ОШЪЯС ЁНА СКӦТ ЖУГӦДӦНЫ

Чуклӧмын (Сыктыв у.) ошъясӧн дзик нин матӧ воисны. Ошъяс деревня вылысь, карта бокысь нин мӧсъястӧ джагӧдӧны. Август 25-ӧд лунӧ 3 ош воӧмаӧсь Ион Микаль улӧ да джагӧдӧмаӧсь 30 ыж. Мельник кутас лэччыны мельнича дінӧ да, ошкыд весиг туй шӧрсьыс оз кеж, сэтшӧма нин збоймӧма. Мельник ошъяс йылысь юӧртіс йӧзӧс. Йӧз чукӧртчисны, неыджыд ягӧ кытшӧ босьтісны да, ӧти ош и сюри. Ош ыджыд, 18 весьт куыс. Кусӧ сетісны мӧда-мӧдлы отсасян комитетӧ.

О. Юркин.