ИТАЛИЯ ОЗ ЛЫДДЬЫ БЕССАРАБИЯСӦ РУМЫНИЯЛЫСЬ

Неважӧн Румыния вӧчис договор Франциякӧд. Сійӧ договор сертиыс, Франция лыддьӧ Бессарабиясӧ Румынияса муӧн. Ӧні Румыния зільӧ, мед эськӧ Италия тшӧтш кутас лыддьыны Бессарабиясӧ Румынияса муӧн (мукӧд государствояс кӧсйӧны лыддьыны Бессарабиясӧ румынияса муӧн, сӧмын гырысь государствоясыс кӧ признайтасны правасӧ Румыниялысь Бессарабия вылӧ. Сы вӧсна и зільӧ Румынияыс, мед эськӧ гырысь государствоясыс ӧдйӧджык признайтісны правасӧ Бессарабия вылас). Сӧмын мукӧд государствоса газетъяс гижӧны: Италия пӧ вӧчис договор СССР-кӧд да оз кӧсйы Бессарабиясӧ лыддьыны румынияса муӧн.