ЧЖАН ЦЗОЛИНЬ ВОЙСКА ПӦВСТЫН САЛДАТЪЯСЫС ВӦЧӦМАӦСЬ ВОССТАННЬӦ

Харбин. Японияса агентство юӧртӧ Мукден карсянь: Калган карын пӧ ӧти кавалерия отряд, 10 сюрс салдат, кыпӧдчӧмаӧсь Чжан Цзолинь вылӧ. Сійӧ отряднас пӧ командуйтӧ Му Чуньлинь. Сентябр 9-ӧд лунӧ Чжан Цзолиньлӧн пиыс ыстӧма Пекин карсянь войска да сійӧ войскаыслы тшӧктӧма Калгансӧ кытш пиӧ босьтны да Му Чуньлинь отрядлысь став оружйӧяссӧ мырддявны. Ӧні Му Чуньлинь да Пекинысь локтысь войска кост Калган гӧгӧр мунӧны зэв ён косьяс. Чжан Цзолинь тайӧ восстанньӧсьыс ёна повзьӧма. Сійӧ кӧсйӧ аслас войска пиас став йӧзсӧ бура видлавны да сылы ковтӧм йӧзсьыс весавны армиясӧ. Войдӧрджык арестуйтлӧмаӧсь Му Чуньлинь войскаысь начальниксӧ да сійӧс лыйлӧмаӧсь нин.