КОМИ НИГА ЛЭДЗӦМ ЙЫЛЫСЬ КОМІ ԊІГА ЛЕԆӦМ-ЈЫЛЫԌ
Ӧні пондісны школаын комиӧн велӧдны, кутісны коми нигаяс лэдзавны. Мыйла нӧ сідзи вӧчисны? Войдӧр тай нӧ школаясын вӧлі рочӧн велӧдӧны. Ӧні понԁісны школаын коміӧн велӧԁны, кутісны комі ԋігајас леԇавны. Мыјла-нӧ сіԇі вӧчісны? Војԁӧр тајнӧ школајасын вӧлі рочӧн велӧԁӧны.
Коми челядь рочӧн али комиӧн бурджыка гӧгӧрвоӧны? Тӧдӧмӧн комиӧн! Медым челядьыс гӧгӧрвоасныджык, мыйӧ найӧс велӧдӧны, ӧні кутісны велӧдны комиӧн. Комиӧн велӧдігӧн ковмисны коми нигаяс. Войдӧр коми нигаяс эз вӧвны, ковмис найӧс лӧсьӧдны да печатайтны. Мед бурджыка лӧсьӧдны нигаяссӧ, ковмис тӧдмавны коми йӧзлысь сёрнисӧ, воддза олӧмсӧ, да ӧнія олӧмсӧ. Чукӧртчисны Сыктывдін карӧ коми гижысьяс тайӧ уджсӧ вӧчны, ёна лои налы мырсьыны. Войдӧр отсалысьяс налы некод эз вӧв, унджыкыс вӧлі паныд мунӧ, отсалӧм пыдди дзугӧ тайӧ уджсӧ. Сьӧмыд эз вӧв, унатор вӧлі оз тырмы. Ӧні вӧлисти уджыс артмыныджык кутіс. Комі чеԉаԃ рочӧн аԉі коміӧн бурҗыка гӧгӧрвоӧны? Тӧԁӧмӧн коміӧн! Меԁым чеԉаԃыс гӧгӧрвоасныҗык мыјӧ најӧс велӧԁӧны, ӧні кутісны велӧԁны коміӧн. Коміӧн велӧԁігӧн ковмісны комі ԋігајас. Војԁӧр комі ԋігајас ез вӧвны, ковміс најӧс лӧԍӧԁны ԁа печатајтны. Меԁ бурҗыка лӧԍӧԁны ԋігајассӧ, ковміс тӧԁмавны комі јӧзлыԍ ԍорԋісӧ, воԇԇа олӧмсӧ, ԁа ӧнја олӧмсӧ. Чукӧртчісны Сыктывԁін карӧ комі гіжыԍјас тајӧ уҗсӧ вӧчны, јона лоі налы мырԍыны. Војԁӧр отсалыԍјас налы ԋекоԁ ез вӧв, унҗыкыс вӧлі паныԁ мунӧ, отсалӧм пыԃԃі ԇугӧ тајӧ уҗсӧ. Ԍӧмыԁ ез вӧв, уна тор вӧлі оз тырмы. Ӧні вӧԉыԍті уҗыс артмыныҗык кутіс.
Ӧнӧдз петісны коми нигаяс: 1) Лыддьысьны велӧдчан (Сандрӧ Васьӧлӧн); 2) Законпуктас; 3) Шонді югӧр; 4) Войтӧв шувгӧм; 5) Гӧрд пӧлян; 6) Нывбабаяс, тіянлы шуам ми; 7) Коми грамматика туй писькӧдысь (Сандрӧ Васьӧлӧн); 8) Выддисьны-гижны вевӧтчан (Пермакъяс сёрни ногӧн); 9) Посни чой-воклы мойданкывъяс. Ӧнӧдз петісны комі ԋігајас: 1) Лыԃԃыԍны велӧԁчан (Санԁрӧ Ваԍӧлӧн); 2) Законпуктас; 3) Шонԁі југӧр; 4) Војтӧв шувгӧм; 5) Гӧрԁ пӧԉан; 6) Нывбабајас, тіјанлы шуам мі; 7) Комі грамаԏіка туј піԍкӧԁыԍ (Санԁрӧ Ваԍӧлӧн); 8) Выԃԃыԍны-гіжны вевӧԁчан (Пермакјас ԍорԋі ногӧн); 9) Посԋі чој-воклы мојԁан кывјас.
Ӧні печатайтӧны нигаяс: 1. Мощи йылысь да 2. Шонді петігӧн дзоридз косьмис (Нёбдінса Витторлӧн пьеска.) Ӧні печатајтӧны ԋігајас: 1. Мошщі јылыԍ ԁа 2. Шонԁі петігӧн ԇорыԇ коԍміс (Ԋобԁінса Вітторлӧн пјеска.)
Нигаяс оз сӧмын школаяслы лӧсьӧдны: лӧсьӧдӧны гырысьяслы тшӧтш, став коми йӧзлы, мед быдӧн вермисны лыддьысьны, тӧдмасьны, кыдзи мукӧд йӧз олӧны, кыдзи колӧ овны. Ԋігајас оз сӧмын школајаслы лӧԍӧԁны: лӧԍӧԁӧны гырыԍјаслы щӧщ, став комі јӧзлы, меԁ быԁсӧн вермісны лыԃԃыԍны, тӧԁмаԍны, кыԇі мукӧԁ јӧз олӧны, кыԇі колӧ овны.
Ӧні нига лэдзан инын уджалӧны: М. И. Ёль, В. А. Молодцов, Н. А. Шахов, А. Н. Надеев, В. И. Лыткин, А. Н. Чеусова, А. А. Суханова, А. А. Заболоцкая, В. Т. Чисталёв, И. Т. Чисталёв, сэсся мукӧд. Ӧні ԋіга леԇан інын уҗалӧны: М. И. Йоль, В. А. Молодцов, Н. А. Шахов, А. Н. Надеев, В. И. Лыткин, А. Н. Чеусова, А. А. Суханова, А. А. Заболоцкая, В. Т. Чисталев, И. Т. Чисталев, сеԍԍа мукӧԁ.
Уна гижисны коми гижысьяс: Нёбдінса Виттор (В. А. Савин), Збой Войтыр (Н. П. Попов), М. Н. Лебедев, И. В. Митюшев, Вась Педӧр (Ф. В. Попов), Кос Кулак (И. Е. Худяев), Василей Ёгор (Е. В. Колегов), Варыш (А. А. Маегов), Габӧ Педӧр Ӧльӧксан пи (А. А. Чеусов), И. А. Суханов, И. В. Жеребцов, М. Ульныров, А. С. Сидоров, Г. Старцев. Уна гіжісны комі гіжыԍјас: Ԋобԁінса Віттор (В. А. Савин), Збој Војтыр (Н. П. Попов), М. Н. Лебедев, И. В. Митюшев, Ваԍ Пеԁӧр (Ф. В. Попов), Кос кулак (И. Е. Худяев), Ваԍіԉеј Јогор (Е. В. Колегов), Варыш (А. А. Маегов), Габӧ Пеԁӧр Ӧԉӧксан-пи (А. А. Чеусов), И. А. Суханов, И. В. Жеребцов, М. Ульныров, А. С. Сидоров, Г. Старцев.
Комиӧн
Важ коми гижӧд