КАНТОНСА АРМИЯ ВОДЗӦ МУНӦ

Пекин. Цзянси провинцияын мунӧны косьяс. Кантонса войска мунӧны водзӧ, матыстчӧны нин провинция столича дінас. Цзянси провинциясьыс войскаыс ӧтлаасьӧны кантонса армиякӧд. Ханькоу карын олӧмыс важ моз пондіс мунны. Иностраннӧй кварталӧ Ханькоу босьттӧдзыс пыртлісны уна мукӧд государствоса войска, мед сэтысь косьяс дырйиыс оз вӧрзьӧдны мукӧд государствоясысь олысьяссӧ. Ӧні став войскасӧ бӧр нуисны. Шэньси да Хэнань провинцияясын народнӧй армиялӧн войскаыс косьясӧн писькӧдӧны туй ӧтлаасьны кантонса армиякӧд.