ШОНЫД КОРСЬЫСЬЯС ШОНЫԀ КОРԌЫԌЈАС
Паныдасис ӧш межкӧд дай юалӧ Паныԁаԍіс ӧш межкӧԁ ԁај јуалӧ:
— Кытчӧ нин межыс мӧдӧма? — „Кытчӧ-ԋін межыс мӧԁӧма?“
— Шоныд гожӧм корсьны. — „Шоныԁ гожӧм корԍны.“
— Мунам тшӧтш, – шуӧ ӧш. — „Мунам щӧщ“ — шуӧ ӧш.
Мунӧны. Паныдасис порсь. Мунӧны. Паныԁаԍіс порԍ.
— Кытчӧ нӧ нин мӧдін, порсьӧй? — „Кытчӧ-нӧ-ԋін мӧԁін, порԍӧј?“
— Шоныд гожӧм корся, — шуӧ порсь. — „Шоныԁ гожӧм корԍа“ — шуӧ порԍ.
— Мунам тшӧтш миянкӧд. — „Мунам щӧщ міјанкӧԁ.“
Мӧдісны куимӧн. Паныдасис налы дзодзӧг. Мӧԁісны кујімӧн. Паныԁаԍіс налы ԇоԇӧг.
— Кытчӧ нин мӧдӧма дзодзӧгыс? — юалӧ ӧш. — „Кытчӧ-ԋін мӧԁӧма ԇоԇӧгыс?“ јуалӧ ӧш.
— Шоныд гожӧм корсьны. — Шоныԁ гожӧм корԍны.
— Сідзкӧ лок миян бӧрся. — „Сіԇкӧ лок міјан бӧрԍа“.
Мунӧны нёльӧн нин. Паныдасис петук. Мунӧны ԋоԉӧн ԋін. Паныԁаԍіс петук.
— Кытчӧ нин, петукыс мӧдӧма? — „Кытчӧ ԋін, петукыс мӧԁӧма?“
— Шоныд гожӧм корся. — „Шоныԁ гожӧм корԍа.“
— Ми шоныд гожӧм жӧ корсям. Лок инӧ тшӧтш мунам. — „Мі шоныԁ гожӧм-жӧ корԍам. Лок інӧ щӧщ мунам“.
Мунӧны витӧн. Сёрнитӧны, кыдз кутасны кӧдзыд тӧв коллявны. Ӧш шуӧ: Мунӧны вітӧн. Ԍорԋітӧны, кыԇ кутасны кӧԇыԁ тӧв коԉԉавны. Ӧш шуӧ:
— Вайӧ жӧ ӧтвывлысь керка вӧчамӧй! — „Вајӧ-жӧ ӧтвылыԍ керка вӧчамӧј!
Дыш лои уджавны налы да ставныс кутісны бӧрыньтчыны. Ԁыш лоі уҗавны налы ԁа ставныс кутісны бӧрыԋтчыны.
Меж медвойдӧр шыасис: Меж меԁ војԁӧр шыаԍіс:
— Мый нӧ керкасьыс? Менам пасьӧй шоныд, аддзанныд гӧныс. — „Мыјнӧ керкаԍыс? менам паԍӧј шоныԁ, аԁԇанныԁ гӧныс“.
Порсь рукӧстіс: Порԍ рукӧстіс:
— Ме некутшӧм кӧдзыдысь ог пов, кодйыся му пиӧ дай керка оз ковмы. — „Ме ԋекущӧм кӧԇыԁыԍ ог пов, коԁјыԍа му піӧ ԁај керка оз ковмы“.
Дзодзӧг герчкӧ: Ԇоԇӧг герчкӧ:
— Ме коз вылӧ кая, ӧти бордӧс вольсала, мӧд бӧрднам шебрася, кӧдзыдыд менӧ оз и аддзы. — „Ме коз вылӧ каја, ӧԏі борԁӧс воԉсала, мӧԁ борԁнам шебраԍа, кӧԇыԁыԁ менӧ оз і аԁԇы“.
Петук шуис: Петук шуіс:
— Ме сідз жӧ тӧвъя, керка оз ков. — „Ме сіԇі-жӧ тӧвја, керка оз ков!.
— Ті кыдз гаж, — шуӧ ӧш. — А ме сувтӧда керка. — „Ті кыԇ гаж“, — шуӧ ӧш: „а ме сувтӧԁа керка“.
Ӧтнас ӧш вӧчис керка, дай овмӧдчис сэтчӧ. Ӧтнас ӧш вӧчіс керка, ԁај овмӧԁчіс сетчӧ.
Воис кӧдзыд тӧв. Быд ловъя лов корсьӧ шоныд. Меж дыр кынмис, сэсся локтіс ӧш керка дорӧ дай вӧзйысьӧ: Воіс кӧԇыԁ тӧв. Быԁ ловја лов корԍӧ шоныԁ. Меж ԁыр кынміс, сеԍԍа локтіс ӧш керка ԁорӧ ԁај вӧзјыԍӧ:
— Лэдз, зонмӧ, шонтысьны. — „Леԇ, зонмӧ, шонтыԍны“.
— Ог лэдз, — шуӧ ӧш: — тэнад ӧд пасьыд шоныд, мый керкасьыс. — „Ог леԇ“, шуӧ ӧш: „тенаԁ-ӧԁ паԍыԁ шоныԁ, мыј керкаԍыс“.
— Он кӧ лэдз, ӧддзӧдчӧмӧн люкышта, дай ӧдзӧстӧ жугӧда. — „Он-кӧ леԇ, ӧԁԇӧԁчӧмӧн ԉукышта, ԁај ӧԇӧстӧ жугӧԁа“.
Ӧш гӧгӧр артыштіс дай лэдзис. Ӧш гӧгӧр артыштіс ԁај леԇіс.
— Гашкӧ пӧ збыль жугӧдас да. „Гашкӧ-пӧ збыԉ жугӧԁас ԁа“.
Порсь кутӧма кынмыны, руксӧ локтӧ: Порԍ кутӧма кынмыны, руксӧ локтӧ:
— Лэдз, зонмӧ, шонтысьны. — „Леԇ, зонмӧ, шонтыԍны“.
— Ог лэдз, — шуӧ ӧш. — Тэ ӧд му пиӧ кодйысян да некутшӧм керка оз ков. — „Ог леԇ“, шуӧ ӧш: „те-ӧԁ му піӧ коԁјыԍан ԁа ԋекущӧм керка оз ков.“
— Он кӧ лэдз, керка мудӧдтӧ кодъя да аслыд жӧ кӧдзыд лоӧ. — „Он-кӧ леԇ, керка муԁӧԁтӧ коԁја ԁа аслыԁ-жӧ кӧԇыԁ лоӧ.“
Мый сэсся керан? Лои лэдзны. Мыј сеԍԍа керан? Лоі леԇны.
Сійӧ жӧ лунӧ локтісны дзодзӧг петуккӧд. Вӧзйысьӧны: Сіјӧ-жӧ лунӧ локтісны ԇоԇӧг петуккӧԁ. Вӧзјыԍӧны:
— Лэдз, ӧшкӧй, шонтысьны миянӧс. —„Леԇ, ӧшкӧј, шонтыԍны міјанӧс“.
— Ог лэдз, — шуӧ ӧш. — Тіян морт кыкӧн бордъясныд: ӧтисӧ вольсаланныд, мӧднас шебрасянныд. Оз ков тіянлы некутшӧм керка. — „Ог леԇ“, шуӧ ӧш: „тіјан морт кыкӧн борԁјасныԁ: ӧԏісӧ воԉсаланныԁ, мӧԁнас шебраԍанныԁ. Оз ков тіјанлы ԋекущӧм керка“.
— Он кӧ лэдз, — шуӧ дзодзӧг, — став нитштӧ кер костъяссьыд перъялам, аслыд жӧ кӧдзыд лоӧ. — „Он-кӧ леԇ,“ шуӧ ԇоԇӧг: став ԋіщтӧ кер костјасԍыԁ перјалам, аслыԁ-жӧ кӧԇыԁ лоӧ.“
Мый сэсся керны? Лои лэдзны ставнысӧ. Мыј сеԍԍа керны? Лоі леԇны ставнысӧ.
Овмӧдчисны витӧн дась вӧчӧм керкаад. Овмӧԁчісны вітӧн ԁаԍ вӧчӧм керкааԁ.
Комиӧн
Важ коми гижӧд