1926−27 ВОСЯ СЕЛЬХОЗНАЛОГ

Гӧль крестьяна дзикӧдз мездыссьӧны налогысь.

Гӧль крестьяналысь налогыс ньӧти оз босьтсьы. Кӧзяйствоас кӧ став вося доходыс 25 шайтысь сёйысь вылӧ абу уна, налогыс сійӧ кӧзяйствоысь оз босьтны. СССР пасьта сэтшӧм кӧзяйствоыс 5 миллион лыддьыссьӧ.

Доходыс кӧ этша, налогыс ичӧт жӧ.

Кӧзяйствоас кӧ доходыс сӧмын неуна петыштӧма 25 шайтысь сёйысь вылӧ, но 50 шайтысь абу уна, налогыс сійӧ кӧзяйствоысь босьтсьӧ шӧркодя 6 шайт да 70 ур. СССР пасьта сэтшӧм кӧзяйствоыс 11 миллион.

Шӧркоддьӧма олысь крестьяна мынтӧны унджык.

СССР-ын лыддьысьӧ 5 миллион кӧзяйство, доходыс налӧн 50−70 шайт сёйысь вылӧ. Найӧ мынтӧны налог 21 шайт.

Вына крестьяна медуна мынтӧны.

Сэсся 3 миллион кӧзяйство вына крестьяналӧн. Налӧн доходыс 70 шайтысь вылӧ кайӧ. Налогсӧ мынтӧны найӧ шӧркодя 51 шайт.