| СЬӦМДӦМӦН КЫЗӦМ | ԌӦМԀӦМӦН КЫЗӦМ коклюш |
| Сьӧмдӧмӧн кызӧм посни челядьяслӧн — вуджан висьӧм. Кагаӧс виӧ, зэв ёна кызӧ. Кузя, дугдывтӧг помала кызӧ. Висьысь сьӧмдӧ: лӧзӧдас, лолыштӧ гора шутёвтӧмӧн, чипӧстӧмӧн. Висьӧм заводитчӧ прӧстӧй кызӧмӧн. Кыссьӧ тӧлысь-кык. Мукӧддырйи дырджык на ещӧ. Тайӧ висьӧмысь регыдджык колӧ бурдӧдны кагаястӧ: зэв ӧд сэк налы сьӧкыд. Виӧ-кызӧдӧ найӧс быд часын, либӧ ещӧ тшӧкыдджыка на. Кузя кызӧмысла кагаыд нэмӧ воӧ, ёна восӧдӧмысла да узьтӧмысла омӧльтчӧ, вын-эбӧсыс бырӧ. Сійӧ и виччысян коръя лолыс петас. | Ԍӧмԁӧмӧн кызӧм посԋі чеԉаԃјаслӧн — вуҗан віԍӧм. Кагаӧс віјӧ, зев јона кызӧ. Куԅа, ԁугԁывтӧг помала кызӧ. Віԍыԍ ԍӧмԁӧ: лӧзӧԁас, лолыштӧ гора шуԏовтӧмӧн, чіпӧстӧмӧн. Віԍӧм завоԃітчӧ прӧстӧј кызӧмӧн. Кысԍӧ тӧлыԍ-кык. Мукӧԁ-ԁырјі ԁырҗык-на јешщӧ. Тајӧ віԍӧмыԍ регыԁҗык колӧ бурԁӧԁны кагајастӧ: зев-ӧԁ сек налы ԍӧкыԁ. Віјӧ кызӧԁӧ најӧс быԁ часын, ԉібӧ јешщӧ щӧкыԁҗыка-на. Куԅа кызӧмысла кагаыԁ немӧ воӧ, јона восӧԁӧмысла ԁа уԅтӧмысла омӧԉтчӧ, вын-ебӧсыс бырӧ. Сіјӧ і віԁчыԍан корја лолыс петас. |
| Сьӧмдӧм кызӧмӧн висьысьяслы зэв лӧсялӧ бур сӧстӧм сынӧд (воздух). Сы вӧсна шоныд лунъясӧ висьысьяссӧ колӧ видзны ортсын. Тӧлын найӧ оланінӧ унджыкысь лэдзны выль сынӧд: ломтыны пач, труба восьсӧн видзны либӧ видзчысьӧмӧн восьтывлыны ӧдзӧс. Мед эськӧ висьысьлы оз жӧ веськав пыр мунан тӧлыс. Сыысь ёна сійӧс колӧ видзны. | Ԍӧмԁӧм кызӧмӧн віԍыԍјаслы зев лӧԍалӧ бур сӧстӧм сынӧԁ (возԁук). Сы вӧсна шоныԁ лунјасӧ віԍыԍјассӧ колӧ віԇны ортсын. Тӧлын најӧ олан інӧ унҗыкыԍ леԇны выԉ сынӧԁ: ломтыны пач, труба воԍсӧн віԇны, ԉібӧ віԁчыԍӧмӧн воԍтывлыны ӧԇӧс. Меԁ еԍкӧ віԍыԍлы оз-жӧ веԍкав пыр мунан тӧлыс. Сыыԍ јона сіјӧс колӧ віԇны. |
| Омӧль сынӧда, дукаинын оз ков висьысьястӧ видзны. Кызӧдігӧн кагалысь юрсӧ колӧ лэптыны, неуна водзлань копыртны, плешсӧ кырымӧн кутны. Ёна поснияслысь нильӧг орсӧ вомсьыс весавны чуньӧн. Висьысь кӧ сьӧмдылӧ, кувлӧ, колӧ пызйыны кӧдзыд ваӧн. Висьысьӧс оз ков кынтыны. Биалас кӧ сійӧс ёна, сьӧкыда кутас лолавны, пырысь-пыр жӧ колӧ ветлыны доктор дінӧ. | Омӧԉ сынӧԁа, ԁука інын оз ков віԍыԍјастӧ віԇны. Кызӧԁігӧн кагалыԍ јурсӧ колӧ лептыны, ԋеуна воԇлаԋ копыртны, пԉешсӧ кырымӧн кутны. Јона посԋіјаслыԍ ԋіԉӧг орсӧ вомԍыс весавны чуԋӧн. Віԍыԍ-кӧ ԍӧмԁылӧ, кувлӧ, колӧ пызјыны кӧԇыԁ ваӧн. Віԍыԍӧс оз ков кынтыны. Біјалас-кӧ сіјӧс јона, ԍӧкыԁа кутас лолавны, пырыԍ-пыр-жӧ колӧ ветлыны ԁоктор ԁінӧ. |
| Сьӧмдӧм кызӧмӧн висьысьӧс колӧ вердны кокни, пӧтӧс сёянӧн: йӧлӧн, колькйӧн, яйӧн. Вердны этшаникӧн, но тшӧкыда. Медбур вердны восӧдӧм бӧрын пыр. | Ԍӧмԁӧм кызӧмӧн віԍыԍӧс колӧ верԁны кокԋі, пӧтӧс ԍојанӧн: јӧлӧн, коԉкјӧн, јајӧн. Верԁны ещаԋікӧн, но щӧкыԁа. Меԁ бур верԁны восӧԁӧм бӧрын пыр. |
Комиӧн
Важ коми гижӧд
