МАТЕРИКЪЯС ДА ОКЕАНЪЯС Маԏерікјас, океанјас-ԁа.
Уджъяс. Уҗјас.
Мусярджынъя карта вылысь видзӧдлӧй — ваыс али муыс му вылын унджык? Муԍарҗынја карта-вылыԍ віԇӧԁлӧј — ваыс аԉі муыс му-вылын унҗык?
Ваыс унджык. Арталӧмаӧсь да, сійӧ 2½ пӧв уна муысь. Ваыс унҗык. Арталӧмаӧԍ-ԁа, сіјӧ 2½-пӧв уна муыԍ.
Петкӧдлӧй карта вылысь медпаськыд васӧ — Ыджыд океан. Сійӧ ыджыдджык став материкысь ӧтлаын. Петкӧԁлӧј карта-вылыԍ меԁпаԍкыԁ васӧ — Ыҗыԁ океан. Сіјӧ ыҗыԁҗык став маԏерікыԍ ӧтлаын.
Сыбӧрся мӧд океан ыджда сертиыс Европаа-Америкаа костын. Корсьӧй сійӧс карта вылысь, шуӧй нимсӧ. Энӧ вунӧдӧй сійӧс. Ноко тӧд вылад уськӧдӧй, коді медводдза морт сы вомӧн вуджис? Петкӧдлӧй карта вылысь кытісянь петіс Колумбыс, Мушӧр моресӧ и. Видзӧдӧй бурджыка моребердса му дор визь вылас. Веськыда войланьӧ моресяньыс Европа, зэв кӧджа да куръяа доръяса. Асывладорас Европа бердас Азия ляскысьӧма, Европаыскӧд нач помся. Вежтас пыддиыс тайӧ кык материк костас Урал гӧраяс. Лунвывладорас моресяньыс Африка. Ӧтлаасьӧ оз сійӧ Азиякӧд? Кыті? Европакӧд ӧтлаасьӧ оз? Сы-бӧрԍа мӧԁ океан ыҗԁа-ԍерԏіыс Јевропа Амерікаа костын. Корԍӧј сіјӧс карта-вылыԍ, шуӧј ԋімсӧ. Енӧ вунӧԁӧј сіјӧс. Ноко тӧԁвылаԁ уԍкӧԁӧј, коԁі меԁвоԇԇа морт сы вомӧн вуҗіс? Петкӧԁлӧј карта-вылыԍ кытыԍаԋ петіс Колумбыс, Му-шӧр (Средиземное) моресӧ-і. Віԇӧԁӧј бурҗыка море-берԁса му ԁор віԅ-вылас. Веԍкыԁа војлаԋӧ мореԍаԋыс Јевропа, зев кӧҗа ԁа курјаа ԁорјаса. Асывлаԁорас Јевропа-берԁас Аԅіја ԉаскыԍӧма, Јевропаыскӧԁ нач помԍа. Вежтас-пыԃԃіыс тајӧ кык маԏерік костас Урал гӧрајас. Лунвывлаԁорас мореԍаԋыс Апріка. Ӧтлааԍӧ оз сіјӧ Аԅіјакӧԁ? Кыті? Јевропакӧԁ ӧтлааԍӧ оз?
Европаыд, Азияыд да Африкаыд — медгырысь материкъяс. Јевропаыԁ, Аԅіјаыԁ ԁа Апрікаыԁ — меԁ гырыԍ маԏерікјас.
Найӧс, куимнаннысӧ ӧтлаын, шуӧны Асыввывса материкӧн, Важ муӧн либӧ. Мӧвпыштӧй ноко, мыйла сідзи шуӧны? Најӧс, кујімнаннысӧ ӧтлаын, шуӧны Асыввывса маԏерікӧн, Важ муӧн ԉібӧ. Мӧвпыштӧ ноко, мыјла сіԇі шуӧны?
Коді на пытшкысь медыджыдыс? Коді медічӧтыс? Коԁі на-пыщкыԍ меԁыҗыԁыс? Коԁі меԁічӧтыс?
Атлантическӧй океан сайын нёльӧд материк — Америка. Видзӧдӧй бурджыка, кутшӧм кык пельӧ сійӧ торъялӧ. Мӧд ног Америкасӧ шуӧны Рытыввывса материкӧн, либӧ Выль муӧн. Мыйла сідзи шуӧны, ноко думыштӧй. Атлаԋԏіческеј океан сајын ԋоԉӧԁ маԏерік — Амеріка. Віԇӧԁӧј бурҗыка, кущӧм кык пеԉӧ сіјӧ торјалӧ. Мӧԁ-ног Амерікасӧ шуӧны Рытыввывса маԏерікӧн, ԉібӧ Выԉ муӧн. Мыјла сіԇі шуӧны, ноко ԁумыштӧ.
Видзӧдлӧй бурджыка карта вылӧ, абу-ӧ ещӧ материкыс? Кӧні сійӧ? Австралия — медбӧръя, медічӧт материк. Сійӧс ещӧ шуӧны Лунвывса материкӧн. Аддзӧмаӧсь Америка бӧрын дыр мысти на ещӧ. Віԇӧԁлӧ бурҗыка карта-вылӧ, абу-ӧ јешщӧ маԏерікыс? Кӧні сіјӧ? Австраԉіја — меԁбӧрја, меԁічӧт маԏерік. Сіјӧс јешщӧ шуӧны Лунвывса маԏерікӧн. Аԁԇӧмаӧԍ Амеріка-бӧрын ԁыр-мыԍԏі-на јешщӧ.
Австралия, Азия да Африка костса океанлӧн аслас ним. Кыдзи сійӧс шуӧны? Тайӧ — коймӧд океан. Ещӧ кык океан эм, таысь на ичӧтӧсь (ичӧт вӧснаыс ӧні озджык нин и океанӧн лыддьыны, а мореӧн). Ӧтиыс дзик мусяр войвылын, а мӧдыс лунвылас. Корсьӧй найӧс карта вылысь да висьталӧй нимъяссӧ. Австраԉіја, Аԅіја ԁа Апріка костса океанлӧн аслас ԋім. Кыԇі сіјӧс шуӧны? Тајӧ — којмӧԁ океан. Јешщӧ кык океан ем, таыԍ-на ічӧтӧԍ (ічӧт-вӧснаыс ӧні озҗык-ԋін і океанӧн лыԃԃыны, а мореӧн). Ӧԏіыс ԇік муԍар војвылын, а мӧԁыс лунвылас. Корԍӧј најӧс карта-вылыԍ ԁа віԍталӧј ԋімјассӧ.
Став океаныс мӧда-мӧдыскӧд ӧтлаавлӧма. Став океаныс мӧԁамӧԁыскӧԁ ӧтлаавлӧма.
Гижӧй тетрадяныд океан да гырысь материк нимъяс. Велӧдӧй найӧс наиздуч, мед пыр тӧдад. Гіжӧј ԏетраԃаныԁ океан ԁа гырыԍ маԏерік ԋімјас. Велӧԁӧј најӧс наізԁуч, меԁ пыр тӧԁаԁ.
Карта вылысь вӧсни гумага пыр гижлаалӧй материк вежтасъяс. Вундӧй визьӧдыс. Материкъяссӧ мӧда-мӧд вылас пуктӧмӧн ӧтлааститӧй — коді на пиысь медыджыд, коді медічӧт. Карта-вылыԍ вӧсԋі гумага-пыр гіжлаалӧј маԏерік вежтасјас. Вунԁӧј віԅӧԁыс. Маԏерікјассӧ мӧԁамӧԁ-вылас пуктӧмӧн ӧтлааԍԏітӧј — коԁі на-піыԍ меԁыҗыԁ, коԁі меԁічӧт.
Велӧдчӧй сюся петкӧдлыны карта вылысь материкъяссӧ, океанъяссӧ да. Велӧԁчӧј ԍуԍа петкӧԁлыны карта-вылыԍ маԏерікјассӧ, океанјассӧ-ԁа.
Комиӧн гижис
Чеусова Анна
Важ коми гижӧд