ВЕРМӦНЫ НА ЗАБАСТОВКА ВОДЗӦ НУӦДНЫ

Лондон. Сентябр 19-ӧд лунын Колвилл карын Кук реч висьталігӧн шуис: из шом перйысь рабочӧйяслӧн пӧ союзыс гӧтов сёрнитны мыйкӧ дыра кежлӧ уджалан дон чинтӧм йылысь капиталистъяскӧд. Сёрнитны кӧ кутам ме йылысь да менам ёртъяс йылысь — уна на мунас кад сэтчӧдз, кор ми сӧгласитчам капиталистъяс корӧмъяскӧд. Найӧ вермасны сувтӧдны миянӧс удж вылӧ сӧмын тшыгйӧдӧмӧн.

Мансфилд карын из шом перйысь рабочӧйяс союзса исполкомсьыс шленыс Варли юалӧма митинг вылын рабочӧйясыслысь: верма ог пӧ ме, тіян представитель, шуны исполкомас, мый тіян эськӧ зэв сьӧкыд олӧмыс, да ті верманныд на кутчысьны ещӧ кызь вежон. Сылы став рабочӧйыс воча горӧдіс: да, верман.