ОТСАЛӦЙ ТШЫГЪЯЛЫСЬЯСЛЫ ОТСАЛӦЈ ЩЫГЈАЛЫԌЈАСЛЫ
Коді эз тӧдлы тшыгъялӧм? Эжва йывсалӧн некор оз вун 1919 во. Оз вунӧдны кыдзи сёйлісны кач, кыдзи дундывлісны, кулалісны; оз вунӧдны, кутшӧмӧсь челядьныс вӧліны, кыдзи найӧ ки-коксьыныс усьліны, кулалісны. Оз ков сійӧс вунӧдны! Оз вун и салдатъяслӧн тшыгъялӧм! Коԁі ез тӧԁлы щыгјалӧм? Ежва јывсалӧн ԋекор оз вун 1919 во. Оз вунӧԁны кыԇі ԍојлісны кач, кыԇі ԁунԁывлісны, кулалісны; оз вунӧԁны, кущӧмӧԍ чеԉаԃныс вӧліны, кыԇі најӧ кі-кокԍыныс уԍліны, кулалісны. Оз ков сіјӧс вунӧԁны! Оз вун і салԁатјаслӧн щыгјалӧм!
Таво лунвылын нянь ньӧти эз во: ставыс косьмис. Войдӧр вӧлі кытысь няньсӧ миянӧ вайӧны, таво сэні тшыгъялӧны. Тшыгъялысьыс нелямын миллион дорысь унджык. (Став коми йӧзыс миллион джын сӧмын). Налы сёйны нинӧм, став идзассӧ нин, скӧтнысӧ нин сёйӧмаӧсь. Тшыгысла да висьӧмысла вывті уна кутӧма йӧзыс кувны. Самараын пӧ улич вывсьыс быд вой сюрӧ ветымын-квайтымын морт шой. Ставыс найӧ тшыглы кулӧм йӧз. Сідзи кулӧны быд карын, быд сиктын Волга кузя. Челядьыс, тӧдӧмӧн ещӧ ёна кулӧ. Быдлаын пӧ туй кузя туплясьӧ шой; мӧдӧдчасны, коньӧръяс, нянь корсьны, эбӧссьыныс усясны да туй вылас и кулӧны. Таво лун вылын ԋаԋ ԋӧԏі ез во: ставыс коԍміс. Војԁӧр вӧлі кытыԍ ԋаԋсӧ міјанӧ вајӧны, таво сені щыгјалӧны. Щыгјалыԍыс ԋеԉамын міԉԉон ԁорыԍ унҗык. (Став комі јӧзыс міԉԉон җын сӧмын). Налы ԍојны ԋінӧм, став іԇассӧ-ԋін, скӧтнысӧ-ԋін ԍојӧмаӧԍ. Щыгысла ԁа віԍӧмысла вывті уна кутӧма јӧзыс кувны. Самараын-пӧ уԉіч вывԍыс быԁ вој ԍурӧ ветымын-квајтымын морт шој. Ставыс најӧ щыглы кулӧм јӧз. Сіԇі кулӧны быԁ карын, быԁ ԍіктын Волга куԅа. Чеԉаԃыс, тӧԁӧмӧн јешщӧ јона кулӧ. Быԁлаын-пӧ туј куԅа тупԉаԍӧ шој; мӧԁӧԁчасны, коԋӧрјас, ԋаԋ корԍны, ебӧсԍыныс уԍасны ԁа туј вылас і кулӧны.
Ветлӧдлӧны быдлаын челядь, вижӧдӧм чужӧмаӧсь, куш лыныс, паськӧмтӧмӧсь. Корсьысьӧны, абу-ӧ кодкӧ шыбитӧма сёянтор. Ветлӧԁлӧны быԁлаын чеԉаԃ, віжӧԁӧм чужӧмаӧԍ, куш лыныс, паԍкӧмтӧмӧԍ. Корԍыԍӧны, абуӧ коԁкӧ шыбытӧма ԍојантор.
Вывті уна тшыгъялысьыс. Быдӧнлы кӧ сетны пуд джынйӧн тӧлысь кежлӧ, ковмас кызь миллион пуд нянь ӧти тӧлысь кежлӧ. Выль нянь вотӧдз сё нелямын миллион пуд. Правительство некод отсавтӧг сы мында няньсӧ лӧсьӧдны оз вермы, колӧ босьтчыны быдӧнлӧн отсавны кыдз мый верманныд. Вывті уна щыгјалыԍыс. Быԁсӧнлы-кӧ ԍетны пуԁ-җынјӧн тӧлыԍ кежлӧ, ковмас кыԅ міԉԉон пуԁ ԋаԋ ӧԏі тӧлыԍ кежлӧ. Выԉ ԋаԋ вотӧԇ ԍо ԋеԉамын міԉԉон пуԁ. Правіԏеԉство ԋекоԁ отсавтӧг сы мынԁа ԋаԋсӧ лӧԍӧԁны оз вермы, колӧ боԍтчыны быԁсӧнлӧн отсавны кыԇ мыј верманныԁ.
Кымын дыр кежлӧ эновтчам отсалӧмысь, сымын уна йӧз, уна челядь тшыгла кулӧ. Кымын ԁыр кежлӧ еновтчам отсалӧмыԍ, сымын уна јӧз, уна чеԉаԃ щыгла кулӧ.
Батьяс-мамъяс, чойяс-вокъяс, отсалӧй! Ичӧтик отсӧг вермас мездыны ӧти мортӧс тшыглы кулӧмысь. Баԏјас-мамјас, чојјас-вокјас, отсалӧј! Ічӧԏік отсӧг вермас мезԁыны ӧԏі мортӧс щыглы кулӧмыԍ.
Отсалӧй няньӧн, паськӧмӧн, деньгаӧн. Чуйдӧй мукӧдӧс отсавны! Отсалӧј ԋаԋӧн, паԍкӧмӧн, ԃеԋгаӧн. Чујԁӧј мукӧԁӧс отсавны!
Энӧ вунӧдӧй ассьыныд тшыгъявлӧмнытӧ. Енӧ вунӧԁӧј асԍыныԁ щыгјавлӧмнытӧ.
Йиджтӧй сьӧлӧмӧдзныд тшыгъялысьяслысь шоглунсӧ, энӧ вунӧдӧй найӧс! Јіҗтӧј ԍӧлӧмӧԇныԁ щыгјалыԍјаслыԍ шоглунсӧ, енӧ вунӧԁӧј најӧс!
Вомынын Микайлӧ Микайлӧвич Каракчиев, ыджыд семьяа морт, ыстӧма тшыгъялысьяслы пуд сю да пальто. Сійӧ мортыс, тыдалӧ, тӧдӧ тшыгъялӧмсӧ, оз жалит сетны тшыгъялысьяслы. Сідз жӧ вӧчӧй мукӧд. Вомынын Мікајлӧ Мікајлӧвіч Каракчіев, ыҗыԁ ԍемјаа морт, ыстӧма щыгјалыԍјаслы пуԁ ԍу ԁа паԉто. Сіјӧ мортыс, тыԁалӧ, тӧԁӧ щыгјалӧмсӧ, оз жаԉіт ԍетны щыгјалыԍјаслы. Сіԇ-жӧ вӧчӧј мукӧԁ.
Комиӧн
Важ коми гижӧд