РЕВОЛЮЦИЯ ДА КОМИ КЫВ РЕВОԈУТСІЈА ԀА КОМІ КЫВ
Важӧн коми морт вылӧ видзӧдісны пон вылӧ моз, коми кыв шулісны пон кывйӧн. Кыдзи вермисны, сідзи и увтыртісны коми мортӧс. Туйӧ ветлігӧн оз лысьтны вӧлі сёрнитны ӧдйӧджык комиӧн, пыр и серавны вӧлі кутасны рочьяс, кодъяс асьнысӧ вылӧджык пуктылісны сэки. Коми нывъяс вӧлі паракодъяс вылӧ Рочӧ ветлігӧн оз нин лысьтны кыв шуны комиӧн — роч зонъяс матӧ воштасны. Коми салдаткӧд мыйсӧ эз керлыны. Сэки нин вӧлі коми йӧзлы «Зырянская морда». Лӧсьыд вӧлі сэки рочьяслы коми йӧзтӧ кедзовтныд. На дор оліс сэки роч сар, роч чиновникъяс. Коми йӧз дор коді оліс? Некод эз. Весиг коми йӧзыд ачыс оз куж ас дорыс овны. Мукӧд коми мортыс мыйкӧ вылӧ ыштыліс да сар политика серти овліс, ас йӧзсӧ увтыртіс, омӧльтліс ассьыс чужан кывсӧ. Важӧн комі морт вылӧ віԇӧԁісны пон вылӧ-моз, комі кыв шулісны пон кывјӧн. Кыԇі вермісны, сіԇі і увтыртісны комі мортӧс. Тујӧ ветлігӧн оз лыԍтны вӧлі ԍорԋітны ӧԁјӧнҗык коміӧн, пыр і ԍеравны вӧлі кутасны рочјас, коԁјас аԍнысӧ вылӧҗык пуктылісны секі. Комі нывјас вӧлі парікоԁјас вылӧ рочӧ ветлігӧн оз-ԋін лыԍтны кыв шуны коміӧн — роч зонјас матӧ воштасны. Комі салԁаткӧԁ мыјсӧ ез керлыны. Секі ԋін вӧлі комі јӧзлы „Зырянская морда“. Лӧԍыԁ вӧлі секі рочјаслы комі јӧзтӧ кеԇовтныԁ. На ԁор оліс секі роч сар, роч чіновԋікјас. Комі јӧз ԁор коԁі оліс? Ԋекоԁ ез. Веԍіг комі јӧзыԁ ачыс оз куж ас ԁорыс овны. Мукӧԁ комі мортыс мыјкӧ вылӧ ыштыліс ԁа сар пӧԉіԏіка ԍерԏі овліс, ас јӧзсӧ увтыртіс, омӧԉтліс асԍыс чужан „кывсӧ“.
Ӧні коми кыв увтыртӧмлы воис пом. Важӧн кӧ рочьяс шулісны «Россия для русских», ӧні колӧ шуны «Россия для всех народов». Уджалысь йӧз шуис: тырмас пӧ коми кыв вылын серавны. Мед пӧ школаын велӧдны кутасны комиӧн, суддяяс коми йӧзкӧд комиӧн жӧ кутасны сёрнитны! Уджалысьяслӧн кывйыс имитіс. Ӧні комі кыв увтыртӧмлы воіс пом. Важӧн-кӧ рочјас шулісны „Россия для русских“, ӧні колӧ шуны „Россия для всех народов“. Уҗалыԍ јӧз шуіс: тырмас-пӧ комі кыв вылын ԍеравны. Меԁ-пӧ школаын велӧԁны кутасны коміӧн, суԃԃајас комі јӧзкӧԁ коміӧн-жӧ кутасны ԍорԋітны! Уҗалыԍјаслӧн кывјыс імітіс.
Ӧні гижалӧны коми нигаяс. Комиӧн жӧ печатайтӧны газет «Югыд туй» (гашкӧ кодкӧ и лыддьывліс да). Ӧні коми обласьтын некод нин оз яндысь комиӧн сёрнитӧмысь (кодсюрӧ зэв тшапъясысь кындзи). Ӧні гіжалӧны комі ԋігајас. Коміӧн-жӧ печатајтӧны гаԅет „Југыԁ-туј“ (гашкӧ коԁкӧ і лыԃԃывліс-ԁа). Ӧні комі облаԍтын ԋекоԁ-ԋін оз јанԁыԍ коміӧн ԍорԋітӧмыԍ (коԁ-ԍурӧ зев щапјасыс кынԇі).
Но сюся видзӧдӧй, коми ёртъяс, уджалысь йӧз: нырсӧ лэптӧны роч шовинистъяс, вашкӧдӧны пель водзас быдӧнлы: «Ӧні став гырысь суддяыс пӧ жыд». Роч шовинистъяслы аслыныс бара окота пуксьыны суддяясӧ, мед эськӧ бӧр вермисны шуны «Россия для русских». Еврейясӧс важӧн коми йӧзӧс моз жӧ кедзовтлісны. Найӧ коми йӧзлы омӧльтор эз вӧчны. Но ԍуԍа віԇӧԁӧј, комі јортјас, уҗалыԍ јӧз: нырсӧ лептӧны роч шовіԋістјас, вашкӧԁӧны пеԉ воԇас быԁӧнлы: „Ӧні став гырыԍ суԃԃаыс-пӧ жыԁ“. Роч шовіԋістјаслы аслыныс бара окота пукԍыны суԃԃајасӧ, меԁ еԍкӧ бӧр вермісны шуны „Россия для русских“. Јеврејјасӧс важӧн комі јӧзӧс-моз-жӧ кеԇовтлісны. Најӧ комі јӧзлы омӧԉ тор ез вӧчны.
Комиӧн
Важ коми гижӧд