ЗАРНИ
Зарниӧй, зарниӧй! Мортлысь син ёран тэ,
Быдсяма сьӧлӧм тай ас дінад доран тэ,
Быдсӧ тэ ньӧбан и вузалан быдсӧ, —
Ачыд тэ лыда, а лёклы, мый тэысь эм,
он аддзы лыдсӧ!
Кызмырдӧн зепъясӧ пыран,
Зепъясысь сутшӧн тэ быран!
Озыр и корысь
Вунӧдлӧ асьсӧ тэ горысь;
Тэ корысь юр вылас мӧлӧт моз лэптысьлывлан,
Тэ тай, кыдз тэнад чекан,
Медозыр банкъясысь вуштысьлывлан!
Том мортлы сетан и шудсӧ и мыжъяссӧ;
Пӧрысь оз пӧт тэӧн... Со, кыдзи ыжъяссӧ
Гидас кӧзяин, тэ вӧтлалан
Бурзуӧс, йӧйнӧшӧс, рамӧс — и пӧдлалан
Найӧӧс тшыгъявны кӧдзыд острогӧ...
Нывъясӧс вӧйтан тэ грекӧ и шогӧ!
Тэ вӧсна видчӧны, гуӧны,
Тэ понда юрнаныс нуӧны!
Тэ кындзи мортлы морт морӧсас зургывлӧ кӧрт...
Зарни! Тэ эн-ӧ ло морт вирысь гӧрд?
Комиӧн гижис
Ӧльӧш Иван