| КОМИ ОБЛАСЬТ | КОМІ ОБЛАԌТ |
| Саръяс ку письыс петісны: пессисны коми йӧзӧс рочӧ пӧртны. Сэтшӧм политика коми йӧзӧс торйӧдліс, янсӧдліс. Коми йӧз вӧлі олӧны 4–5 губерняын. Оліс коми йӧз губерня пельӧсъясас, сійӧ олӧм вылӧ эз и видзӧдлыны прамӧя. Некод коми йӧз вӧсна эз тӧждысь — Коми муын быдсяма озырлуныс эм (рудаяс, вӧр, нефть), а коми йӧз кынӧмпӧтсӧ корсьны ветлывлісны сюрс (1000) верст сайӧ, заводъясӧ. Ӧні коми йӧз ӧтлаасисны, восьтісны Коми обласьт. Коми обласьт восьтісны сы понда, мед коми йӧз ачыс вермас бергӧдлыны ас олӧмнас; мед коми йӧз ӧдйӧджык содасны-быдмасны мывкыднас (развивайтчасны); мед коми йӧз тшыгъялӧмысь дугдасны, мед воссясны заводъяс-фабрикаяс. Коми муын лоӧ коми культура, лоӧны комиӧн сёрнитысь суддяяс, комиссаръяс. | Сарјас ку-піԍыс петісны: песԍісны комі јӧзӧс рочӧ пӧртны. Сещӧм пӧԉіԏіка комі јӧзӧс торјӧԁліс, јансӧԁліс. Комі јӧз вӧлі олӧны 4–5 губерԋаын. Оліс комі јӧз губерԋа пеԉӧсјасас, сіјӧ олӧм вылӧ ез і віԇӧԁлыны прамеја. Ԋекоԁ комі јӧз вӧсна ез тӧжԁыԍ — Комі муын быԁԍама озыр луныс ем (руԁајас, вӧр, непԏ), а комі јӧз кынӧм пӧтсӧ корԍны ветлывлісны ԍурс (1000) верст сајӧ, завоԁјасӧ. Ӧні комі јӧз ӧтлааԍісны, воԍтісны Комі Облаԍт. Комі Облаԍт воԍтісны сы понԁа, меԁ комі јӧз ачыс вермас бергӧԁлыны ас олӧмнас; меԁ комі јӧз ӧԁјӧҗык соԁасны-быԁмасны мывкыԁнас (развівајтчасны); меԁ комі јӧз щыгјалӧмыԍ ԁугԁасны, мед воԍԍасны завоԁјас-пабрікајас. Комі муын лоӧ комі куԉтура, лоӧны коміӧн ԍорԋітыԍ суԃԃајас, коміссарјас. |
| Коми обласьтын юркарыс Сыктывдін кар (Усть-Сысольск). Обласьтын квайт карув (уезд): Емдін, Сыктыв, Лузберд, Кулӧмдін, Изьва, Удора. | Комі Облаԍтын јур карыс Сыктывԁін кар (Уԍԏсысоԉск). Облаԍтын квајт карув (уезԁ): Јемԁін, Сыктыв, Лузберԁ, Кулӧмԁін, Іԅва, Уԁора. |
| Коми обласьтын со мында олысь: | Комі Облаԍтын со мынԁа олыԍ: |
| 1. Емдін карулын13.984 верӧс (мужчин)18.272 ань (женщин) | 1. Јемԁін карулын13.984 верӧс (мужчин)18.272 аԋ (женщин) |
| 2. Удора -"-4.359 -"-5.956 -"- | 2. Удорса -"-4.359 -"-5.956 -"- |
| 3. Сыктывдін -"-26.388 -"-34.710 -"- | 3. Сыктывԁін -"-26.388 -"-34.710 -"- |
| 4. Лузберд -"-9.809 -"-12.436 -"- | 4. Лузберԁ -"-9.809 -"-12.436 -"- |
| 5. Кулӧмдін -"-11.750 -"-15.925 -"- | 5. Кулӧмԁін -"-11.750 -"-15.925 -"- |
| 6. Изьва -"-9.439 -"-12.561 -"- | 6. Іԅва -"-9.439 -"-12.561 -"- |
| Ставыс75.829 верӧс99.920 ань. | Ставыс75.829 верӧс99.920 аԋ. |
| Ӧнія Коми обласьтын ставыс 175.749 морт. Пӧшти ставыс коми, мукӧд пӧлӧс олысь зэв этша. Но обласьтӧ абу на ещӧ став комиыс пырӧма. | Ӧнја Комі Облаԍтын ставыс 175.749 морт. Пӧԍԏі ставыс комі, мукӧԁ пӧлӧс олыԍ зев еща. Но облаԍтӧ абу-на јешщӧ став коміыс пырӧма. |
| Комиясыд ещӧ олӧны Печӧра пӧлӧн, Перымскӧй губерняын, Ятскӧйын. Найӧс кӧ лыддьыны, комиыд мӧд та мында содӧ. | Коміјасыԁ јешщӧ олӧны Печӧра пӧлӧн, Пермскӧј губерԋаын, Јатскӧјын. Најӧӧс-кӧ лыԃԃыны, коміыԁ мӧԁ тамынԁа соԁӧ. |
| Комияс нӧшта олӧны Сибырын 15–25 сюрс гӧгӧр. Став комиыс лоӧ нёль сё сюрс гӧгӧр (400.000). | Коміјас нӧшта олӧны Ԍібырын 15–25 ԍурс-гӧгӧр. Став коміыс лоӧ ԋоԉ ԍо ԍурс гӧгӧр (400.000). |
Комиӧн
Важ коми гижӧд
