СЕЗОННӦЙ РАБОЧӦЙЯС ОБЩЕЖИТТЬӦПЫТШСА ПРАВИЛӦЯС ԌЕЗОННӦЈ РОБОЧӦЈЈАС ОБШЩЕЖІԎԎӦ ПЫЩСА ПРАВІЛӦЈАС
1) Общежиттьӧын позьӧ овны сӧмын сійӧ рабочӧйяслы, кодъяс уджалӧны (учрежденньӧ ним). Удж вылысь петӧм рабочӧйяслы тайӧ общежиттьӧас местасӧ колӧ прӧстмӧдны удж вылысь петӧм бӧрын (вит, сизим) лун мысьт. Та йылысь найӧ сетӧны кӧсйысьӧм общежиттьӧӧ пыригӧн. Рабочӧй ассьыс кӧсйысьӧмсӧ кӧ оз пӧрт олӧмӧ, общежиттьӧысь лоӧ вӧтлӧма административнӧя олан места бокысь сеттӧг. 1) Обшщежіԏԏӧын поԅӧ овны сӧмын сіјӧ робочӧјјаслы, коԁјас уҗалӧны (учрежԃеԋԋӧ ԋім). Уҗ вылыԍ петӧм робочӧјјаслы тајӧ обшщежіԏԏӧас местасӧ колӧ прӧстмӧԁны уҗ вылыԍ петӧм бӧрын (віт, ԍіԅім) лун мыԍт. Та јылыԍ најӧ ԍетӧны кӧсјыԍӧм обшщежіԏԏӧӧ пырігӧн. Робочӧј аԍԍыс кӧсјыԍӧмсӧ кӧ оз пӧрт олӧмӧ, обшщежіԏԏӧыԍ лоӧ вӧтлӧма аԃміԋістраԏівнӧја олан места бокыԍ ԍеттӧг.
Оз позь овмӧдчыны общежиттьӧӧ став семьялы, уджалӧ кӧ сӧмын рабочӧйыс ачыс. Оз поԅ овмӧԁчыны обшщежіԏԏӧӧ став ԍемјалы, уҗалӧ-кӧ сӧмын робочӧјыс ачыс.
2) Сӧстӧммӧдчытӧг рабочӧйясӧс общежиттьӧӧ оз лэдзны. Та понда колӧ став кӧлуйӧн ветлыны сӧстӧммӧдчыны. Сьӧрысь колӧ босьтлыны став вылысса паськӧм. 2) Сӧстӧммӧԁчытӧг робочӧјјасӧс обшщежіԏԏӧӧ оз леԇны. Та понԁа колӧ став кӧлујӧн ветлыны сӧстӧммӧԁчыны. Ԍӧрыԍ колӧ боԍтлыны став вылысса паԍкӧм.
Сӧстӧммӧдчӧм йылысь колӧ общежиттьӧса комендантлы сетны справка. Тайӧ справкатӧгыс общежиттьӧысь места оз сетсьы. Сӧстӧммӧԁчӧм јылыԍ колӧ обшщежіԏԏӧса коменԁантлы ԍетны справка. Тајӧ справкатӧгыс обшщӧжіԏԏӧыԍ места оз ԍетԍы.
З) Общежиттьӧын оланін индалӧ комендант, сійӧ тайӧ юклӧмсӧ вӧчӧ нормаяс серти, м. н. кӧ, мед узьланінъясын быд морт вылӧ этша вылӧ воис 3,5 квадратнӧй метр ыджда местаӧн. З) Обшщежіԏԏӧын оланін інԁалӧ коменԁант, сіјӧ тајӧ јуклӧмсӧ вӧчӧ нормајас ԍерԏі, м. н.-кӧ, меԁ уԅланінјасын быԁ морт вылӧ еща вылӧ воіс 3,5 кваԁратнӧј метр ыҗԁа местаӧн.
Став комнатаяссӧ, а комнатаясын койкаяссӧ колӧ номеруйтны. Быд комната ӧдзӧсӧ колӧ ляскыны бумага да сэтчӧ гижны, ыджыд-ӧ тайӧ комнатаыс (кымын квадратнӧй метр), кымын морт олӧ, олысьяслӧн овъяс, кутшӧм номера койкаын коді узьлӧ да. Став комнатајассӧ, а комнатајасын којкајассӧ колӧ нумерујтны. Быԁ комната ӧԇӧсӧ колӧ ԉаскыны бумага ԁа сетчӧ гіжны, ыҗыԁӧ тајӧ комнатаыс (кымын кваԁратнӧј метр), кымын морт олӧ, олыԍјаслӧн овјас, кущӧм нумера којкаын коԁі уԅлӧ ԁа.
Чорыда дугӧдны комендантлысь юасьтӧг вежлавны койкаяс, мунны ӧти комнатаысь мӧдӧ. Чорыԁа ԁугӧԁны коменԁантлыԍ јуаԍтӧг вежлавны којкајас, мунны ӧԏі комнатаыԍ мӧԁӧ.
4) Общежиттьӧӧ воысь рабочӧйяслы колӧ вайны сьӧраныс да сетны комендантлы став эскӧданпасъяс: удж вылӧ пырӧм йылысь, сӧстӧммӧдчӧм йылысь, дзоньвидзалун йылысь да с. в. 4) Обшщӧжіԏԏӧӧ воыԍ робочӧјјаслы колӧ вајны ԍӧраныс ԁа ԍетны коменԁантлы став ескӧԁанпасјас: уҗ вылӧ пырӧм јылыԍ, сӧстӧммӧԁчӧм јылыԍ, ԇоԋвіԇалун јылыԍ ԁа с. в.
5) Сійӧ рабочӧйлы, кодлы позьӧ пырны общежиттьӧӧ, колана эскӧданпасъяс вайӧм бӧрын, сетӧны: 5) Сіјӧ робочӧјлы, коԁлы поԅӧ пырны обшщӧжіԏԏӧӧ, колана ескӧԁанпасјас вајӧм бӧрын, ԍетӧны:
а) комната, кодӧс пондасны сылы шонтыны, югдӧдны да сӧстӧммӧдны (пелькӧдны); а) комната, коԁӧс понԁасны сылы шонтыны, југԁӧԁны ԁа сӧстӧммӧԁны (пеԉкӧԁны);
б) сӧстӧм торъя койка, перина да пӧдушка, кодъясӧс сюялӧма кос турунӧн либӧ идзасӧн; б) сӧстӧм торја којка, періна ԁа пӧԁушка, коԁјасӧс ԍујалӧма кос турунӧн ԉібӧ іԇасӧн;
в) пуӧм ва, этша вылӧ быд лун куимысь быд сменалы (уджалан кад серти, мед быть нин вӧлі пуӧм ваыс удж вылысь воигӧн). в) пуӧм ва, еща вылӧ быԁ лун кујімыԍ быԁ ԍменалы (уҗалан каԁ ԍерԏі, меԁ быԏ-ԋін вӧліс пуӧм ваыс уҗ вылыԍ воігӧн).
Общежиттьӧын олӧмысь быд олысьлысь пондас кутсьыны .... шайтӧн тӧлысь, кодӧс кутӧны удждон сеталігӧн; Обшщӧжіԏԏӧын олӧмыԍ быԁ олыԍлыԍ понԁас кутԍыны .... шајтӧн тӧлыԍ, коԁӧс кутӧны уҗԁон ԍеталігӧн;
6) Общежиттьӧысь мунны-воны позьӧ 7 час асывсянь да 12 войӧдз. Вой шӧр бӧрын да 7 час асылӧдз общежиттьӧысь петны ни пырны оз позь. Сӧмын позьӧ налы, кодъяс воӧны удж вылысь удж помасьӧм бӧрын 1 час мысти. 6) Обшщӧжіԏԏӧыԍ мунны-воны поԅӧ 7 час асывԍаԋ ԁа 12 војӧԇ. Војшӧрбӧрын ԁа 7 час асылӧԇ обшщежіԏԏӧыԍ петны ԋі пырны оз поԅ. Сӧмын поԅӧ налы, коԁјас воӧны уҗ вылыԍ уҗ помаԍӧм бӧрын 1 час мыԍԏі.
Бокӧвӧй йӧзлы общежиттьӧын оз позь овны 11 час рытсянь 7 асылӧдз. Бокиса йӧзлы оз позь узьны общежиттьӧын (лун коллян ногсӧ колӧ места да удж серти, удж заводитчан да помасян кадъяс серти). Бокӧвӧј јӧзлы обшщежіԏԏӧын оз поԅ овны 11 час рытԍаԋ 7 асылӧԇ. Бокыса јӧзлы оз поԅ уԅны обшщӧжіԏԏӧын (лун коԉԉан ногсӧ колӧ места ԁа уҗ ԍерԏі, уҗ завоԃітчан ԁа помаԍан каԁјас ԍерԏі).
7) Общежиттьӧын колӧ овны пыр сӧстӧма да бура: 7) Обшщежіԏԏӧын колӧ овны пыр сӧстӧма ԁа бура:
а) общежиттьӧӧ пыригӧн коктӧ колӧ чышкавны; а) обшщежіԏԏӧӧ пырігӧн коктӧ колӧ чышкавны;
б) вылыс пальтотӧ, шапкатӧ оз позь видзны койка вылын, колӧ ӧшлыны тувъясӧ; б) вылыс паԉтотӧ, шапкатӧ оз поԅ віԇны којка вылын, колӧ ӧшлыны тувјасӧ;
в) сундукъяс, ящикъяс да мукӧд кӧлуй оз ков видзны узьлан комнатаын, а колӧ новлыны кумӧ. Сідз жӧ узьланінын оз позь видзны дука торъяс; в) сунԁукјас, јашщікјас ԁа мукӧԁ кӧлуј оз ков віԇны уԅлан комнатаын, а колӧ новлыны кумӧ. Сіԇ-жӧ уԅланінын оз поԅ віԇны ԁука торјас;
г) оз позь мый сюрӧсӧ шыблавны джоджӧ да сьӧлавны; г) оз поԅ мыј ԍурӧсӧ шыблавны җоҗӧ ԁа ԍӧлавны;
д) оз позь узьланінъясын куритчыны, куритчигӧн колӧ петавны посводзӧ либӧ куритчан комнатаӧ. Чигарка помъяс шыблавны колӧ торъя та вылӧ вӧчӧм ящикӧ; ԁ) оз поԅ уԅланінјасын курітчыны, курітчыгӧн колӧ петавны посвоԇӧ ԉібӧ курітчан комнатаӧ. Чігарка помјас шыблавны колӧ торја та вылӧ вӧчӧм јашщікӧ;
е) койка вылын оз позь сёйны да видзны сёянторъяс, сёян колӧ видзны шкапын, оз позь сёянтӧ пуны узьлан комнатаын; е) којка вылын оз поԅ ԍојны ԁа віԇны ԍојанторјас, ԍојан колӧ віԇны шкафын, оз поԅ ԍојантӧ пуны уԅлан комнатаын;
ж) вольпась вылӧ оз позь водны кӧмӧн; асылын, чеччӧм бӧрын вольпасьтӧ колӧ бура лӧсьӧдны; ж) воԉпаԍ вылӧ оз поԅ воԁны кӧмӧн; асылын, четчӧм бӧрын воԉпаԍтӧ колӧ бура лӧԍӧԁны;
з) оз позь узьлан комнатаын весавны пальто да кӧмъяс; з) оз поԅ уԅлан комнатаын весавны паԉто ԁа кӧмјас;
и) оз позь узьлан комнатаын косьтыны песлалӧм торъяс (нямӧдъяс, дӧрӧмъяс, гачьяс да с. в.), а тайӧ уджсӧ вӧчны ывлаын либӧ тшук та вылӧ лӧсьӧдӧм местаын; і) оз поԅ уԅлан комнатаын коԍтыны песлалӧм торјас (ԋамӧԁјас, ԁӧрӧмјас, гачјас ԁа с. в.), а тајӧ уҗсӧ вӧчны ывлаын ԉібӧ щук та вылӧ лӧԍӧԁӧм местаын;
к) пывсьыны этша вылӧ быд вежонын ӧтчыд, пывсигӧн вежны улыс дӧрӧм-гач, а перина вылыс кышӧд (прӧстыня) да пӧдушка кышӧд вежлавны быд тӧлысь этша вылӧ ӧтчыд; к) пывԍыны еща вылӧ быԁ вежонын ӧтчыԁ, пывԍігӧн вежны улыс ԁӧрӧмгач, а періна вылыс кышӧԁ (прӧстыԋа) ԁа пӧԁушка кышӧԁ вежлавны быԁ тӧлыԍ еща вылӧ ӧтчыԁ;
(Администрациялы колӧ водзвыв лӧсьӧдны песласьысьӧс да сёрнитчыны пывсян йылысь); (Аԁміԋістраціјалы колӧ воԇвыв лӧԍӧԁны песлаԍыԍӧс ԁа ԍорԋітчыны пывԍан јылыԍ);
л) видзӧдны, медым комнатаясын сынӧдыс вӧлі сӧстӧм, колӧ ёнджыка восьсаӧн видзны ӧшиньяс, форточкаяс, душникъяс да с. в; л) віԇӧԁны, меԁым комнатајасын сынӧԁыс вӧліс сӧстӧм, колӧ јонҗыка воԍсаӧн віԇны ӧшіԋјас, форточкајас, ԁушԋікјас ԁа с. в;
м) сӧстӧма видзны уборнӧйяс. м) сӧстӧма віԇны уборнӧјјас.
8. Общежиттьӧса комендантлы колӧ общежиттьӧ сӧстӧмлун бӧрся видзӧдны да тшӧктыны коланаинъяссӧ сӧстӧммӧдны. Комендант кутӧ кыв общежиттьӧ сӧстӧмлун понда да сылы колӧ: 8. Обшщӧжіԏԏӧса коменԁантлы колӧ обшщежіԏԏӧ сӧстӧмлун бӧрԍа віԇӧԁны ԁа щӧктыны колана інјассӧ сӧстӧммӧԁны. Коменԁант кутӧ кыв обшщежіԏԏӧ сӧстӧмлун понԁа ԁа сылы колӧ:
а) комнатаясӧ лӧсьӧдны тырмымӧн олан кӧлуй: табуреткаяс, пызанъяс, перина кышӧдъяс, пӧдушка кышӧдъяс да, койкаяс, ва пузьӧданъяс, бакъяс, ведраяс, сьӧласян дозъяс, ёг выв ящикъяс, пальтояс ӧшлан тувъяс да; а) комнатајасӧ лӧԍӧԁны тырмымӧн олан кӧлуј: табуреткајас, пызанјас, періна кышӧԁјас, пӧԁушка кышӧԁјас-ԁа, којкајас, ва пуԅӧԁанјас, бакјас, веԁрајас, ԍӧлаԍан ԁозјас, мусӧр јашщікјас, паԉтојас ӧшлан тувјас-ԁа;
б) медавны тырмымӧн уборщичаяс, индавны найӧс торъя комнатаясӧ да видзӧдны, кутшӧма найӧ вӧчӧны ассьыныс уджнысӧ; б) меԁавны тырмымӧн уборшщіцајас, інԁавны најӧс торја комнатајасӧ ԁа віԇӧԁны кущӧма најӧ вӧчӧны асԍыныс уҗнысӧ;
в) колӧ видзӧдны, медым керкасӧ пелькӧдісны быд лун да колӧм серти: узьланінъяс, сёянінъяс, уборнӧйяс да мыссянінъяс колӧ пелькӧдны этша вылӧ куимысь быд лун. в) колӧ віԇӧԁны, меԁым керкасӧ пеԉкӧԁісны быԁ лун ԁа колӧм ԍерԏі: уԅланінјас, ԍојанінјас, уборнӧјјас ԁа мыԍԍанінјас колӧ пеԉкӧԁны еща вылӧ кујімыԍ быԁ лун.
Пелькӧдны колӧ тадзи: кӧтӧдӧм корӧсьӧн чышкавны джоджъяс, ва ротӧн чышкавны бус, восьтавлыны ӧшиньяс либӧ форточкаяс, ёг выв ящикъяс, куритчан дозъяс, сьӧласян дозъяс весавны ӧкмӧмъясысь. Уборнӧйясын джоджсӧ мыськалӧны быд лун, узьлан комнатаясын — этша вылӧ ӧтчыд быд вит лунӧ, ӧшиньяс — этша вылӧ ӧтчыд быд тӧлысь; Пеԉкӧԁны колӧ таԇі: кӧтӧԁӧм корӧԍӧн чышкавны җоҗјас, ва ротӧн чышкавны бус, воԍтавлыны ӧшіԋјас ԉібӧ форточкајас, мусӧр јашщікјас, курітчан ԁозјас, ԍӧлаԍан ԁозјас весавны ӧкмӧмјасыԍ. Уборнӧјјасын җоҗсӧ мыԍкалӧны быԁ лун, уԅлан комнатајасын — еща вылӧ ӧтчыԁ быԁ віт лунӧ, ӧшіԋјас — еща вылӧ ӧтчыԁ быԁ тӧлыԍ;
г) пузьӧдӧм ва бакъяс быд лун мыськалӧны да тыртӧны кӧдздӧдӧм пуӧм ваӧн. г) пуԅӧԁӧм ва бакјас быԁ лун мыԍкалӧны ԁа тыртӧны кӧԇԁӧԁӧм пуӧм ваӧн.
Уборщичаяслы пыр колӧ видзӧдны, медым бакын пыр вӧлі пуӧм ва, бак водзын — кружка да колясъяс кисьтавны ведра; Уборшщіцајаслы пыр колӧ віԇӧԁны, меԁым бакын пыр вӧліс пуӧм ва, бак воԇын — кружка ԁа коԉасјас кіԍтавны веԁра;
д) ёг гуясысь ёг да уборнӧй гуясысь ӧкмӧмсӧ колӧ пыр новлыны, оз ков лэдзны дзикӧдз чукӧрмынысӧ. ԁ) мусӧр гујасыԍ мусӧр ԁа уборнӧј гујасыԍ ӧкмӧмсӧ колӧ пыр новлыны, оз ков леԇны ԇікӧԇ чукӧрмынысӧ.
Уборнӧйсӧ колӧ пӧраысь пӧраӧ век дезинфицируйтны хлорнӧй известкаӧн, карболкаӧн да с. в.; Уборнӧјсӧ колӧ пӧраыԍ пӧраӧ век ԃіԅінфекцірујтны: хлорнӧј іԅвескаӧн, карболкаӧн ԁа с. в.;
е) керка гӧгӧрсӧ идравлыны этша вылӧ быд лун ӧтчыд. е) керка гӧгӧрсӧ іԁравлыны еща вылӧ быԁ лун ӧтчыԁ.
9) Общежиттьӧын кӧ лоасны лудікъяс, пытшъяс, тойяс, комендантлы колӧ пырысь-пыр примитавны мераяс. Тойсяласны кӧ ӧткымынъяс — ыстывны пывсянӧ, вежны вольпасьсӧ; тойсяласны кӧ унаӧн — юӧртны санитарнӧй врачлы, медым сійӧ вӧчис дезинфекция. 9) Обшщежіԏԏӧын-кӧ лоасны луԁікјас, пыщјас, тојјас, коменԁантлы колӧ пырыԍ-пыр прімітавны мерајас. Тојԍаласны-кӧ ӧткымынјас — ыстывны пывԍанӧ, вежны воԉпаԍсӧ; тојԍаласны кӧ унаӧн — јуӧртны саԋітарнӧј врачлы, меԁым сіјӧ вӧчіс ԃіԅінфекціја.
10) Быд койка вылын позьӧ узьлыны сӧмын ӧти мортлы. Койкаяс коласӧ колӧ кольны 40 см ыджда колас, юръясті — 10 см, шӧрӧдыс туйсӧ колӧ кольны 130 см пасьтаӧс. Оз позь койкаяссӧ ӧтлаӧдны. 10) Быԁ којка вылын поԅӧ уԅлыны сӧмын ӧԏі мортлы. Којкајас коласӧ колӧ коԉны 40 см. ыҗԁа колас, јурјасті — 10 см., шӧрӧԁыс тујсӧ колӧ коԉны 130 см. паԍтаӧс. Оз поԅ којкајассӧ ӧԏілаӧԁны.
11) Общежиттьӧысь став комнатаяссӧ колӧ бура проветривайтны. Та понда, шоныд кад воӧм бӧрын унджыка пӧрасӧ ӧшиньяс колӧ видзны восьсаӧн, кӧдзыдъяс дырйи — мед этша вылӧ форточкаяс вӧлі восьтылӧма лунтырӧн куимысь да видзӧма восьсаӧн час: водӧм водзвылын, асылын чеччӧм бӧрын да лунын. 11) Обшщежіԏԏӧыԍ став комнатајассӧ колӧ бура проветрівајтны. Та понԁа, шоныԁ каԁ воӧм бӧрын унҗыка пӧрасӧ ӧшіԋјас колӧ віԇны воԍсаӧн, кӧԇыԁјас ԁырјі — меԁ еща вылӧ форточкајас вӧліс воԍтылӧма лунтырјӧн кујімыԍ ԁа віԇӧма воԍсаӧн час: воԁӧм воԇвылын, асылын четчӧм бӧрын ԁа лунын.
12) Медводдза отсӧг сетӧм вылӧ общежиттьӧын колӧ лоны аптечка. Гырысь общежиттьӧясын вермас лоны медпункт, а медпунктыс кӧ абу, быть колӧ лӧсьӧдны висьысьясӧс видзанін (изолятор). 12) Меԁвоԇԇа отсӧг ԍетӧм вылӧ обшщежіԏԏӧын колӧ лоны апԏечка. Гырыԍ обшщежіԏԏӧјасын вермас лоны меԁпункт, а меԁпунктыс-кӧ абу, быԏ колӧ лӧԍӧԁны віԍыԍјасӧс віԇанін (ізоԉатор).
13) Кодкӧ кӧ висьмас общежиттьӧын, комендантлы тайӧ висьысьсӧ колӧ водтӧдны висьысьяс керкаӧ да корны врачӧс. 13) Коԁкӧ-кӧ віԍмас обшщежіԏԏӧын, коменԁантлы тајӧ віԍыԍсӧ колӧ воԁтӧԁны віԍыԍјас керкаӧ ԁа корны врачӧс.
14) Комнатаясын олысьяслы ас комнатасяньныс колӧ бӧрйыны уполномоченнӧйӧс, а став общежиттьӧын колӧ бӧрйыны санитарнӧй комиссия. Санитарнӧй уполномоченнӧйыс да санитарнӧй комиссия видзӧдӧны общежиттьӧ сӧстӧмлун бӧрся да кыдзи нуӧдсьӧ олӧмӧ санитарнӧй минимум. 14) Комнатајасын олыԍјаслы ас комнатаԍаԋныс колӧ бӧрјыны уполномоченнӧјӧс, а став обшщежіԏԏӧын колӧ бӧрјыны саԋітарнӧј коміԍԍіја. Саԋітарнӧј уполномоченнӧјыс ԁа саԋітарнӧј коміԍԍіја віԇӧԁӧны обшщежіԏԏӧ сӧстӧмлун бӧрԍа ԁа кыԇі нуӧԁԍӧ олӧмӧ саԋітарнӧј міԋімум.
15) Общежиттьӧын олысьяслы колӧ овны бура, немтор не жугӧдлыны, не гижавны стенъясӧ. Общежиттьӧысь немтор, кӧть и ассьыд оластӧ, комендант тшӧктытӧг нуны оз позь. 15) Обшщежіԏԏӧын олыԍјаслы колӧ овны бура, ԋемтор ԋе жугӧԁлыны, ԋе гіжавны ԍԏенјасӧ. Обшщежіԏԏӧыԍ ԋемтор, кӧԏ і аԍԍыԁ оластӧ, коменԁант щӧктытӧг нуны оз поԅ.
Общежиттьӧысь петігӧн колӧ став босьтлӧм торъяссӧ — койка, шкап, перина кышӧд, пӧдушка кышӧд, ӧдеялӧ да с. в. — бӧр сетны комендантлы. Обшщежіԏԏӧыԍ петігӧн колӧ став боԍтлӧм торјассӧ — којка, шкаф, періна кышӧԁ, пӧԁушка кышӧԁ, ӧԃејало ԁа с. в. — бӧр ԍетны коменԁантлы.
16) Общежиттьӧын пыр колӧ лоны санитарно-пожарно-техническӧй журнал (контрольнӧй нига). 16) Обшщежіԏԏӧын пыр колӧ лоны саԋітарно-пожарно-ԏехԋіческӧј журнал (контроԉнӧј ԋіга).
Комендант ордын колӧ лоны сідзжӧ и норасян нига, кытчӧ вермӧны общежиттьӧын олысьяс пасъявны ассьыныс индӧдъяснысӧ да тшӧктӧмъяснысӧ. Нигасӧ колӧ номеруйтны да ляскыны сійӧ учрежденньӧса печать, коді лӧсьӧдіс тайӧ общежиттьӧсӧ. Тайӧ учрежденньӧыслы колӧ пыр тӧдмавны да видлавны тайӧ нигаас гижалӧм индӧдъяссӧ. Коменԁант орԁын колӧ лоны сіԇ-жӧ і нораԍан ԋіга, кытчӧ вермӧны обшщежіԏԏӧын олыԍјас пасјавны аԍԍыныс інԁӧԁјаснысӧ ԁа щӧктӧмјаснысӧ. Ԋігасӧ колӧ номерујтны ԁа ԉаскыны сіјӧ учрежԃенԋӧса печаԏ, коԁі лӧԍӧԁіс тајӧ обшщежіԏԏӧсӧ. Тајӧ учрежԃеԋԋӧыслы колӧ пыр тӧԁмавны ԁа віԁлавны тајӧ ԋігаас гіжалӧм інԁӧԁјассӧ.
Воча кывъяссӧ колӧ видзны уна вылӧ вит лун мысьт, кор тайӧ нигаас индӧдсӧ, тшӧктӧмсӧ либӧ юасьӧмсӧ вӧлі гижӧма. Воча кывјассӧ колӧ віԇны уна вылӧ віт лунмыԍ, кор тајӧ ԋігаас інԁӧԁсӧ, щӧктӧмсӧ ԉібӧ јуаԍӧмсӧ вӧліс гіжӧма.
17) Общежиттьӧ пытшса распӧрадок правилӧяс колӧ ӧшлыны быд комнатаӧ, тыдалана местаясӧ да тайӧс лоӧ быть пӧртны олӧмӧ тайӧ общежиттьӧса став рабочӧйяслы да служащӧйяслы. Некодлы оз позь шуны, мый ме ог тӧд тайӧ правилӧяссӧ. 17) Обшщежіԏԏӧ пыщса распораԁок правілӧјас колӧ ӧшлыны быԁ комнатаӧ, тыԁалана местајасӧ ԁа тајӧс лоӧ быԏ пӧртны олӧмӧ тајӧ обшщӧжіԏԏӧса став робочӧјјаслы ԁа служашщӧјјаслы. Ԋекоԁлы оз поԅ шуны, мыј ме ог тӧԁ тајӧ правілӧјассӧ.
Содтӧд. Общежиттьӧӧ пыригӧн быд рабочӧйлы сетӧны тӧдмасьны общежиттьӧпытшса распӧрадок правилӧясӧн да сы бӧрын босьтӧны расписка (эскӧданпас). Соԁтӧԁ. Обшщежіԏԏӧӧ пырігӧн быԁ робочӧјлы ԍетӧны тӧԁмаԍны обшщежіԏԏӧ пыщса распораԁок правілӧјасӧн ԁа сы бӧрын боԍтӧны роԍпіска (ескӧԁанпас).
18) Общежиттьӧын оз позь юны сур, вина, оз позь воны гажаӧн (кодӧн), ворсны картіӧн либӧ мукӧд азартнӧй ворсанторйӧн деньгаысь, пинясьны (ёрччыны), косясьны да хулиганитны. Татшӧм мыжъяс вӧчалысьяссӧ общежиттьӧысь пырысь-пыр вотлӧны да сетӧны милиция киӧ. 18) Обшщежіԏԏӧын оз поԅ јуны сур, віна, оз поԅ воны гажаӧн (коԁӧн), ворсны картіӧн ԉібӧ мукӧԁ азартнӧј ворсанторјӧн ԃеԋгаыԍ, піԋаԍны (јортчыны), коԍаԍны ԁа хуԉігаԋітны. Тащӧм мыжјас вӧчалыԍјассӧ обшщӧжіԏԏӧыԍ пырыԍ-пыр вотлӧны ԁа ԍетӧны міԉіціја кіјӧ.
19) Кодъяс оз кӧсйыны пӧртны олӧмӧ общежиттьӧпытшса распӧрадок правилӧяс, налы: медводзысь — сетӧны выговор предупрежденньӧӧн, мӧдысь — административнӧя ыстӧны общежиттьӧысь. Кодъяс веськыда торкӧны общежиттьӧпытшса олӧмлы, комендант найӧс сетӧ милиция киӧ. 19) Коԁјас оз кӧсјыны пӧртны олӧмӧ обшщӧжіԏԏӧ пыщса распораԁок правілӧјас, налы: меԁвоԇыԍ — ԍетӧны выговор преԁупрежԃеԋԋӧӧн, мӧԁыԍ — аԃміԋістраԏівнӧја ыстӧны обшщӧжіԏԏӧыԍ. Коԁјас веԍкыԁа торкӧны обшщӧжіԏԏӧ пыщса олӧмлы, коменԁант најӧс ԍетӧ міԉіціја кіјӧ.
Комиӧн
Важ коми гижӧд