Војенно-Транспортнӧј Трібуналјас — суԃітӧны гырыԍ тујјас вылын мыж вӧчӧмыԍ; в) Нароԁнӧј Суԁлӧн особӧј Труԁӧвӧј Ԍеԍԍіјајас — суԃітӧны труԁӧвӧј законјас торкӧмыԍ; г) Арбітражнӧј Коміԍԍіјајас — решајтӧны імущественнӧј спорјас госуԁарственнӧј органјаслыԍ; ԁ) ԅемеԉнӧј Коміԍԍіјајас — решајтӧны ԃелӧјас віԇ-му-јылыԍ ԁа ԍемја костын јукԍӧм-јылыԍ. |
| Уголовнӧй делӧясӧ вӧчсьӧ дознание либӧ следствие. Дознание вӧчӧ Милиция, следствиесӧ — Народнӧй Следовательяс. | Уголовнӧј ԃелӧјасӧ вӧчԍӧ ԁознаԋіје ԉібӧ ԍԉеԁствіје. Ԁознаԋіје вӧчӧ Міԉітсіја, ԍԉеԁствіјесӧ — Нароԁнӧј Ԍԉеԁоваԏеԉјас. |
| Следовательскӧй участок миян Коми обласьтын 5 (видзӧд водзӧ). Мед лючки-ладнӧ вӧлі вӧчсьӧ дознание да следствие, сійӧ видзӧдӧны Прокуроръяс (Государственнӧй Прокуратура). Найӧ сэсся тшӧтш видзӧдӧны, мед быдӧн ладнӧ исполняйтіс Сӧветса законъяс, да суд вылын обвиняйтӧны мыжаясӧс. | Сԉеԁоваԏеԉскӧј участок міјан Комі облаԍтын 5 (віԇӧԁ воԇӧ). Меԁ ԉучкі-лаԁнӧ вӧлі вӧчԍӧ ԁознаԋіје ԁа ԍԉеԁствіје, сіјӧ віԇӧԁӧны Прокурорјас (Госуԁарственнӧј Прокуратура). Најӧ сеԍԍа щӧщ віԇӧԁӧны, меԁ быԁӧн лаԁнӧ ісполԋајтіс Сӧветса законјас, ԁа суԁ вылын обвіԋајтӧны мыжајасӧс. |
| Йӧзлы отсасьны, законъяс индавны, Губерняса (Обласьтса) Судъясын эмӧсь дорйысьысьяс (защитникъяс, Коллегия защитников). Тшӧктӧмӧн найӧ петалӧны суд вылӧ гражданскӧй споръяс дырйи да уголовнӧй делӧын. | Јӧзлы отсаԍны, законјас інԁавны, Губерԋаса (Облаԍтса) Суԁјасын емӧԍ ԁорјыԍыԍјас (зашщіԏԋікјас, Коԉԉегіја зашщіԏԋіков). Щӧктӧмӧн најӧ петалӧны суԁ вылӧ гражԁанскӧј спорјас-ԁырјі ԁа уголовнӧј ԃелӧын. |
| Наказанньӧ йылысь. | Наказаԋԋӧ-јылыԍ. |
| Сӧветскӧй закон оз старайтчы важ моз водзӧс босьтны мыжаяслысь, оз старайтчы сійӧс мучитны да тюрмаын сісьтыны. Закон старайтчӧ сэтшӧм мортсӧ веськыд туй вылӧ петкӧдны, мед эськӧ водзӧ вермас йӧзкӧд бура овны. Сы понда Сӧветса Суд первой гӧгӧрбок тӧдмалас: тӧдӧмӧн али тӧдтӧг преступник вӧчис мыжсӧ, кутшӧм сійӧ морт, абу-ӧ враг Республикалы, и сэки сӧмын сетас наказанньӧ либӧ лэдзӧ общество ки вылӧ. | Сӧветскӧј закон оз старајтчы важ-моз воԇӧс боԍтны мыжајаслыԍ, оз старајтчы сіјӧс мучітны ԁа ԏурмаын сіԍтыны. Закон старајтчӧ сещӧм мортсӧ веԍкыԁ туј вылӧ петкӧԁны, меԁ еԍкӧ воԇӧ вермас јӧзкӧԁ бура овны. Сы понԁа Сӧветса Суԁ первој гӧгӧрбок тӧԁмалас: тӧԁӧмӧн аԉі тӧԁтӧг преступԋік вӧчіс мыжсӧ, кущӧм сіјӧ морт, абу-ӧ враг Респубԉікалы, і секі сӧмын ԍетас наказаԋԋӧ ԉібӧ леԇӧ общество кі-вылӧ. |
| Кутшӧм наказанньӧяс вермӧ сетны суд? | Кущӧм наказаԋԋӧјас вермӧ ԍетны суԁ? |
| Миян Уголовнӧй Кодексын эм со кымын пӧлӧс наказанньӧяс: | Міјан Уголовнӧј Коԃексын ем со кымын пӧлӧс наказаԋԋӧјас: |
| 1) Вӧтлыны Республикаысь мыйкӧдыра кежлӧ либӧ пыр кежлӧ; | 1) Вӧтлыны Респубԉікаыԍ мыјкӧ ԁыра-кежлӧ, ԉібӧ пыр-кежлӧ; |
| 2) Пуксьӧдны тюрмаӧ (йӧртны Исправдомӧ, Ардомӧ) топыда видзӧмӧн либӧ топӧдтӧг, во джынсянь дас воӧдз; | 2) Пукԍӧԁны ԏурмаӧ (јӧртны Ісправԁомӧ, Арԁомӧ) топыԁа віԇӧмӧн ԉібӧ топӧԁтӧг, во җынԍаԋ ԁас воӧԇ; |
| 3) Мырдӧн уджӧдны казна удж вылын сизим лунсянь воӧдз; | 3) Мырԁӧн уҗӧԁны казна уҗ вылын ԍіԅім лунԍаԋ воӧԇ; |
| 4) Условнӧй наказанньӧ (выльысь сюртӧдз лэдзӧны); | 4) Условнӧј наказаԋԋӧ (выԉыԍ ԍуртӧԇ леԇӧны); |
| 5) Овмӧс мырддьыны (босьтны государствоӧ) ставсӧ либӧ мыйтакӧ; | 5) Овмӧс мырԃԃыны (боԍтны госуԁарствоӧ) ставсӧ ԉібӧ мыјԁакӧ; |
| 6) Штрап сюйны; | 6) Штрап ԍујны; |
| 7) Лишитны праваясысь; | 7) Ԉішітны правајасыԍ; |
| 8) Чӧвтны службаысь; | 8) Чӧвтны службаыԍ; |
| 9) Дивитны йӧз син водзын (общественнӧй порицание); | 9) Ԃівітны јӧз ԍін воԇын (общественнӧј порітсаԋіје); |
| 10) Тшӧктыны вештыны мыжсӧ буртор вӧчӧмӧн. Обласьтса (Губерняса) Судъяс, Верховнӧй Суд да Военнӧй Трибуналъяс вермӧны судитны гырысь мыжъясысь мед чорыда: мыжмӧм мортӧс лыйлыны. | 10) Щӧктыны вештыны мыжсӧ буртор вӧчӧмӧн. Облаԍтса (Губерԋаса) Суԁјас, Верковнӧј Суԁ ԁа Војеннӧј Трібуналјас вермӧны суԃітны гырыԍ мыжјасыԍ меԁ чорыԁа: мыжмӧм мортӧс лыјлыны. |
| Судебнӧй пошлина да сборъяс. | Суԃебнӧј пошԉіна ԁа сборјас. |
| Судебнӧй пошлина босьтсьӧ казнаӧ быд гражданскӧй делӧын первойя да воча сетӧм (искӧвӧй) прошенньӧысь. Иск кӧ явитӧма 10-сянь 50 шайтӧдз зарниӧн, — босьтсьӧ пошлина 1% (быд шайтысь ӧти урӧн); 50-сянь 500 шайтӧдз, — 2%, 500-ысь кӧ унджык, — 3%. | Суԃебнӧј пошԉіна боԍтԍӧ казнаӧ быԁ гражԁанскӧј ԃелӧын первојја ԁа воча ԍетӧм (іскӧвӧј) прошеԋԋӧыԍ. Іск-кӧ јавітӧма 10-ԍаԋ 50 шајтӧԇ зарԋіӧн, — боԍтԍӧ пошԉіна 1%, (быԁ шајтыԍ ӧԏі урӧн); 50-ԍаԋ 500 шајтӧԇ, — 2%, 500-ыԍ-кӧ унҗык, — 3%. |
| Искыс кӧ (корсян торйыс) 10 шайтысь улынджык, либӧ делӧыс кӧ абу имущество (кӧлуй, керка-карта, сьӧм) йылысь, сэки судебнӧй пошлина оз босьтсьы ньӧти. | Іскыс-кӧ (корԍан торјыс) 10 шајтыԍ улынҗык, ԉібӧ ԃелӧыс-кӧ абу імущество-(кӧлуј, керка-карта, ԍӧм)-јылыԍ, секі суԃебнӧј пошԉіна оз боԍтԍы ԋӧԏі. |
| Кассационнӧй жалобаысь (решенньӧ обжалуйтігӧн) пошлина босьтсьӧ джын мында. | Касатсіоннӧј жалобаыԍ (решеԋԋӧ обжалујтігӧн) пошԉіна боԍтчӧ җын мынԁа. |
| Местнӧй сбор босьтсьӧ сымда жӧ, мыйта и судебнӧй пошлина. | Местнӧј сбор боԍтԍӧ сымԁа-жӧ, мыјԁа і суԃебнӧј пошԉіна. |
| Гербӧвӧй сбор босьтсьӧ быд гражданскӧй делӧысь Гербӧвӧй Устав кузя. | Гербӧвӧј сбор боԍтԍӧ быԁ гражԁанскӧј ԃелӧыԍ Гербӧвӧј Устав-куԅа. |
| Канцелярскӧй сбор перйысьӧ сэки, кор босьтӧны гражданскӧй да уголовнӧй делӧясысь копияяс, справкаяс, удостоверенньӧяс, свидетельствояс да мукӧд пӧлӧс документъяс. Босьтсьӧ дас ур (10 коп. зар.) быд лист бокысь. | Кантсеԉарскӧј сбор перјыԍӧ секі, кор боԍтӧны гражԁанскӧј ԁа уголовнӧј ԃелӧјасыԍ копіјајас, справкајас, уԁостовереԋԋӧјас, ԍвіԃеԏеԉствојас ԁа мукӧԁ пӧлӧс ԁокументјас. Боԍтԍӧ ԁасур (10 коп. зар.) быԁ ԉіст бокыԍ. |
| Прошенньӧ гижигӧн быд корсян торлысь донсӧ колӧ гижны (оценитны) зарниӧн. Сы серти курс кузя босьтсьӧ пошлина да сборъяс. | Прошеԋԋӧ гіжігӧн быԁ корԍан торлыԍ ԁонсӧ колӧ гіжны (отсеԋітны) зарԋіӧн. Сы-ԍерԏі курс куԅа боԍтԍӧ пошԉіна ԁа сборјас. |
| Судебнӧй пошлина да став мукӧд сборыс оз босьтсьы: а) государственнӧй органъяслысь, кодъяслысь оз перйыссьы прӧмыслӧвӧй налог, б) найӧлысь, кодъяс корсьӧны уджалӧмысь дон да сёйны-юны сьӧм, в) уджалысь йӧзлысь, кодъясӧс суддя либӧ Суд шуасны мынтысьны вермытӧмӧн. | Суԃебнӧј пошԉіна ԁа став мукӧԁ сборыс оз боԍтԍы: а) госуԁарственнӧј органјаслыԍ, коԁјаслыԍ оз перјыԍԍы прӧмыслӧвӧј налог, б) најӧлыԍ, коԁјас корԍӧны уҗалӧмыԍ ԁон ԁа ԍојны-јуны ԍӧм, в) уҗалыԍ јӧзлыԍ, коԁјасӧс суԃԃа ԉібӧ Суԁ шуасны мынтыԍны вермытӧмӧн. |
| Судебнӧй пошлина, местнӧй сбор да гербӧвӧй сбор уголовнӧй делӧясысь оз босьтсьы ньӧти. | Суԃебнӧј пошԉіна, местнӧј сбор ԁа гербӧвӧј сбор уголовнӧј ԃелӧјасыԍ оз боԍтԍы ԋӧԏі. |
| Народнӧй Судлӧн участокъяс Коми Обласьтын. | Нароԁнӧј Суԁлӧн участокјас Комі Облаԍтын. |
| Кыдзи шусьӧ участок. Нарсудлӧн оланін. Кутшӧм сиктъяс (вӧлӧсьтъяс) пырӧны участок улӧ. | Кыԇі шуԍӧ участок.Нарсуԁлӧн олан ін.Кущӧм ԍіктјас (вӧлӧԍтјас) пырӧны участокулӧ. |
| Сыктывдін карув (Сысольскӧй уезд). | Сыктывԁін карув (Сысоԉскӧј ујезԁ). |
| 1-й.Сыктывдін кар.Сыктывдін кар. | 1-ј.Сыктывԁін кар.Сыктывԁін кар. |
| 2-ӧд.Выльгорт.Выльгорт, Сёська, Слӧбӧда, Зеленеч. | 2-ԁ.Выԉгорт.Выԉгорт, Ԍоԍка, Слӧбӧԁа, Ԅеԉеԋеч. |
| 3-ӧд.Ыб. Паджга, Нювчим завод, Ыб, Межадор. | 3-ԁ.Ыб.Паҗга, Ԋувчім завоԁ, Ыб, Межаԁор. |
| 4-ӧд.Визин.Волся, Поёл, Визин, Чуклӧм, Кебра. | 4-ԁ.Віԅін.Волԍа, Појол, Віԅін, Чуклӧм, Кебра. |
| 5-ӧд.Палауз.Палауз, Грива, Ужга, Койгорт, Кажым зав. | 5-ԁ.Палауз.Палауз, Гріва, Ужга, Којгорт, Кажым зав. |
| 6-ӧд.Паспоруб.Паспоруб, Лойма, Читаево, Абъячой. | 6-ԁ.Паспоруб.Паспоруб, Лојма, Чітајево, Абјачој. |
| 7-ӧд.Ношуль.Черныш, Ношуль, Летка, Верколузье. | 7-ԁ.Ношуԉ.Черныш, Ношуԉ, Ԉетка, Верколуԅје. |
| Кулӧмдін карув. | Кулӧмԁін карув. |
| 1-й.Кулӧмдін.Кулӧмдін, Керчомъя, Воч. | 1-ј.Кулӧмԁін.Кулӧмԁін, Керчомја, Воч. |
| 2-ӧд.Пӧддельнӧй.Дереваннӧй, Руч, Аныб, Пӧддельнӧй, Вомын, Шойнаты, Ыджыдвидз, Висер, Одыб. | 2-ԁ.ПӧԁԃеԉнӧјԂереваннӧј, Руч, Аныб, Пӧԁԃеԉнӧј, Вомын, Шојнаты, Ыҗыԁвіԇ, Віԍер, Оԁыб. |
| 3-ӧд.Кӧрткерӧс.Нёбдін, Важкуа, Пезмӧг, Кӧрткерӧс, Маджа, Визябӧж, Позты, Мордін. | 3-ԁ.Кӧрткерӧс.Ԋобԁін, Важкуа, Пезмӧг, Кӧрткерӧс, Маҗа, Віԅабӧж, Позты, Морԁін. |
| 4-ӧд.Помӧсдін.Нэмдін, Мыс, Пожӧг, Помӧсдін, Изьвайыв, Мылдін, Саваяг, Тшугӧрдін. | 4-ԁ.Помӧсԁін.Немԁін, Мыс, Пожӧг, Помӧсԁін, Іԅвајыв, Мывԁін, Савајаг, Щугырԁін. |
| Емдін карув. | Јемԁін карув. |
| 1-й.Емдін.Емдін, Зӧвсьӧрт, Айкатыла, Гам. | 1-ј.Јемԁін.Јемԁін, Зӧвԍӧрт, Ајкатыла, Гам. |
| 2-ӧд.Паль.Паль, Час, Проньдор, От. | 2-ԁ.Паԉ.Паԉ, Час, Проԋԁор, От. |
| 3-ӧд.Княжпогост.Серегов, Ыб, Сьӧська, Туръя, Княжпогост, Серегово-Горск., Онежйӧ. | 3-ԁ.Кԋажпогост.Ԍерегов, Ыб, Ԍоԍка, Турја, Кԋажпогост, Ԍерегово-Горск., Оԋежјӧ. |
| 4-ӧд.Слӧбӧда.Ёвкӧдж, Важгорт, Сёльдін, Кослан, Йӧртымдін, Слӧбӧда. | 4-ԁ.Слӧбӧԁа.Јовкӧҗ, Важгорт, Ԍоԉԁін, Кослан, Јӧртымԁін, Слӧбӧԁа. |
| Изьва карув. | Іԅва карув. |
| 1-й.Изьва.Уктавом, Кедвавом, Кулим, Гам, Мокчой, Букур, Ыб, Изьва. | 1-ј.Іԅва.Уктавом, Кеԁвавом, Куԉім, Гам, Мокчој, Букур, Ыб, Іԅва. |
| 2-ӧд.Краснӧйбор.Краснӧйбор, Галпи, Тшелляюр, Няшабӧж, Кыдзкар. | 2-ԁ.Краснӧјбор.Краснӧјбор, Галпі, Щеԉԉајур, Ԋашабӧж, Кыԇкар. |
| 3-ӧд. Усвавом.Кипиёва, Усвавом, Колва, Бӧлбан, Лыжавом, Кӧжва. | 3-ԁ.Усвавом.Кіпіјова, Усвавом, Колва, Бӧлбан, Лыжавом, Кӧжва. |
| Народнӧй следовательяс Обласьтын. | Нароԁнӧј ԍԉеԁӧваԏеԉјас Облаԍтын. |
| 1-й.Сыктывдін кар.1, 2 да 3 уч. Нар. Судлӧн Сыктывдін карулысь. | 1-ј.Сыктывԁін кар.1, 2 ԁа 3 уч. Нар. Суԁлӧн Сыктывԁін карулыԍ. |
| 2-ӧд.Абъячой.4, 5, 6 да 7 уч. Нар. Судлӧн Сыктывдін карулысь. | 2-ԁ.Абјачој.4, 5, 6 ԁа 7 уч. Нар. Суԁлӧн Сыктывԁін карулыԍ. |
| 3-ӧд. Кулӧмдін.Кулӧмдін карув. | 3-ԁ.Кулӧмԁін.Кулӧмԁін карув. |
| 4-ӧд.Емдін.Емдін карув. | 4-ԁ. Јемԁін.Јемԁін карув. |
| 5-ӧд.Изьва.Изьва карув. | 5-ԁ.Іԅва.Іԅва карув. |
Комиӧн
Важ коми гижӧд
