ВЫЛЬ ВОЙНАЛЫ ПАНЫД

Польшаса да Литваса коммунист партияяслӧн чукӧстчӧм

Мӧскуа. Польшаса коммунист партиялӧн Центральнӧй комитетыс да Литваса коммунист партиялӧн Центральнӧй комитетыс ӧтвылысь лэдзӧмаӧсь чукӧстчӧм рабочӧйяслы, крестьяналы, салдатъяслы да став польшаса да литваса уджалысьяслы. Сійӧ чукӧстчӧмас шуӧма: Пилсудскӧй пӧ Англия индалӧм да тшӧктӧм серти кӧсйӧ война панны Литвакӧд. Пилсудскӧй пӧ кӧсйӧ босьтны Литвасӧ да сы бӧрын заводитны война Сӧвет республикакӧд.

Тайӧ войнаын Литва кутас дорйыны асьсӧ, оз сетчы Польшалы босьтны. Польшаса да Литваса коммунист партияяс чорыда сувтасны тайӧ войналы паныд дай чуксалӧны став польшаса да литваса уджалысь йӧзсӧ сувтны паныд тайӧ выль война панӧмлы.