| ЛУДӦМ | ЛУԀӦМ |
| Лудысь морт кучик пытшті ветлӧдлӧны, кодйысьӧны аслыссикас зэв посньыдик (куш синмӧн оз тыдавны) черань кодь гагъяс. Найӧ вӧрӧшитчигӧн яйыд и лудӧ. Йӧз кӧ олӧ дзескыдінын, няйт пытшкын, узьлӧны чукӧрӧн ӧти вольпасьын, новлӧны ӧти пӧлӧс няйт паськӧм, — лудӧм вӧчысь гагъяс висьысь вылысь вуджӧны дзоньвидза йӧз вылӧ. Найӧ тшӧтш пондасны лудны. Ӧти семья котырысь кӧ висьмасны лудӧмӧн уна морт, колӧ бурдӧдчыны ставыслы ӧтпырйӧн. Он кӧ ӧтпырйӧн бурдӧдчы, мӧд пӧв вермас висьӧмыс висьыссяньыс вуджны. | Луԁыԍ морт кучік пыщті ветлӧԁлӧны, коԁјыԍӧны аслыс ԍікас зев посԋіԃік (куш ԍінмӧн оз тыԁавны) чераԋ-коԃ гагјас. Најӧ вӧрӧшітчігӧн јајыԁ і луԁӧ. Јӧз-кӧ олӧ ԇескыԁ інын, ԋајт пыщкын, уԅлӧны чукӧрӧн ӧԏі воԉпаԍын, новлӧны ӧԏі пӧлӧс ԋајт паԍкӧм, — луԁӧм вӧчыԍ гагјас віԍыԍ вылыԍ вуҗӧны ԇоԋвіԇа јӧз вылӧ. Најӧ щӧщ понԁасны луԁны. Ӧԏі ԍемја котырыԍ-кӧ віԍмасны луԁӧмӧн уна морт, колӧ бурԁӧԁчыны ставыслы ӧтпырјӧн. Он-кӧ ӧтпырјӧн бурԁӧԁчы, мӧԁпӧв вермас віԍӧмыс віԍыԍԍаԋыс вуҗны. |
| Лудӧм висьӧмысь бурдӧдчӧны мазьӧн. Мазьӧн зырасьтӧдз колӧ бура пывсьыны, мыссьыны, чышкысьны косӧдз, сэсся вӧлись зыравны луданінъясті. Зырасьӧм бӧрын пасьтавны выль мыськалӧм дӧрӧм-гач, вежны вольпась да юрлӧс эжӧд. Пӧрччӧм паськӧмысь колӧ бырӧдны лудан гагъяссӧ да кольксӧ налысь. Сы вӧсна кӧлуйтӧ колӧ ёна пуны кунва пытшкын. | Луԁӧм віԍӧмыԍ бурԁӧԁчӧны маԅӧн. Маԅӧн зыраԍтӧԇ колӧ бура пывԍыны, мыԍԍыны, чышкыԍны косӧԇ, сеԍԍа вӧԉіԍ зыравны луԁан інјасті. Зыраԍӧм бӧрын паԍтавны выԉ мыԍкалӧм ԁӧрӧм-гач, вежны воԉпаԍ ԁа јурлӧс ежӧԁ. Пӧртчӧм паԍкӧмыԍ колӧ бырӧԁны луԁан гагјассӧ ԁа коԉксӧ налыԍ. Сы-вӧсна кӧлујтӧ колӧ јона пуны кунва пыщкын. |
| Зырасьӧм бӧрын кык-куим лун мысти бара колӧ пывсьыны-мыссьыны, бара зырасьны да вежны выль мыськӧм вольпась эжӧд да паськӧм. | Зыраԍӧм бӧрын кык-кујім лун-мыԍԏі бара колӧ пывԍыны-мыԍԍыны, бара зыраԍны ԁа вежны выԉ мыԍкӧм воԉпаԍ ежӧԁ ԁа паԍкӧм. |
Комиӧн
Важ коми гижӧд
