ЭЗ ВӦЧНЫ ШУӦМ СЕРТИ

Август 26-ӧд лунӧ Помӧсдін (Кулӧмдін у.) вӧлӧсьтувса крестьяна шуисны не празднуйтны Успенньӧ лун, а сы пыдди вӧчны праздник нянь чукӧртӧм бӧрын. Успенньӧ лунӧ крестьяна асывсянь лун шӧр кадӧдз вӧчисны туй: ваялісны кос лыс да лыа мир туй вылӧ, Помӧс пос дорӧ дай видз вылӧ ветлан туй вылӧ. Ӧбед бӧрын кодсюрӧ собранньӧ вывсьыд шуӧмтӧ вӧлі вунӧдӧма да ёна на Успенньӧыслы — суртӧ и, самӧкуртӧ и, роч винатӧ и шанякодь на юышталісны, зыксьыштісны да косялісны. Колӧ жӧ эськӧ собранньӧ вылад лӧсьӧдӧмтортӧ вӧчны да.

Яг зон.