ОЗ СЁРНИТ КРЕСТЬЯНАКӦД

Кулӧмдінын вит во нин служитӧ миян Пожӧгысь крестьянин Шаков П. С. Ӧні сійӧ шленын уездувса исполкомас. Вит вонад Шаков бура унаысь нин волывліс гортас, ӧтчыд на мужикъяс костын сёрнитӧм сылысь эгӧ аддзылӧй. Мед кӧ ӧтчыд сійӧ, уездувса служитысь, скод вылын висьтавліс выль законъяс йылысь, ӧнія олӧм йылысь. Ньӧтчыд бара эз. Ӧнія волігас со кутшӧмтор вӧлі. Кывлӧмаӧсь сылысь волӧмтӧ туй дінын уджалысьяс да локтӧмаӧсь сы ордӧ юасьны уджалан дон босьтӧм йылысь. Шаков на дінӧ весиг оз и петав мӧд вежӧссьыс, сӧмын слуга пырыс висьталас, ме пӧ нинӧм ог тӧд, мед менсьым нинӧм оз юасьны.

Антус.