| НЁНЯСЯН КАГАЯСЛӦН МЫТ | ԊОԊАԌАН КАГАЈАСЛӦН МЫТ |
| Медся ёна посни кагаяс кулалӧны мытысь да восӧмысь. Кымын водз пондам лечитны мыт висьӧм, сымын кокньыдджык сійӧс бырӧдны. Мытитігӧн оз позь кагаясӧс мый сюрӧ сёянӧн вердны. Некутшӧм лекарство оз отсав мый сюрӧнад вердігӧн. | Меԁԍа јона посԋі кагајас кулалӧны мытыԍ ԁа восӧмыԍ. Кымын воԇ понԁам ԉечітны мыт віԍӧм, сымын кокԋіԁҗык сіјӧс бырӧԁны. Мыԏітігӧн оз поԅ кагајасӧс мыј ԍурӧ ԍојанӧн верԁны. Ԋекущӧм ԉекарство оз отсав мыј ԍурӧнаԁ верԁігӧн. |
| Нёнясян кагаӧс оз ков вердны сюр нёньӧн, путӧм ваӧн, путӧм йӧлӧн, ырӧшӧн, рокӧн, няньӧн, кӧлачӧн, пуктасӧн. Оз ков сетны сылы нёнявны сакар, яблӧг. Нёнясян кагаӧс сӧмын мам йӧлӧн колӧ вердны, нёньӧдны быд кык час мысти. Мамлӧн кӧ йӧв этша, нёньӧдӧм коластъясын позьӧ юктавны висьысь кагаӧс неуна юммӧдыштӧм пуӧм ваӧн либӧ кизьӧриник тшайӧн. Вердӧм костъясас бӧрдӧмысь позьӧ сетны тыртӧм, пробкаӧн тупкӧм резинкӧвӧй нёнь. Быд сетӧм водзвылын колӧ сійӧс пожъявны пуӧм ваӧн. | Ԋоԋаԍан кагаӧс оз ков верԁны ԍур ԋоԋӧн, путӧм ваӧн, путӧм јӧлӧн, ырӧшӧн, рокӧн, ԋаԋӧн, кӧлачӧн, пуктасӧн. Оз ков ԍетны сылы ԋоԋавны сакар, јаблӧг. Ԋоԋаԍан кагаӧс сӧмын мам јӧлӧн колӧ верԁны, ԋоԋӧԁны быԁ кык час-мыԍԏі. Мамлӧн-кӧ јӧв еща, ԋоԋӧԁӧм коластјасын поԅӧ јуктавны віԍыԍ кагаӧс ԋеуна јуммӧԁыштӧм пуӧм ваӧн, ԉібӧ кіԅӧріԋік щајӧн. Верԁӧм костјасас бӧрԁӧмыԍ поԅӧ ԍетны тыртӧм, пробкаӧн тупкӧм реԅінкӧвӧј ԋоԋ. Быԁ ԍетӧм воԇвылын колӧ сіјӧс пожјавны пуӧм ваӧн. |
| Мӧс йӧлӧн вердан кагаӧс мытитігӧн колӧ дзикӧдз йӧлысь дугӧдлыны, юктавны сӧмын пуӧм ваӧн да кизьӧриник тшайӧн. | Мӧс јӧлӧн верԁан кагаӧс мыԏітігӧн колӧ ԇікӧԇ јӧлыԍ ԁугӧԁлыны, јуктавны сӧмын пуӧм ваӧн ԁа кіԅӧріԋік щајӧн. |
| Кагаӧс восӧдӧ кӧ тшӧтш — кӧдзыд пуӧм ваӧн да тшайӧн унджыкысь колӧ юктавны. Ичӧтик тшайнӧй паньӧн васӧ вомас кисьтны. | Кагаӧс восӧԁӧ-кӧ щӧщ — кӧԇыԁ пуӧм ваӧн ԁа щајӧн унҗыкыԍ колӧ јуктавны. Ічӧԏік щајнӧј паԋӧн васӧ вомас кіԍтны. |
| Сутки ваӧн вердӧм мысти вердны висьысь кагаӧс ва сора сливкиӧн. Босьтны сливки, содтыны кык мында ва, неуна сакар, бура пузьӧдны. Йӧв доз, сюр и нёнь колӧ мыськавны быд вердӧм бӧрын мичаджыка. Гутъясысь, бусысь колӧ видзны найӧс вевттьӧмӧн. | Суткі ваӧн верԁӧм-мыԍԏі верԁны віԍыԍ кагаӧс ва сора шԉівкіӧн. Боԍтны шԉівкі, соԁтыны кык-мынԁа ва, ԋеуна сакар, бура пуԅӧԁны. Јӧв ԁоз, ԍур і ԋоԋ колӧ мыԍкавны быԁ верԁӧм бӧрын мічаҗыка. Гутјасыԍ, бусыԍ колӧ віԇны најӧс вевԏԏӧмӧн. |
| Кага кӧ ёна горзӧ чужъясьӧмӧн, колӧ пуктыны кынӧм вылас шоныдтор: пӧсь перъян либӧ шоныд сетан компрес. | Кага-кӧ јона горзӧ чужјаԍӧмӧн, колӧ пуктыны кынӧм вылас шоныԁ тор: пӧԍ перјан ԉібӧ шоныԁ ԍетан компрес. |
| Гожӧмын оз ков дугӧдны кагаӧс мам нёньысь. Страда дырйи мамлы медбур босьтны кагаӧс аскӧдыс тшӧтш му вылӧ либӧ видз вылӧ. Гортад, омӧлик видзысь дінад, оз нин сійӧ красуйтчы. | Гожӧмын оз ков ԁугӧԁны кагаӧс мам ԋоԋыԍ. Страԁа ԁырјі мамлы меԁ бур боԍтны кагаӧс аскӧԁыс щӧщ му вылӧ ԉібӧ віԇ вылӧ. Гортаԁ омӧԉік віԇыԍ ԁінаԁ оз-ԋін сіјӧ красујтчы. |
Комиӧн
Важ коми гижӧд
