КАГА НЁНЬӦДӦМ, ДӦЗЬӦРИТӦМ КАГА ԊОԊӦԀӦМ, ДӦԄӦРІТӦМ
Омӧля, лёк ногӧн, кыдз сюрӧ вӧдитчӧмысь кага висьмӧ. Висьысь кага оз ыджыда ланьтлы: пыр горзӧ-бӧрдӧ. Висьысь кага дырйи некутшӧм шойччӧг мамыслы ни гортсаясыслы оз овлы. Кагалы ӧтарӧ нёнь тувъялӧны вомас, ланьтӧдӧны сійӧс бӧрдӧмысь. Мам нёньӧдас-нёньӧдас, сэсся мырдӧн сюр нёнь вомас сюясны, качайтӧны мый вынысь. Оз эськӧ ков сідз. Татшӧм видзӧмсьыс, кыз мырдӧн вердӧмсьыс нӧшта омӧль. Омӧԉа, ԉокногӧн, кыԇ-ԍурӧ вӧԃітчӧмыԍ кага віԍмӧ. Віԍыԍ кага оз ыҗыԁа лаԋтлы: пыр горзӧ-бӧрԁӧ. Віԍыԍ кага-ԁырјі ԋекущӧм шојтчӧг мамыслы ԋі гортсајасыслы оз овлы. Кагалы ӧтарӧ ԋоԋ тувјалӧны вомас, лаԋтӧԁӧны сіјӧс бӧрԁӧмыԍ. Мам ԋоԋӧԁас-ԋоԋӧԁас, сеԍԍа мырԁӧн ԍур ԋоԋ вомас ԍујасны, качајтӧны мыј выныԍ. Оз еԍкӧ ков сіԇ. Тащӧм віԇӧмԍыс, кыз мырԁӧн верԁӧмԍыс нӧшта омӧԉ.
Дзоньвидзалун кӧ колӧ кагалы, колӧ сійӧс шочджыка нёньӧдны, сӧмын быд кык час мысти. Вывті тшӧкыда вердӧмысла кынӧмыс сылӧн висьмӧ дай горзьӧдлӧ сійӧс. Сюр нёньтӧ дзикӧдз колӧ шыбитны, сы вӧсна кагатӧ мыт босьтӧ. Кага качайтӧмыд бара жӧ абу бур. Качайтӧмысла сылӧн юрыс бергӧдчӧ, висьӧдӧ сійӧс, нёнялӧм йӧлыс бӧр быльыктӧ, петӧ. Ԇоԋвіԇалун-кӧ колӧ кагалы, колӧ сіјӧс шочҗыка ԋоԋӧԁны, сӧмын быԁ кык час-мыԍԏі. Вывті щӧкыԁа верԁӧмысла кынӧмыс сылӧн віԍмӧ ԁај горԇјӧԁлӧ сіјӧс. Ԍур ԋоԋтӧ ԇікӧԇ колӧ шыбытны, сы-вӧсна кагатӧ мыт боԍтӧ. Кага качајтӧмыԁ бара-жӧ абу бур. Качајтӧмысла сылӧн јурыс бергӧԁчӧ, віԍӧԁӧ сіјӧс, ԋоԋалӧм јӧлыс бӧр быԉыктӧ, петӧ.
Бӧрдысь кагаӧс оз ков вердӧмӧн бурӧдны. Морт колӧкӧ ньӧти абу тшыг, оз кынӧм сюмалӧмла бӧрд, мӧдторйысь бӧрдӧ. Бурӧдтӧдзыс войдӧр колӧ тӧдмавны, мыйысь бӧрдӧ. Гашкӧ нӧ сійӧс зэлыда тӧбӧмаӧсь, либӧ ва вылын, оз-ӧ кодкӧ курччав, оз-ӧ вись вом пытшкӧсыс, оз-ӧ мытитӧд. Вом пытшкӧс висьӧмысь, еджыд куалӧмысь быд нёньӧдӧм бӧрын колӧ чышкыны вом пытшкӧссӧ сӧстӧм пуӧм ва пышкын кӧтӧдӧм дӧра торйӧн. Мытысь видзӧм кузя оз ков ёна нёньӧдны, оз ков сетны сюр нёнь. Ар джынйӧдз кагатӧ вердны сӧмын мам йӧлӧн. Мукӧдторъясӧн: рокӧн ни, кӧлачӧн ни оз ков вердны. Сюр нёнь пыдди кагаӧс бурӧдӧм кузя позьӧ сетны сылы тыртӧм резинкӧвӧй нёнь. Сӧмын унджыкысь колӧ сійӧс мыськавлыны пуӧм ваӧн, сетны пробкаӧн тупкӧмӧн. Еджыд куалӧм вомысь, мытитӧмысь и мукӧд висьӧмъясысь колӧ лечитны доктор ордын. Бӧрԁыԍ кагаӧс оз ков верԁӧмӧн бурӧԁны. Морт колӧкӧ ԋӧԏі абу щыг, оз кынӧм ԍумалӧмла бӧрԁ, мӧԁ торјыԍ бӧрԁӧ. Бурӧԁтӧԇыс војԁӧр колӧ тӧԁмавны, мыјыԍ бӧрԁӧ. Гашкӧ-нӧ сіјӧс зелыԁа тӧбӧмаӧԍ, ԉібӧ ва вылын, оз-ӧ коԁкӧ куртчав, оз-ӧ віԍ вомпыщкӧсыс, оз-ӧ мыԏітӧԁ. Вомпыщкӧс віԍӧмыԍ, јеҗыԁ куалӧмыԍ быԁ ԋоԋӧԁӧм бӧрын колӧ чышкыны вомпыщкӧссӧ сӧстӧм пуӧм ва пышкын кӧтӧԁӧм ԁӧра торјӧн. Мытыԍ віԇӧм-куԅа оз ков јона ԋоԋӧԁны, оз ков ԍетны ԍур ԋоԋ. Арҗынјӧԇ кагатӧ верԁны сӧмын мам јӧлӧн. Мукӧԁ торјасӧн: рокӧн-ԋі, кӧлачӧн-ԋі оз ков верԁны. Ԍур ԋоԋ-пыԃԃі кагаӧс бурӧԁӧм-куԅа поԅӧ ԍетны сылы тыртӧм реԅінкӧвӧј ԋоԋ. Сӧмын унҗыкыԍ колӧ сіјӧс мыԍкавлыны пуӧм ваӧн, ԍетны пробкаӧн тупкӧмӧн. Јеҗыԁ куалӧм вомыԍ, мыԏітӧмыԍ і мукӧԁ віԍӧмјасыԍ колӧ ԉечітны ԁоктор орԁын.
Кагаӧс зэлыда оз ков тӧбны, колӧ видзны сӧстӧма. Няйт, ва рузумъяс пыр колӧ вежлавны. Мыськавны найӧс быд лун либӧ лункосмӧсӧн. Нёльзянінъяс чышкыны косӧдз, киськавны картупель пызьӧн. Пондас кӧ кучик кусыньяс гӧрдӧдны либӧ улявны, колӧ ветлыны доктор дінӧ. Кагаӧс зелыԁа оз ков тӧбны, колӧ віԇны сӧстӧма. Ԋајт, ва рузумјас пыр колӧ вежлавны. Мыԍкавны најӧс быԁ лун, ԉібӧ лун космӧсӧн. Ԋоԉԅан інјас чышкыны косӧԇ, кіԍкавны картупеԉ пыԅӧн. Понԁас-кӧ кучік кусіԋјас гӧрԁӧԁны ԉібӧ уԉавны, колӧ ветлыны ԁоктор ԁінӧ.
Гӧг кӧртӧдсӧ кагаӧс мыськӧм бӧрын колӧ гартны сӧстӧм рузумӧн. Оз ков сэсся сійӧс вӧрӧдны, ачыс усяс. Гӧг бердӧ сӧстӧм рузум кындзи немтор оз ков пуктыны: вый ни, мазь ни. Гӧгйысь кӧ письтас вир либӧ сійӧ орсялӧ, гӧгӧрыс пондас гӧрдӧдны, регыдджык колӧ нуны кагатӧ доктор дінӧ. Гӧг кӧртӧԁсӧ кагаӧс мыԍкӧм бӧрын колӧ гартны сӧстӧм рузумӧн. Оз ков сеԍԍа сіјӧс вӧрӧԁны, ачыс уԍас. Гӧг берԁӧ сӧстӧм рузум кынԇі ԋемтор оз ков пуктыны: выј-ԋі, маԅ-ԋі. Гӧгјыԍ-кӧ піԍтас вір ԉібӧ сіјӧ орԍалӧ, гӧгӧрыс понԁас гӧрԁӧԁны, регыԁҗык колӧ нуны кагатӧ ԁоктор ԁінӧ.
Кагаяслӧн кӧ синъясыс орсялӧны, регыдджык колӧ зільны нулыны найӧс доктор дінӧ, оз ков эновтчыны. Асланым эновтчӧмла уна посни йӧз синтӧммылӧны. Кагајаслӧн-кӧ ԍінјасыс орԍалӧны, регыԁҗык колӧ зіԉны нулыны најӧс ԁоктор ԁінӧ, оз ков еновтчыны. Асланым еновтчӧмла уна посԋі јӧз ԍінтӧммылӧны.
Комиӧн
Важ коми гижӧд