| ДОЙ | ԀОЈ |
| Дойдас кӧ кодкӧ асьсӧ — вундысяс-ӧ, керыштчас-ӧ кыткӧ, оз ков некор дой бердсӧ киськавны муӧн, саӧн, либӧ мукӧд лёкторъясӧн. Колӧ мыськавны дойсӧ сӧстӧм сӧдз ваӧн, сэсся топӧдны сійӧс воча дор ӧтлаасьтӧдз. Пуктыны дой вылӧ кыз небыдик сӧстӧм дӧра тор, лӧсьыдджыка сійӧс кӧртавны да регыдджык мунны доктор дінӧ. Сійӧ вурас дойсӧ. Куим-нёль лун мысти дойыд бурдас, пытшкас кӧ няйтыс оз веськавлы. | Ԁојԁас-кӧ коԁкӧ аԍсӧ — вунԁыԍас-ӧ, керыштчас-ӧ кыткӧ, оз ков ԋекор ԁој берԁсӧ кіԍкавны муӧн, саӧн, ԉібӧ мукӧԁ ԉокторјасӧн. Колӧ мыԍкавны ԁојсӧ сӧстӧм сӧԇ ваӧн, сеԍԍа топӧԁны сіјӧс воча ԁор ӧтлааԍтӧԇ. Пуктыны ԁој вылӧ кыз ԋебыԃік сӧстӧм ԁӧра тор, лӧԍыԁҗыка сіјӧс кӧртавны ԁа регыԁҗык мунны ԁоктор ԁінӧ. Сіјӧ вурас ԁојсӧ. Кујім-ԋоԉ лун-мыԍԏі ԁојыԁ бурԁас, пыщкас-кӧ ԋајтыс оз веԍкавлы. |
| Эновтчан кӧ лун кежлӧ кымын, дой вермас ордны. Вурны сійӧс оз нин кут шогмыны. Сэки дойыд куим-нёль вежон, нӧшта дырджык на висяс. | Еновтчан-кӧ лун кежлӧ кымын, ԁој вермас орԁыны. Вурны сіјӧс оз-ԋін кут шогмыны. Секі ԁојыԁ кујім-ԋоԉ вежон, нӧшта ԁырҗык-на віԍас. |
| Орсялӧм дойӧс ёна колӧ видзны пежалӧмысь. Быд лун либӧ лункосмӧсӧн колӧ сійӧс выльысь кӧртавны. Пежалан кӧ дойтӧ, ёнджыка висьмас, гӧгӧр ӧдас, Антонов огонь вермас босьтны (пыктас зэв ёна). Дой кӧрталанторъяс; ва и, киськалантор и (порошок), вата и, марля и — ставсӧ колӧ босьтны докторлысь. Кӧртасьтӧдз войдӧр бура кырымъястӧ колӧ мыськыны, сэсся босьтны вататор, кӧтӧдны сійӧс доктор сетӧм ва пышкын, мыськавны сійӧн висян дойтӧ. Став орсӧ колӧ мичаа весавны, сэсся киськавны дойсӧ порошокӧн, вевттьыны сійӧс марляторйӧн дай кӧртавны доктор велӧдӧм серти. Дой вылӧ порошок лӧсьыд кисьтавны жельторйӧн либӧ истӧгӧн. На помӧ гартыштан вататор, сюйлан сійӧс порошок пышкӧ, сэсся сӧмын сявкйӧдлы дой вылӧ. | Орԍалӧм ԁојӧс јона колӧ віԇны пежалӧмыԍ. Быԁ лун ԉібӧ лун космӧсӧн колӧ сіјӧс выԉыԍ кӧртавны. Пежалан-кӧ ԁојтӧ, јонҗыка віԍмас, гӧгӧр ӧԁас, Антонов огоԋ вермас боԍтны (пыктас зев јона). Ԁој кӧрталанторјас; ва-і, кіԍкалантор-і (порошок), вата-і, марԉа-і — ставсӧ колӧ боԍтны ԁокторлыԍ. Кӧртаԍтӧԇ војԁӧр бура кырымјастӧ колӧ мыԍкыны, сеԍԍа боԍтны вататор, кӧтӧԁны сіјӧс ԁоктор ԍетӧм ва пышкын, мыԍкавны сіјӧн віԍан ԁојтӧ. Став орсӧ колӧ мічаа весавны, сеԍԍа кіԍкавны ԁојсӧ порошокӧн, вевԏԏыны сіјӧс марԉаторјӧн ԁај кӧртавны ԁоктор велӧԁӧм-ԍерԏі. Ԁој вылӧ порошок лӧԍыԁ кіԍтавны жеԉторјӧн ԉібӧ ізтӧгӧн. На помӧ гартыштан вататор, ԍујлан сіјӧс порошок пышкӧ, сеԍԍа сӧмын ԍавкјӧԁлы ԁој вылӧ. |
| Дой кӧ пондас висьны: нетшкыны, ёвкйӧдлыны, гӧгӧрыс гӧрдӧдас, пыктас, — пыр жӧ колӧ петкӧдчыны докторлы. | Ԁој-кӧ понԁас віԍны: ԋещкыны, јовкјӧԁлыны, гӧгӧрыс гӧрԁӧԁас, пыктас, — пыр-жӧ колӧ петкӧԁчыны ԁокторлы. |
Комиӧн
Важ коми гижӧд
