ЛЁК МОРТӦС КОЛӦ ЧИРЫШТНЫ

1918ʼ воӧ Пӧддельнӧй в. Кулӧмдін у. вит крестьянин кайлісны ӧтувйӧн, коммунаӧн, овны вылыс Вочсянь 20 верст сайӧ, Вӧл ю вылӧ, вӧрӧ. Коммунаыслӧн нимыс «Григорьевка». Овмӧдчысьяс пиын эм ӧти зэв лёк морт, Якӧ Ӧньӧ Степанӧн шуӧны. Эм сылӧн пиян; пияныс ас кодьысӧсь жӧ, лёкӧсь. Ӧні неважӧн на Якӧ Ӧньӧ Степаныс нӧйтіс сюв петтӧдзыс ассьыс ыджыд писӧ да, пиыс вольпасьын куйлӧ. Йӧз оз лысьтны явитны водзӧ, Степан грӧзитчӧ явитысьӧс нӧйтны. А сэтшӧм мортсьыд ӧд вӧр шӧрад лоӧ повны. Колӧ кодлыкӧ Якӧ Степан котырӧс чирыштны, мед оз жӧ ло ставыслы вӧрсьыс оланінсьыс пышйыны.

Пӧддельнӧйса кылысь.