ВОДЗВЫЛЫСЬ КОЛӦ СКӦТЛЫ ЛӦСЬӦДНЫ КӦРЫМ

Колян тулысӧ турун тырмытӧм вӧсна уналаын скӧтлы лои тшыгъявны. «Коми Сикт» газетын апрель тӧлысьын вӧлі гижӧма статья «Мыйӧн позьӧ скӧт вердны турунысь кындзи». Сэні вӧлі висьталӧма, мый скӧтӧс позьӧ вердны пипуысь, кыддзысь, пелысь пуысь заптӧм росъясӧн. Сэні жӧ вӧлі шуӧма, мый коръя росъяс гожӧмсянь заптӧмӧн вермасны сетны крестьянинлы ыджыд отсӧг. Апрель тӧлысяс нӧшта вӧлі гижӧма та йылысь мӧд статья рочӧн. Сэні висьталӧма, кыдзи тайӧ росъяссӧ лӧсьӧдны гожӧмын. Оз ков сёрмыны тайӧ уджӧн. Ӧні пуяс быдӧн на коръяӧсь. Он кӧ лӧсьӧд ӧні — бара скӧтыдлы лоӧ ёна тшыгъявны. Унджык туруныд таво сісьмис зэр улын. Корсьлӧ тайӧ статьяяссӧ газетъяссьыд (Коми сикт № 18), бурджыка лыддьӧ да вӧчӧй висьталӧм сертиыс.

В. Исаков.