| ДОЙМӦМ, ВӦРЗЬӦМ, ЧЕГӦМ | ԀОЈМӦМ, ВӦРԄӦМ, ЧЕГӦМ |
| Доймӧмысь, вӧрзьӧмысь да чегӧмысь оз ков бурдӧдчыны велӧдчытӧм веськӧдчысьяс, бабитчысьяс ордын. Нем гӧгӧрвотӧгыд найӧ бура ёна песлӧдласны, кусньӧдласны висянінтӧ, бура дыр мучитасны висьысьӧс. Вӧрзьӧмыд наӧн оз веськав, либӧ веськӧдасны да лёк ногӧн, чегӧм лыяссӧ йитласны кыдз сюрӧ. Висьысь морт нэм кежлӧ вермас кольны китӧг-коктӧг. | Ԁојмӧмыԍ, вӧрԅӧмыԍ ԁа чегӧмыԍ оз ков бурԁӧԁчыны велӧԁчытӧм веԍкӧԁчыԍјас, бабітчыԍјас орԁын. Ԋем гӧгӧрвотӧгыԁ најӧ бура јона песлӧԁласны, кусԋӧԁласны віԍан інтӧ, бура ԁыр мучітасны віԍыԍӧс. Вӧрԅӧмыԁ наӧн оз веԍкав, ԉібӧ веԍкӧԁасны ԁа ԉокногӧн, чегӧм лыјассӧ јітласны кыԇ-ԍурӧ. Віԍыԍ морт нем кежлӧ вермас коԉны кітӧг-коктӧг. |
| Ӧд песлӧдлӧм бӧрад, лёк ногӧн лыястӧ йитлӧм бӧрад, он нин, буракӧ, важногыд лӧсьӧд. Сы вылӧ велӧдчӧм мортыд сэк оз босьтчы бурдӧдны тэнӧ. | Ӧԁ песлӧԁлӧм бӧраԁ, ԉокногӧн лыјастӧ јітлӧм бӧраԁ, он-ԋін, буракӧ, важногыԁ лӧԍӧԁ. Сы вылӧ велӧԁчӧм мортыԁ сек оз боԍтчы бурԁӧԁны тенӧ. |
| Вӧрзьӧм да чегӧм инӧ пыктӧмысь кутӧм кузя да биалӧмысь видзӧм кузя пырысь-пыр жӧ колӧ пуктыны кӧдзыд ваӧн кӧтӧдӧм дӧра тор, либӧ нӧшта бурджык — кузьчышъян пытшкӧ кӧрталӧмӧн йи. Унджыкысь вежлавны ва дӧратӧ. Регыдджык висьысьӧс нуны доктор дінӧ. | Вӧрԅӧм ԁа чегӧм інӧ пыктӧмыԍ кутӧм-куԅа ԁа біјалӧмыԍ віԇӧм-куԅа пырыԍ-пыр-жӧ колӧ пуктыны кӧԇыԁ ваӧн кӧтӧԁӧм ԁӧра тор, ԉібӧ нӧшта бурҗык — куԅчышјан пыщкӧ кӧрталӧмӧн јі. Унҗыкыԍ вежлавны ва ԁӧратӧ. Регыԁҗык віԍыԍӧс нуны ԁоктор ԁінӧ. |
| Водтӧдны висьысьӧс телегаӧ либӧ доддьӧ колӧ лӧсьыдджыка, небыдджыка вольсалӧм вылӧ. Чегӧм ки-кокӧс таркалӧмысь видзӧм кузя колӧ гартыштны шӧртӧн, сэсся вылас ки-кок кузялаыс пуктыны дзав лубйысь да гартны гӧгӧрыс кага тӧбӧд вӧньӧн либӧ векньыдика вундӧм дӧраӧн. | Воттӧԁны віԍыԍӧс ԏеԉегаӧ ԉібӧ ԁоԃԃӧ колӧ лӧԍыԁҗыка, ԋебыԁҗыка воԉсалӧм вылӧ. Чегӧм кі-кокӧс таркалӧмыԍ віԇӧм-куԅа колӧ гартыштны шӧртӧн, сеԍԍа вылас кі-кок куԅалаыс пуктыны ԇав лубјыԍ ԁа гартны гӧгӧрыс кага тӧбӧԁ вӧԋӧн, ԉібӧ векԋіԃіка вунԁӧм ԁӧраӧн. |
Комиӧн
Важ коми гижӧд
