XIII ОДА. ЛИДИЯЛЫ
Кор Телефлысь ошкан долыд сёрни,
Небыд юрси, еджыд кияс сылысь,
Сэки, Лидия, ме вӧйма,
Сэки вежся чужӧм вылысь.
Сотча ме, кор мича пельпомъясыд,
Юыштӧм мысьт, вевттьысясны гырдӧн,
И кор тэнӧ окалыштлас
Том морт виччысьтӧгъя-мырдӧн.
Окасьӧмӧн велӧдіс Киприда
Долӧдны и ойбыртӧдны сьӧлӧм;
Сыӧн наян немӧстуйтӧ,
Оз тӧд яндзим, оз кыв ӧлӧм.
Пежавмысьт тай партӧ и бур нимтӧ,
Коляс тэнӧ... Быд лун майбырлунныс
Вежласьысьяслӧн эз вӧвлы...
Лун-вой ноксиг налӧн муніс!
Комиӧн гижис
Ӧльӧш Иван