НЯНЬ ЛОӦ

Вайӧны 1400 сюрс пуд.

1923 воын Коми обласьтлӧн вӧлі ас нянь 1050 сюрс пуд, а бокысь (рочысь) вайлісны 1397 сюрс, вайӧм няньсьыс вӧлі кольӧма 200 сюрс пуд гӧгӧр.

1924 воын ас нянь вӧлі 1325 сюрс пуд, а вайӧм 1643 сюрс — сэтысь вӧлі кольӧма мӧд во кежлӧ 583 сюрс пуд.

1925 воӧ ас нянь вӧлі 1540 сюрс пуд, а вайӧм нянь 1045 сюрс, но сэтысь тавося ва воссигкежлӧ бара жӧ вӧлі роч няньыс кольӧма вузавтӧм 470 сюрс пуд.

Тайӧ куим во сертиыс тыдалӧ, мый миян обласьтӧ бокысь вайӧм нянь быд во вузассьӧ 1100−1200 сюрс пуд.

Таво кутшӧм нянь лоӧ ог на тӧдӧ, но оз кӧ кынмыны идъяс, надейтчам чукӧртны 1439 сюрс пуд. Та серти кӧ, колӧ вайны нянь 1100 сюрс пуд, но омӧль кӧрым понда нянь ковмас 1400 сюрс пуд. Сы пиысь вайӧны: Сыктывкарӧ 339 сюрс, Луз вожӧ — 44 сюрс, Сыктыв вожӧ — 106 сюрс, Шойнатыса районӧ — 100 сюрс, Кулӧмдінӧ — 200 сюрс, Вылыс Печӧра вожӧ — 52 сюрс, Емваӧ — 180 сюрс, Удораӧ — 89 сюрс и Изьваса уездӧ — 290 сюрс.

Нянь лоӧ, повны няньтӧмысь оз ков, нянь дон оз жӧ сод, гашкӧ, ещӧ неуна чиныштас.

Выльгортса.