XXV ОДА. ЛИДИЯЛЫ
«Узян он, Лидия?
Сьӧлӧм эн косьты;
Ас пытшкӧ ог тӧр ме;
Регыдджык восьты!»
Ӧшиняд йиркӧдчиг
Перыд зон шулас.
Лэдзан — и тэ дінысь
Кыкӧс нин сулас.
Ӧні тай ӧдзӧс дзир
Сімыштӧм, тӧдчӧ...
Ветлігад вуджӧрыд
Сӧмын нин вӧтчӧ...
Важ олӧм-колӧм тэ
Морӧсад кывлан;
Весьшӧрӧ вежӧктӧм
Пӧрысьмӧм нывлӧн!
Весьшӧрӧ вӧт вылад
Тшап том морт волӧ...
Тӧв вылын ыркӧдчышт!
Бӧрдыштны колӧ...
Сэн зонъяс, кытӧні
Нюдзвиж мирт чукӧр,
Лым улын ляпкалас
Сёр арся пу кор.
Комиӧн гижис
Ӧльӧш Иван