| ЗЫВГӦМ ВИСЬӦМ КАГАЯСЛӦН | ЗЫВГӦМ ВІԌӦМ КАГАЈАСЛӦН |
| Медбур лекарство зывгӧм висьӧмысь бур сёян, сӧстӧм воздух, шонді югыд. | Меԁбур ԉекарство зывгӧм віԍӧмыԍ бур ԍојан, сӧстӧм возԁук, шонԁі југыԁ. |
| Висьысь кагаӧс ёнджыка колӧ вердны пуӧм йӧлӧн, небыдика пуӧм колькйӧн, чӧскыдджык няньӧн. Арӧн-джынйӧнысь кӧ ыджыд сійӧ, нӧшта позьӧ вердны яйӧн. | Віԍыԍ кагаӧс јонҗыка колӧ верԁны пуӧм јӧлӧн, ԋебыԃіка пуӧм коԉкјӧн, чӧскыԁҗык ԋаԋӧн. Арӧн җынјӧныԍ-кӧ ыҗыԁ сіјӧ, нӧшта поԅӧ верԁны јајӧн. |
| Тӧждысьны колӧ оланін видзны сӧстӧма: бус ни, няйт ни, лёк дук ни мед эз вӧв сэн. Унджыкысь колӧ ыркӧдлыны оланінсӧ выль воздухӧн, ӧдзӧс либӧ ӧшиньяс восьтывны. Сӧмын висьысьӧс оз ков лэдзны пукавны тӧв йылын. Гожӧмын висьысьӧс видзны ывлаынджык. Висьысьясӧс, арӧн-джынйӧнсянь, оз кӧ кызны, шоныда пасьтӧдӧмӧн тӧвся шоныд лунъясӧ колӧ петкӧдлыны ывлаӧ гуляйтны. | Тӧжԁыԍны колӧ олан ін віԇны сӧстӧма: бус-ԋі, ԋајт-ԋі, ԉок ԁук-ԋі меԁ ез вӧв сен. Унҗыкыԍ колӧ ыркӧԁлыны олан інсӧ выԉ возԁукӧн, ӧԇӧс ԉібӧ ӧшіԋјас воԍтывны. Сӧмын віԍыԍӧс оз ков леԇны пукавны тӧв јылын. Гожӧмын віԍыԍӧс віԇны ывлаынҗык. Віԍыԍјасӧс, арӧн-җынјӧнԍаԋ, оз-кӧ кызны, шоныԁа паԍтӧԁӧмӧн тӧвԍа шоныԁ лунјасӧ колӧ петкӧԁлыны ывлаӧ гуԉајтны. |
| Оз лӧсяв висьысьлы пемыд, васӧд да кӧдзыд оланін. Колӧ сійӧс видзны югыдінын, шонді водзын. | Оз лӧԍав віԍыԍлы пемыԁ, васӧԁ ԁа кӧԇыԁ олан ін. Колӧ сіјӧс віԇны југыԁ інын, шонԁі воԇын. |
| Медбур гожӧмын лӧнинӧ лӧсьӧдны мича сӧстӧм лыа. Жар лунъясӧ висьысьясӧс видзны лыа вылас. Пӧрччӧдны найӧс, сӧмын еджыд чышъянӧн чышъянӧдны. Зыртны висьысьлысь кокъяссӧ кыкысь кымын лун кежлӧ небыдик фланельӧн либӧ ной торйӧн. | Меԁ бур гожӧмын лӧԋ інӧ лӧԍӧԁны міча сӧстӧм лыа. Жар лунјасӧ віԍыԍјасӧс віԇны лыа вылас. Пӧртчӧԁны најӧс, сӧмын јеҗыԁ чышјанӧн чышјанӧԁны. Зыртны віԍыԍлыԍ кокјассӧ кыкыԍ кымын лун кежлӧ ԋебыԃік плаԋеԉӧн ԉібӧ ној торјӧн. |
| Посньыдик висьысьясӧс оз ков мырдӧн дыр пукӧдны лыа вылын, мед эськӧ оз гӧрбыльтчыны. | Посԋіԃік віԍыԍјасӧс оз ков мырԁӧн ԁыр пукӧԁны лыа вылын, меԁ еԍкӧ оз гӧрбыԉтчыны. |
| Татшӧм зывгӧм висьӧмӧн висьысь кагаясӧс кызӧм да мыт висьӧмыд ёнджыка висьӧдӧ. Сы вӧсна найӧс ёна колӧ видзны да дӧзьӧритны наысь. | Тащӧм зывгӧм віԍӧмӧн віԍыԍ кагајасӧс кызӧм ԁа мыт віԍӧмыԁ јонҗыка віԍӧԁӧ. Сы-вӧсна најӧс јона колӧ віԇны ԁа ԁӧԅӧрітны наыԍ. |
Комиӧн
Важ коми гижӧд
