САМПСОН
Кодыр кывласны, мый воштӧм вынсӧ,
Перъяласны сылысь кыкнан синсӧ,
Сэсся вайӧдасны серам вылӧ…
Зэв ӧд сійӧ долыд! Серам кылӧ
Ылӧ!
«Войтыр, ӧвсьылӧ! Та сутш ме ён на!» —
Синтӧмыс — и вӧрзьӧдас колонна…
Кыдзи тӧввывса бадь недыр вӧрас,
Став палатаыс колонна бӧрас
Пӧрас.
Видзсиг пырӧдчӧ ныв мамыс сайӧ,
Пызан улӧ князь… Эз дыр вӧв тайӧ:
Би и сцена вевттьысисны бусӧн,
Морт ловъясысь колис ӧти ру сэн!..
Сідз пӧсь изъяс костас олӧм сылас,
Морт лы чегъясяс сэн крачкакылас,
Пыктӧм кывнас быд ас вирсӧ нюлас,
Да Сампсон и ачыс изъяс улас
Кулас.
Сэксянь, чайтсьӧ, пыр на лёк горш ылӧ
Сы руина улысь ӧнӧдз кылӧ:
«Туй таланталы! Мед водзӧ мӧдӧ!
Сійӧс шог вылад эн синтӧммӧдӧ!
Тӧдӧ!»
Комиӧн гижис
Ӧльӧш Иван