| ВОМ ПЫТШКӦС ВИСЬӦМ КАГАЯСЛӦН | ВОМПЫЩКӦС ВІԌӦМ КАГАЈАСЛӦН |
| Тайӧ висьӧмӧн висявлӧны нёнясян кагаяс чужӧм мыстиыс медводдза тӧлысьясас. Унджыксьыс висьӧдӧ омӧлик, нюкыртчӧм кагаясӧс. Кывйыс, пинь аныс, вом пытшкӧсыс налӧн вевттьысьӧ еджыд чутъясӧн либӧ еджыд корка кодьӧн. Нёнясьны найӧ сэк оз вермыны, вом пытшкӧсныс доймӧ да. Пӧттӧдз сёйтӧмла горзӧны, спокой оз сетны мамлы ни видзысьяслы. Сы вӧсна мамъяслы колӧ видзны кагаяссӧ тайӧ висьӧмӧн висьмӧмысь. Миян йӧз тайӧ висьӧмсӧ шуӧны «чветитӧмӧн». Чайтӧны, тайӧ «чветитӧмӧн» быд кагалы колӧ висьны. Абу сідз, ёртъяс. Кагалысь кӧ вомсӧ сӧстӧма видзан, сюр нёньӧн он нёньӧд да мыйӧн сюрӧ он верд, быд вердӧм бӧрын чышкан сылысь вомсӧ небыдик, сӧстӧм, пуан ва пытшкын кӧтӧдӧм дӧра торйӧн, сэки некутшӧм «чветитӧм» сылӧн оз ло, вом пытшкӧсыс оз вись ни. | Тајӧ віԍӧмӧн віԍавлӧны ԋоԋаԍан кагајас чужӧм-мыԍԏіыс меԁвоԇԇа тӧлыԍјасас. Унҗыкԍыс віԍӧԁӧ омӧԉік, ԋукыртчӧм кагајасӧс. Кывјыс, піԋаныс, вомпыщкӧсыс налӧн вевԏԏыԍӧ јеҗыԁ чутјасӧн ԉібӧ јеҗыԁ корка-коԃӧн. Ԋоԋаԍны најӧ сек оз вермыны, вомпыщкӧсныс ԁојмӧ-ԁа. Пӧттӧԇ ԍојтӧмла горзӧны, спокој оз ԍетны мамлы ԋі віԇыԍјаслы. Сы-вӧсна мамјаслы колӧ віԇны кагајассӧ тајӧ віԍӧмӧн віԍмӧмыԍ. Міјан јӧз тајӧ віԍӧмсӧ шуӧны „чвеԏітӧмӧн“. Чајтӧны, тајӧ „чвеԏітӧмӧн“ быԁ кагалы колӧ віԍны. Абу сіԇ, јортјас. Кагалыԍ-кӧ вомсӧ сӧстӧма віԇан, ԍур-ԋоԋӧн он ԋоԋӧԁ ԁа мыјӧн-ԍурӧ он верԁ, быԁ верԁӧм бӧрын чышкан сылыԍ вомсӧ ԋебыԃік, сӧстӧм, пуан ва пыщкын кӧтӧԁӧм ԁӧра торјӧн, секі ԋекущӧм „чвеԏітӧм“ сылӧн оз ло, вомпыщкӧсыс оз віԍ-ԋі. |
| Кагалӧн кӧ висьмас вом пытшкӧсыс, колӧ петкӧдлыны сійӧс докторлы да регыдджык зільны бурдӧдны. Чунь вылӧ гартны сӧстӧм дӧра тор, кӧтӧдны сійӧс доктор сетӧм ваӧн да быд вердӧм бӧрын чышкыны сійӧн кагалысь вом пытшкӧссӧ. Ниртыштӧмӧн чышкыны, мед небыд рысь кодьыс ставыс вушъяс, бырӧ. Чышкигӧн кӧ неуна вир петыштас, мед, сыысь омӧльысь абу. | Кагалӧн-кӧ віԍмас вомпыщкӧсыс, колӧ петкӧԁлыны сіјӧс ԁокторлы ԁа регыԁҗык зіԉны бурԁӧԁны. Чуԋ вылӧ гартны сӧстӧм ԁӧра тор, кӧтӧԁны сіјӧс ԁоктор ԍетӧм ваӧн ԁа быԁ верԁӧм-бӧрын чышкыны сіјӧн кагалыԍ вомпыщкӧссӧ. Ԋіртыштӧмӧн чышкыны, меԁ ԋебыԁ рыԍ-коԃыс ставыс вушјас, бырӧ. Чышкігӧн-кӧ ԋеуна вір петыштас, меԁ, сыыԍ омӧԉыԍ абу. |
| Эновтчан кӧ тайӧ висьӧмсӧ бурдӧдӧмысь — мыськӧмнад, чышкӧмнад он нин отсав. Лоас бара доктор дінӧ ветлыны. Сійӧ сетас мавтантор. Жель помӧ гартыштан вататор, лякыштан сійӧс мавтанторйӧн, сэсся рыськалӧмин мыськӧм бӧрын кокньыдика мавтыштан сійӧн вом пытшкӧссӧ. | Еновтчан-кӧ тајӧ віԍӧмсӧ бурԁӧԁӧмыԍ — мыԍкӧмнаԁ, чышкӧмнаԁ он-ԋін отсав. Лоас бара ԁоктор ԁінӧ ветлыны. Сіјӧ ԍетас мавтантор. Жеԉ помӧ гартыштан вататор, ԉакыштан сіјӧс мавтанторјӧн, сеԍԍа рыԍкалӧм ін мыԍкӧм бӧрын кокԋіԃіка мавтыштан сіјӧн вомпыщкӧссӧ. |
Комиӧн
Важ коми гижӧд
