СКӦТ ПЕЛЬШӦР ДА ДОКТОР ОЗ УДЖАВНЫ

Визинын (Сыктыв у.) крестьяна зэв ёна норасьӧны скӧт пельшӧр да доктор вылӧ. Зэв пӧ абу кывзысьӧсь да скӧра сёрнитӧны. Корласны матіникӧ скӧт видлыны, да вӧвтӧг некутшӧма оз мунны.

Неважӧн ӧти визинса крестьянинлысь ош косялӧма мӧссӧ. Сійӧ сиктӧдз сӧмын ӧти верст и сиктыс зэв джуджыд керӧс йылын — вӧлӧн оз позь мунны, но доктор вӧвтӧг некутшӧма эз мун, да ещӧ код юрнас зэв ёна видчӧма.

Дзоридз.