КОМИ ЛИТЕРАТУРА (ГИЖӦД) КОМІ ԈІԎЕРАТУРА (ГІЖӦԀ)
Важӧн зэв шоча вӧлі аддзывлан комиӧн гижӧм нигаястӧ. Коми йӧз эськӧ зэв радейтӧ коми нигатӧ да оз лысьтны вӧлі гижны коминас — полӧны роч чиновникъясысь. Революция бӧрын коми гижӧд ловзис. Коми йӧз понда тӧждысьысьяс сьӧлӧмсяньыс босьтчисны дорйыны кыв да кутісны гижавны коми нигаяс. Сӧмын оз вӧлі тӧдны кутшӧм шыпасъясӧн (букваясӧн) колӧ гижавны коминас: ӧти шуӧ тадз пӧ колӧ гижны, мӧд шуӧ этадз пӧ, роч букваясӧн пӧ, латинскӧйӧн пӧ. Сэки ӧти коми кыв грамматика тӧдысь мортлӧн (В. А. Молодцов) лӧсьӧдӧма нин вӧлі коми шыпасъяс (букваяс). Сэсся дыр сёрнитӧмӧн, бӧрйысьӧмӧн Сыктывдінкара-Яренска съездъяс вылын шуӧма вӧлі гижавны став коми нигаяссӧ В. А. Молодцов лӧсьӧдлӧм коми букваясӧн. Важӧн зев шоча вӧлі аԁԇывлан коміӧн гіжӧм ԋігајастӧ. Комі јӧз еԍкӧн зев раԃејтӧ комі ԋігатӧ-ԁа оз лыԍтны вӧлі гіжны комінас — полӧны роч чіновԋікјасыԍ. Ревоԉутсіја бӧрын комі гіжӧԁ ловԅіс. Комі јӧз понԁа тӧжԁыԍыԍјас ԍӧлӧмԍаԋыс боԍтчісны дорјыны кыв ԁа кутісны гіжавны комі ԋігајас. Сӧмын оз вӧлі тӧԁны кущӧм шыпасјасӧн (буквајасӧн) колӧ гіжавны комінас: ӧԏі шуӧ таԇ-пӧ колӧ гіжны, мӧԁ шуӧ етаԇ-пӧ, роч буквајасӧн-пӧ, лаԏінскејӧн-пӧ. Секі ӧԏі комі кыв граммаԏіка тӧԁыԍ мортлӧн (В. А. Молоԁсов) лӧԍӧԁӧма-ԋін вӧлі комі шыпасјас (буквајас). Сеԍԍа ԁыр ԍорԋітӧмӧн, бӧрјыԍӧмӧн Сыктывԁін кара-Јаренска сјезԁјас вылын шуӧма вӧлі гіжавны став комі ԋігајассӧ В. А. Молоԁсов лӧԍӧԁлӧм комі буквајасӧн.
Питерӧ закажитӧма вӧлі шрифт. Ӧні Сыктывдінкарса коми типографияын эм пуд 100 кымын коми шрифтыс. Коми шрифт — сійӧ пельӧс изйыс коми литературалӧн. Піԏірӧ закажітӧма вӧлі шріфт. Ӧні Сыктывԁін карса комі ԏіпографіјаын ем пуԁ 100 кымын комі шріфтыс. Комі шріфт сіјӧ пеԉӧс ізјыс комі ԉіԏературалӧн.
Революция ловзьӧдіс Коми муӧс. Петісны коми гижысьяс (поэтъяс): гора сьылан кыв гижысь М. Н. Лебедев, революция поэт Варыш (А. А. Маегов), юморист Нёбдінса Виттор (В. А. Савин), эстет Сьӧлӧм (В. Т. Чисталёв), сатирик Е. В. Колегов, Визь (В. И. Лыткин), Жан Морӧс (И. Т. Чисталёв), Сандрик Микол (Н. А. Шахов), М. Ульныров и мукӧд, унаӧн на... Ревоԉутсіја ловԅӧԁіс комі муӧс. Петісны комі гіжыԍјас (поетјас): гора ԍылан кыв гіжыԍ М. Н. Ԉебеԃев, ревоԉутсіја поет Варыш (А. А. Маегов), јуморіст Ԋобԁінса Віттор (В. А. Савін), естет Ԍӧлӧм (В. Т. Чісталев), саԏірік Е. В. Коԉегов, Віԅ (В. И. Лыткін), Жан Морӧс (И. Т. Чисталев), Санԁрік Мікол (Н. А. Шаков), М. Уԉныров і мукӧԁ, унаӧн-на...
Комиӧн зэв уна гижӧма. Ӧні коми нига лэдзанінын оригинал пьесаыс 50 гӧгӧр эм, сэсся роч вылысь лӧсьӧдӧм гашкӧ 100-ысь уна. Стикотворенньӧясыд лыдтӧм-тшӧттӧм. Коміӧн зев уна гіжӧма. Ӧні комі ԋіга леԇан інын орігінаԉ пјесаыс 50 гӧгӧр ем, сеԍԍа роч вылыԍ лӧԍӧԁӧм гашкӧ 100-ыԍ уна. Ԍԏікотвореԋејасыԁ лыԁтӧм-щӧттӧм.
Уна эськӧ эм, сӧмын оз вермыны печатайтнысӧ. Миян Коми муын сӧмын ӧти неыджыд типография. Вонас сійӧ вермӧ печатайтны сӧмын 300 лист бока нига. Тадзтӧ вочасӧн весиг огӧ удитӧй школаясын велӧдчан нигаяссӧ печатайтны. Думыштан тайӧс, да сьӧлӧмыд майышмунӧ. Коді радейтӧ коми нигаяс, кодлы дона коми литература, корӧй Коми обласьтса юраяслысь ыджыдджык типография, либӧ торъя коми типография! Уна еԍкӧн ем сӧмын оз вермыны печатајтнысӧ. Міјан комі муын сӧмын ӧԏік ԋеыҗыԁ ԏіпографіја. Вонас сіјӧ вермӧ печатајтны сӧмын 300 ԉістбока ԋіга. Таԇтӧ вочасӧн веԍіг огӧ уԃітӧј школајасын велӧԁчан ԋігајассӧ печатајтны. Ԁумыштан тајӧс ԁа ԍӧлӧмыԁ мајышмунӧ. Коԁі раԃејтӧ комі ԋігајас, коԁлы ԁона комі ԉіԏература, корӧј комі облаԍтса јурајаслыԍ ыҗыԁҗык ԏіпографіја, ԉібӧ торја комі ԏіпографіја!
Ӧні коми нигаяс позяс судзӧдны дон вылӧ Коми нига лэдзанінысь (Устьсысольск, Обкомпрос, Госиздательство) да кооперативъясысь ньӧбны («Мойданкывъяс», Н. Витторлӧн драма «Шонді петігӧн дзоридз косьмис», революция сьыланкыв чукӧр «Гӧрд пӧлян», поэмаяс «Войтӧв шувгӧм» и коми литератураа журнал «Парма ёль».) Ӧні комі ԋігајас поԅас суԇӧԁны ԁонвылӧ Комі ԋіга леԇан іныԍ (Устьсысольск, Обкомпрос, Госизԁательство) ԁа коопераԏівјасыԍ ԋӧбны („Мојԁан кывјас“, Н. Вітторлӧн ԁрама „Шонԁі петігӧн ԇоріԇ коԍміс“, ревоԉутсіја ԍыланкыв чукӧр „Гӧрԁ пӧԉан“, поемајас „Војтӧв шувгӧм“ і Комі ԉіԏератураа журнал „Парма јоԉ“.)
Комиӧн
Важ коми гижӧд