ОКТЯБР 14 ЛУНӦ — ВЫСТАВКА
Коми крестьяна, ставныд выставка вылӧ!
Сыктывдінкарын октябр 14-ӧд лунӧ (Покров лунӧ) воссяс 3-ӧд районнӧй выставка. Сэні петкӧдласны (лоӧны юкӧдъяс): му уджалӧм, видз уджалӧм, скӧт бурмӧдӧм, вӧрӧн вӧдитчӧм, машинаясӧн уджалӧм да мукӧд.
Ставсӧ тайӧ петкӧдласны да висьталасны выставка вылын крестьяналы. Висьталасны, кутшӧм выль туйяс аддзисны бурджыка уджавны.
Сэсся коми крестьяна тшӧтш петкӧдласны выставка вылын ассьыныс бурторъяссӧ да висьталасны, кыдзи найӧ бурмӧдісны ассьыныс кӧзяйствосӧ.
Быдӧнлы колӧ волыны выставка вылӧ. Унатор выставкаысь позьӧ велӧдчыны, тӧдмавны.
Лӧсьӧдчӧй, коми крестьяна!
