МИ!.. ЭНӦ РАВЗӦ ТІ

Гӧрд флаг ӧзйӧ шонді водзын.

Петім ортсӧ лун шӧр кадын —

Ми! Энӧ равзӧ ті.

Вӧ-Ка-Пӧ мунӧ медводзын,

Быдмим ичӧтсянь сы дорын —

Ми! Энӧ равзӧ ті.

Комсомол мунӧ сы туйӧд,

Ленинӧс некор оз вунӧд —

Ми!.. Энӧ равзӧ ті.

Сьӧлӧм пытшкын озйӧ би,

Комсомоллӧн выныс ми —

Ми! Энӧ равзӧ ті.

Медым полас коді «дурак»,

Петкӧдлам сылы ён кулак —

Ми. Энӧ равзӧ ті.

Миян пытшкын гӧрд вир пуӧ,

Важсӧ ставсӧ сюям гуӧ —

Ми. Энӧ равзӧ ті.

Миян мускулъясным ёнӧсь,

Олӧм выльӧс босьтам бурӧс —

Ми! Энӧ равзӧ ті.