КОМИ СУД

Кулӧмдін уездын 1 участокса народнӧй суддя Королёв став гижасян уджсӧ нуӧдӧ комиӧн. Ӧні пӧ, шуӧ, меным некутшӧм план коми кыв вылӧ вуджӧм йылысь оз ков.

Решенньӧсӧ лыддьӧм бӧрын пӧ юала судитчысьясыдлысь гӧгӧрвоӧм йывсьыс, да найӧ пӧ шуӧны: «Висьталӧмтӧ пӧ, дерт, гӧгӧрвоам». Судебнӧй решенньӧ лыддьӧмсӧ висьталӧмӧн шуӧны.

Сійӧ жӧ уездын 4-ӧд участокса народнӧй судын унджык делӧсӧ жӧ нин гижӧны комиӧн. Мукӧд судебнӧй участокъясас комиӧн гижасьӧмъясыс мунӧ жеба на.

Став народнӧй суддяыс кӧ кутас нуӧдны Королёвыд моз, дерт эськӧ, бур вӧлі. Оз ков вунӧдны Гражданскӧй Суд нуӧдан закон чукӧрысь 9-ӧд статьясӧ да Угол. Суд нуӧдан закон чукӧрысь 22 ст., кытчӧ и гижӧма: Суд нуӧдан удж вӧчсьӧ сэтшӧм кыв вылын, кутшӧм кывйӧн сёрнитӧны унджык йӧзыс.

Коми войтырлы колӧ тшӧктыны, мед став гижасян уджсӧ милиционеръяс, исполкомъяс, кооперативъяс, судъяс и сідз водзӧ кутасны нуӧдны ас тӧдса коми кыв вылын.

Абу лӧсьыд гӧгӧрвотӧм роч кывъя гижӧдъясад омӧля велӧдчӧм войтырыдлысь босьтавны кырымъястӧ.

Коми учрежденньӧын служитысь коми войтырлы колӧ вӧтӧдны ас коми кыв вылын уджалӧмнад Королёв ёртӧс.

Коми Мишӧ.