| ЧИРЕЙ | ЧІРЕЈ |
| Медъёна чирейӧссьылӧны лёк сёян вылын олігӧн, сьӧкыд удж уджалігӧн, няйт буса удж вӧчигӧн. Чирейысь мынтӧдчигӧн колӧ бур сёянтор сёйны, пӧтӧсджыкӧс: йӧв, кольк; сӧстӧма ассьыд яйтӧ видзны, унджыкысь мыссьыны шоныд ваӧн. Пӧсь пывсянӧ оз ков ветлыны, сійӧ омӧль. | Меԁ јона чірејӧԍԍылӧны ԉок ԍојан вылын олігӧн, ԍӧкыԁ уҗ уҗалігӧн, ԋајт буса уҗ вӧчігӧн. Чірејыԍ мынтӧԁчігӧн колӧ бур ԍојан тор ԍојны, пӧтӧсҗыкӧс: јӧв, коԉк; сӧстӧма асԍыԁ јајтӧ віԇны, унҗыкыԍ мыԍԍыны шоныԁ ваӧн. Пӧԍ пывԍанӧ оз ков ветлыны, сіјӧ омӧԉ. |
| Чирей петӧм мысти колӧ пуктыны сы вылӧ шоныд тор, либӧ небзьӧдан тор. Быдмыштас неуна да колӧ тшӧктыны докторлы вундыны сійӧс. Ёна ыджыдӧдз кӧ быдтан, ёна и мучитас висьысьтӧ. Чирей вундӧм бӧрын висьысьлы пыр жӧ лоас кокньыдджык. Ядрӧыс да став орыс кӧ петас вундӧминтіыс, дойыс регыдӧн бурдас. Он кӧ вунды чирейтӧ, дырджык висьӧдас морттӧ, унджык выль чирей петас и. | Чіреј петӧм-мыԍԏі колӧ пуктыны сы вылӧ шоныԁ тор, ԉібӧ ԋебԅӧԁан тор. Быԁмыштас ԋеуна ԁа колӧ щӧктыны ԁокторлы вунԁыны сіјӧс. Јона ыҗыԁӧԇ-кӧ быԁтан, јона і мучітас віԍыԍтӧ. Чіреј вунԁӧм бӧрын віԍыԍлы пыр-жӧ лоас кокԋіԁҗык. Јаԁраыс ԁа став орыс-кӧ петас вунԁӧм інтіыс, ԁојыс регыԁӧн бурԁас. Он-кӧ вунԁы чірејтӧ, ԁырҗык віԍӧԁас морттӧ, унҗык выԉ чіреј петас-і. |
| Чирейӧс колӧ видзны сӧстӧма. Кӧртӧд вежлавны ӧтчыд либӧ кыкысь сутки пытшкын. Быд кӧрталігӧн бурджыка пычкыны сэсь орсӧ. Ор мыськавны видзчысьӧмӧнджык, мед оз зыравсьы сійӧн чирей гӧгӧрыс. Кырымӧн кӧ либӧ паськӧмӧн дзоньвидза инсӧ орнас мавтыштан, вермасны выльысь петавны чирейясыд. Пежӧн видзӧмла чирейяс вермасны паськавны став туша кузя. | Чірејӧс колӧ віԇны сӧстӧма. Кӧртӧԁ вежлавны ӧтчыԁ ԉібӧ кыкыԍ суткі пыщкын. Быԁ кӧрталігӧн бурҗыка пычкыны сеԍ орсӧ. Ор мыԍкавны віԁчыԍӧмӧнҗык, меԁ оз зыравԍы сіјӧн чіреј гӧгӧрыс. Кырымӧн-кӧ ԉібӧ паԍкӧмӧн ԇоԋвіԇа інсӧ орнас мавтыштан, вермасны выԉыԍ петавны чірејјасыԁ. Пежӧн віԇӧмла чірејјас вермасны паԍкавны став туша куԅа. |
Комиӧн
Важ коми гижӧд
