МЕДА. | МЕԀА |
Коми муын ачым чужи, | Комі муын ачым чужі, |
Тӧдса меным коми кыв; | Тӧԁса меным комі кыв; |
Сьӧлӧмсянь ме, кыдзи кужи, | Ԍӧлӧмԍаԋ ме, кыԇі кужі, |
Гижи тайӧ сьыланкыв. | Гіжі тајӧ ԍыланкыв. |
Уна думъяс менам юрын | Уна ԁумјас менам јурын |
Гижигкостті вежсисны, | Гіжіг-костті вежԍісны, |
Уна войяс гижӧд бӧрын | Уна војјас гіжӧԁ-бӧрын |
Менам узьтӧг вешйисны. | Менам уԅтӧг вешјісны. |
Тайӧ сьылӧм — коми олӧм, | Тајӧ ԍылӧм — комі олӧм, |
Нинӧм абу тані лӧж; | Ԋінӧм абу тані лӧж; |
Ассьыд олӧм тӧдны колӧ, | Асԍыԁ олӧм тӧԁны колӧ, |
Быдтор овлывлӧ нэм чӧж. | Быԁтор овлывлӧ нем-чӧж. |
Сьылӧм бӧрын татысь аддзам | Ԍылӧм-бӧрын татыԍ аԁԇам |
Кутшӧм мича коми кыв; | Кущӧм міча комі кыв; |
Коми кывйысь оз ло яндзим: | Комі кывјыԍ оз ло јанԇім: |
«Коми йӧзлы — коми кыв». | „Комі јӧзлы — комі кыв“. |
I | I |
Гожся войын Эжва юсянь | Гожԍа војын Ежва јуԍаԋ |
Кыптӧ еджыд, кӧдзыд ру. | Кыптӧ јеҗыԁ,-кӧԇыԁ-ру. |
Видзьяс вылӧ лысва усьӧ, | Віԇјас-вылӧ лысва уԍӧ, |
Ланьтӧ, шойччӧ Коми му. | Лаԋтӧ, шојтчӧ Комі-му. |
Вылыс сиктын, вӧлӧсьт кузя | Вылыс ԍіктын, вӧлӧԍт-куԅа |
Некӧн шы ни зык оз кыв, | Ԋекӧн шы-ԋі зык оз кыв, |
Аски праздник. Ставыс узьӧ, | Аскі праԅԋік. Ставыс уԅӧ, |
Некӧн ныв ни зон оз сьыв. | Ԋекӧн ныв-ԋі зон оз ԍыв. |
Коми муын, Эжва вылын | Комі муын, Ежва-вылын |
Асывводзӧдз руалӧ; | Асывоԇӧԇ руалӧ; |
Кустъяс пӧвстын, нӧрыс йылын | Кустјас-пӧвсын, нӧрыс-јылын |
Мича керка сулалӧ. | Міча керка сулалӧ. |
Долыд овны татшӧм инын: | Ԁолыԁ овны тащӧм інын: |
Гӧгӧр дзольгӧ, сьылӧ кай... | Гӧгӧр ԇоԉгӧ, ԍылӧ кај... |
Нӧрыс йылын Эжва дінын | Нӧрыс-јылын ежва-ԁінын |
Гажа садйын — быттьӧ рай! | Гажа саԁјын — быԏԏӧ рај! |
Ру пыр содӧ, кыптӧ вылӧ; | Ру пыр соԁӧ, кыптӧ вылӧ; |
Узьӧ нӧрыс йылын сад. | Уԅӧ нӧрыс-јылын саԁ. |
Кӧнкӧ кылӧ петук сьылӧ... | Кӧнкӧ кылӧ петук ԍылӧ... |
Воис вой шӧр, вой шӧр кад. | Воіс војшӧр, војшӧркаԁ. |
Кӧнкӧ кылӧ воссис ӧдзӧс... | Кӧнкӧ кылӧ воԍԍіс ӧԇӧс... |
Кылӧ кага бӧрдӧм шы. | Кылӧ кага-бӧрԁӧм шы. |
Полігтырйи борйӧд ӧдйӧ | Поліг-тырјі борјӧԁ ӧԁјӧ |
Нӧрыс йылӧ лэччӧ ныв. | Нӧрыс-јылӧ летчӧ ныв. |
Морӧс бердас кага бӧрдӧ | Морӧс-берԁас кага бӧрԁӧ |
Рузум пиын надзӧник; | Рузум-піын наԇӧԋік; |
Керка дорӧ льӧм куст бердӧ | Керка-ԁорӧ ԉӧм куст-берԁӧ |
Ёкмыль пуктӧ гусьӧник... | Јокмыԉ пуктӧ гуԍӧԋік... |
________ | __________ |
Паськыд муын, муса аньяс, | Паԍкыԁ муын, муса аԋјас, |
Уна пӧлӧс оланног; | Уна-пӧлӧс олан-ног; |
Мича нывъяс, роч аканьяс, | Міча нывјас, роч-акаԋјас, |
Уна тӧдлад гаж и шог. | Уна тӧԁлаԁ гаж і шог. |
Ныв гаж кадын ставныд томӧсь, | Ныв-гаж-каԁын ставныԁ томӧԍ, |
Сьӧлӧм радлӧ, ворсӧ вир... | Ԍӧлӧм раԁлӧ, ворсӧ вір... |
Пи кӧ чужӧ мусук помысь — | Пі-кӧ чужӧ мусук-помыԍ — |
Корсяд сылы джуджыд йир. | Корԍаԁ сылы җуҗыԁ јір. |
________ | __________ |
«Югыд шонді, вӧльнӧй светӧй, | „Југыԁ шонԁі, вӧԉнеј ԍветӧј, |
Сьӧлӧмшӧрӧй муса пи! | Ԍӧлӧмшӧрӧј муса пі! |
Шогӧн чужті... Кытчӧ сеті? | Шогӧн чужті... Кытчӧ ԍеті? |
Кӧк моз тэнӧ эновті. | Кӧк-моз тенӧ еновті. |
Бур йӧз шӧрӧ, гашкӧ, инан, | Бур-јӧз-шӧрӧ, гашкӧ, інан, |
Гашкӧ, ловъя колян тэ, | Гашкӧ, ловја коԉан те, |
Гашкӧ, коркӧ аслам синмӧн | Гашкӧ, коркӧ аслам ԍінмӧн |
Аддза тэнсьыд быдмӧмтӧ... | Аԁԇа тенԍыԁ быԁмӧмтӧ... |
Зарни пиӧй, лоин пырттӧм, | Зарԋі-піӧј, лоін пырттӧм, |
Весиг нимтӧ ме ог тӧд; | Веԍіг ԋімтӧ ме ог тӧԁ; |
Кевма енсянь тэд бур мывкыд, | Кевма јенԍаԋ теԁ бур мывкыԁ, |
Мед тэ некор шог он тӧд. | Меԁ те ԋекор шог он тӧԁ. |
Ен мед видзас омӧль йӧзысь, | Јен меԁ віԇас омӧԉ јӧзыԍ, |
Мед зэв шуда лоан тэ... | Меԁ зев шуԁа лоан те... |
Прӧстит менӧ, прӧстит эзысь, | Прӧԍԏіт менӧ, прӧԍԏіт езыԍ, |
Жальӧн коля тэнӧ ме». | Жаԉӧн коԉа тенӧ ме“. |
________ | __________ |
Асыввылын кыа петӧ, | Асыв-вылын кыа петӧ, |
Кустын кайяс сьылӧны; | Кустын кајјас ԍылӧны; |
Льӧм куст улысь шога петӧ, | Ԉӧм-куст-улыԍ шога петӧ, |
Борйӧд сиктӧ кайӧ ныв | Борјӧԁ ԍіктӧ кајӧ ныв |
Бара, кылӧ, воссис ӧдзӧс... | Бара, кылӧ, воԍԍіс ӧԇӧс... |
Кылӧ ӧдзӧс сиптӧм шы. | Кылӧ ӧԇӧс ԍіптӧм шы. |
Льӧм куст улын кага бӧрддзис | Ԉӧм-куст-улын кага бӧрԁԇіс |
Мамыс бӧрдӧмсӧ оз кыв. | Мамыс бӧрԁӧмсӧ оз кыв. |
Асыввылын шонді кыптӧ, | Асыввылын шонԁі кыптӧ, |
Лысва косьмӧ пышйӧ ру. | Лысва коԍмӧ пышјӧ ру. |
Мича Эжва гажа шывгӧ, | Міча-Ежва гажа шывгӧ, |
Садьмӧ ловзьӧ Коми му. | Саԃмӧ-ловԅӧ Комі-му. |
ІІ. | IІ |
Нӧрыс йылын, гажа позйын, | Нӧрыс-јылын, гажа позјын, |
Мича коллялӧны нэм, | Міча коԉԉалӧны нем, |
Гулюяс моз, пӧрысь гозъя, | Гуԉујас-моз, пӧрыԍ гозја, |
Быдтор, майбыръяслӧн, эм: | Быԁтор, мајбырјаслӧн, ем: |
Мича керка лунӧ бана, | Міча керка лунӧ-бана, |
Керка гӧгӧр — овмӧс тыр. | Керка-гӧгӧр — овмӧс тыр. |
Лӧсьыд овны налы тані, | Лӧԍыԁ овны налы тані, |
Татшӧм раяд шог оз пыр! | Тащӧм рајаԁ шог оз пыр! |
Шоныд рытъяс коллялӧны | Шоныԁ рытјас коԉԉалӧны |
Кильчӧ вылын кыкӧн пыр; | Кіԉчӧ-вылын кыкӧн пыр; |
Бурӧн-жальӧн казьтывлӧны | Бурӧн-жаԉӧн каԅтывлӧны |
Кольӧм олӧм бура дыр. | Коԉӧм олӧм бура-ԁыр. |
— "Кывзы, Наста», — пӧрысь шуӧ: | — "Кывзы, Наста“, пӧрыԍ шуӧ: |
«Менӧ босьтӧ кутшӧм шог: | „Менӧ боԍтӧ кущӧм шог: |
Регыд мунам мӧдар муӧ, — | Регыԁ мунам мӧԁар-муӧ,- — |
Кодлы колям оланног? | Коԁлы коԉам олан-ног? |
Дырӧн чӧжим эмбур уна, | Ԁырӧн чӧжім ембур уна, |
Унджык вылӧ веж оз пет; | Унҗык-вылӧ веж оз пет; |
Быдтор судзсьӧ, нинӧм шуны, | Быԁтор суԇԍӧ, ԋінӧм шуны, |
Сӧмын челядь ен эз сет... | Сӧмын чеԉаԃ јен ез ԍет... |
Пӧра кольӧ вынъяс бырӧ, | Пӧра коԉӧ вынјас бырӧ, |
Регыд суас пӧрысь кад; | Регыԁ суас пӧрыԍ-каԁ; |
Менам сьӧлӧм шогӧн тырӧ, | Менам ԍӧлӧм шогӧн тырӧ, |
Оз нин гажӧд нӧрыс сад. | Оз-ԋін гажӧԁ нӧрыс-саԁ. |
Коді бара миян бӧрын | Коԁі-бара міјан-бӧрын |
Дась бур овмӧс уджалас? | Ԁаԍ бур-овмӧс уҗалас? |
Коді бара кулӧм бӧрын | Коԁі-бара кулӧм-бӧрын |
Бура дзебас-гуалас?»... | Бура ԇебас-гуалас?“... |
Уна-сь тадзи пӧрысь гозъя | Уна-ԍ таԇі пӧрыԍ-гозја |
Гожся рытын шогсьӧны; | Гожԍа рытын шогԍӧны; |
Гажтӧм овны гажа позйын: | Гажтӧм овны гажа позјын: |
Абу налӧн пи ни ныв. | Абу налӧн пі ԋі ныв. |
ІІІ. | IІІ |
Эжва кузя ылӧ кылӧ | Ежва куԅа ылӧ кылӧ |
Праздник лунӧ асъя звӧн. | Праԅԋіклунӧ асја звӧн. |
Пӧрысь петіс кильчӧ вылӧ. | Пӧрыԍ петіс кіԉчӧвылӧ. |
Асыв шоныд, мича, лӧнь. | Асыв шоныԁ, міча, лӧԋ. |
Енэж вывсянь югыд шонді | Јенеж-вывԍаԋ југыԁ шонԁі |
Сявкйӧ югӧр, ёрӧ син, | Ԍавкјӧ југӧр, јорӧ ԍін, |
Ставсӧ, майбыр, сійӧ шонтӧ, | Ставсӧ, мајбыр, сіјӧ шонтӧ, |
Сылӧн шоныдлун оз чин! | Сылӧн шоныԁлун оз чін! |
Лунтӧв руӧн Эжва вылын | Лунтӧв руӧн Ежва-вылын |
Ворсӧ посньыд сера гы; | Ворсӧ посԋіԁ-ԍера гы; |
Нора юргӧ ягын, ылын, | Нора јургӧ јагыԁ, ылын, |
Асъя звӧнлӧн йӧла шы. | Асја звӧнлӧн јӧла шы. |
Мӧдлапӧлын утка горзӧ, | Мӧԁла-пӧлын утка горзӧ, |
Кӧнкӧ, кылӧ, кӧкӧ кӧк; | Кӧнкӧ, кылӧ, кӧкӧ кӧк; |
Гӧгӧр радлӧ, ставыс ворсӧ... | Гӧгӧр раԁлӧ, ставыс ворсӧ... |
Майбыр олӧм — гажа вӧт! | Мајбыр олӧм — гажа вӧт! |
* * * | * * * |
Пӧрысьлӧн тшӧтш шогъяс вуні, | Пӧрыԍлӧн щӧщ шогјас вуні, |
Кывзӧ гажсӧ вель нин дыр; | Кывзӧ гажсӧ веԉ-ԋін ԁыр; |
Наста петӧ вичко мунны, | Наста петӧ вічко мунны, |
Шуӧ: «Трӧшко, гортад пыр!» | Шуӧ: „Трӧшко, гортаԁ пыр!“ |
Пӧрысь сэні шай-пай муніс, | Пӧрыԍ сені шај-пај муніс, |
Торксис сылӧн ойбыр-дум: | Торкԍіс сылӧн ојбыр-ԁум: |
«Чӧвлы, Наста, — сійӧ шуис: | „Чӧвлы, Наста, — сіјӧ шуіс: |
Кутшӧм гажа локтӧ лун!» | Кущӧм гажа локтӧ лун!“ |
Пернапасӧн Наста лэччӧ | Пернапасӧн Наста летчӧ |
Кильчӧ поскӧд ньӧжйӧник, | Кіԉчӧ-поскӧԁ ԋӧжјӧԋік, |
Лабич вылысь Трӧшко чеччӧ, | Лабіч-вылыԍ Трӧшко четчӧ, |
Пырӧ гортас надзӧник. | Пырӧ гортас наԇӧԋік. |
Сэки воис керка сайысь | Секі воіс керка-сајыԍ |
Налы нора бӧрдӧм шы. | Налы нора бӧрԁӧм шы. |
— «Бласлӧ кристос! Мый нӧ тайӧ?» | — „Бласлӧ крістос! Мыј-нӧ тајӧ?“ |
Шемӧс босьтіс, оз пет кыв... | Шемӧс боԍтіс, оз пет кыв... |
ІV. | IV |
Енэж вывсянь нӧрыс йылӧ | Јенеж-вывԍаԋ нӧрыс-јылӧ |
Шонді югӧр пуксьӧма; | Шонԁі-југӧр пукԍӧма; |
Льӧм пу улӧ, кага вылӧ | Ԉӧмпу-улӧ, кага-вылӧ |
Тшӧтш тай югӧр усӧма. | Щӧщ-тај југӧр усӧма. |
Югыд шонді шоныд лолысь | Југыԁ-шонԁі шоныԁ-лолыԍ |
Узьысь кага садьмӧма. | Уԅыԍ кага саԃмӧма. |
Код нӧ аддзас?... Мамыс колис... | Коԁ-нӧ аԁԇас?... Мамыс коԉіс... |
Коньӧр, бӧрдны мӧдӧма. | Коԋӧр, бӧрԁны мӧԁӧма. |
Бӧрдӧм шыад льӧм куст бердӧ | Бӧрԁӧм шыаԁ ԉӧмкуст-берԁӧ |
Пӧрысь гозъя — котӧрӧн. | Пӧрыԍ-гозја — котӧрӧн. |
Трӧшко шензьӧ. Настя бӧрдӧ — | Трӧшко шенԅӧ. Насԏа бӧрԁӧ — |
Синва киссьӧ тюрӧбӧн: | Ԍінва кіԍԍӧ ԏурӧбӧн: |
— «Бласлӧ кристос, мый нӧ тайӧ?» | — „Бласлӧ крістос, мыј-нӧ тајӧ?“ |
— «Чӧвлы, Наста, тэ эн бӧрд! | — „Чӧвлы, Наста, те ен бӧрԁ! |
Аддзан — енмыд шудтӧ вайӧ: | Аԁԇан — јенмыԁ шуԁтӧ вајӧ: |
Ӧдйӧ босьт вай, гортӧ пырт!» | Ӧԁјӧ боԍт вај, гортӧ пырт!“ |
Наста полӧ. — «Кыдз нӧ босьта?.. | Наста полӧ. — „Кыԇ-нӧ боԍта?.. |
Вай тэ, Трӧшко, ачыд ну!... | Вај те, Трӧшко, ачыԁ ну!... |
Ме тэд водзвыв ӧдзӧс восьта... | Ме теԁ воԇвыв ӧԇӧс воԍта... |
Аттӧ, грек мед оз жӧ су!».. | Аттӧ, грек меԁ оз-жӧ су!“.. |
Нимкодьпырысь, дзӧран кинас | Ԋімкоԃ-пырыԍ, ԇӧран кінас |
Трӧшко босьтіс моздорас, | Трӧшко боԍтіс мозԁорас, |
Топӧдыштіс морӧс дінас: | Топӧԁыштіс морӧс-ԁінас: |
— «Чурки-буди, здоров на!".. | — „Чуркі-буԃі, зԁоров-на!".. |
Гажа керка эз на кывлы | Гажа керка ез-на кывлы |
Некор челядь бӧрдӧм шы, | Ԋекор чеԉаԃ-бӧрԁӧм шы, |
Татшӧм ёся эз на «сьывлы» | Тащӧм јоԍа ез-на ,,ԍывлы“ |
Тані некор пи ни ныв. | Тані ԋекор пі ԋі ныв. |
Ӧні быттьӧ кыптіс, ловзис, | Ӧні быԏԏӧ кыптіс, ловԅіс, |
Югдіс, воссис керканыс. | Југԁіс, воԍԍіс керканыс. |
Пӧрысь кадныс быттьӧ овсис, | Пӧрыԍ каԁныс быԏԏӧ овԍіс, |
Быттьӧ том кад бергӧдчис. | Быԏԏӧ том-каԁ бергӧԁчіс. |
* * * | * * * |
Тешкодь олӧм мунӧ муын, | Ԏешкоԃ олӧм мунӧ муын, |
Оз сюр ӧткодь оланног: | Оз ԍур ӧткоԃ олан-ног: |
Кодлысюрӧ челядь мустӧм, | Коԁлы-ԍурӧ чеԉаԃ мустӧм, |
Мукӧдыслы натӧг шог. | Мукӧԁыслы натӧг шог. |
* * * | * * * |
Наста шуӧ: «Вайлы меным, | Наста шуӧ: „Вајлы меным, |
Ичӧтика такӧда». | Ічӧԏіка тӧкӧԁа”. |
— «Часлы, Наста, энлы, ме на | — „Часлы, Наста, енлы, ме-на |
Вӧдитышта тӧкӧтьӧ»... | Вӧԃітышта тӧкӧԏӧ“... |
Трӧшко пӧльӧ джоджӧд ветлӧ, | Трӧшко-пӧԉӧ җоҗӧԁ ветлӧ, |
Шердйӧ бӧрдысь аканьӧс... | Шерԁјӧ бӧрԁыԍ акаԋӧс... |
— «Вай тэ ӧдйӧ, Наста, ветлы | — „Вај те ӧԁјӧ, Наста, ветлы |
Корсьны вежай-вежаньӧс; | Корԍны вежај-вежаԋӧс; |
Сьывсьӧм бӧрын талун пыртам, | Ԍывԍӧм-бӧрын талун пыртам, |
Кутам тӧдны талысь ним»... | Кутам тӧԁны талыԍ ԋім“... |
Наста муніс. Трӧшко пыркйӧ; | Наста муніс. Трӧшко пыркјӧ; |
«Ӧв-вӧ, бай-бай, лӧньышт нин».. | ,,Ӧв-вӧ, бај-бај, лӧԋышт-ԋін“.. |
Дӧра пиӧ сакар сорӧн | Ԁӧра-піӧ сакар-сорӧн |
Няклялыштіс рудзӧг нянь: | Ԋакԉалыштіс руԇӧг-ԋаԋ: |
«Налы тайӧс... бӧрти сюрӧн... | „Налы тајӧс... бӧрԏі ԍурӧн... |
Ӧв-вӧ... кись-кись... бурась, шань»... | Ӧв-вӧ... кіԍ-кіԍ... бураԍ, шаԋ“... |
Кага ланьтіс. Трӧшко радлӧ — | Кага лаԋтіс. Трӧшко раԁлӧ — |
Серамбанӧн ветлӧдлӧ. | Ԍерам-банӧн ветлӧԁлӧ. |
Ӧшинь пырыс аслас садлы | Ӧшіԋ-пырыс аслас саԁлы |
Дона ёкмыль петкӧдлӧ: | Ԁона-јокмыԉ петкӧԁлӧ: |
«Зарни садйӧй, гажа садйӧй, | „Зарԋі-саԁјӧј, гажа-саԁјӧј, |
Со ӧд мый тэ мӧдӧдін. | Со-ӧԁ мыј те мӧԁӧԁін. |
Эг нин чайтлӧ пӧрысь кадӧ | Ег-ԋін чајтлӧ пӧрыԍ-каԁӧ |
Шудалунъяс тӧдлыны!.» | Шуԁалунјас тӧԁлыны!.“ |
* * * | * * * |
Пӧрысь йӧзлы, майбыр, нимкодь | Пӧрыԍ јӧзлы, мајбыр, ԋімкоԃ |
Шогыс ставыс бырӧма!.. | Шогыс ставыс бырӧма!.. |
Вылыс сиктын сотчӧ, би кодь, | Вылыс-ԍіктын сотчӧ, бі-коԃ, |
Том ныв, шогӧн тырӧма. | Том ныв, шогӧн тырӧма. |
Коньӧр нылыд гортас бӧрдӧ — | Коԋӧр-нылыԁ гортас бӧрԁӧ — |
Ловйӧн писӧ оз нин чайт. | Ловјӧн пісӧ оз-ԋін чајт. |
Дерт, став думыс льӧм куст бердын, — | Ԃерт, став-ԁумыс ԉӧмкуст-берԁын, — |
Дерт, мам сьӧлӧмыд оз ланьт!.. | Ԃерт, мам-ԍӧлӧмыԁ оз лаԋт!.. |
Комиӧн гижис
Нёбдінса Виттор
Нёбдінса Виттор
Важ коми гижӧд