ПОШТА КУД

Аныб. Гутлы. Газетад гижигӧн гиж ассьыд адрестӧ.

Ыб. Ытшкысьлы. Колі гижны: кооперативас литовкаыс вӧлі эз. Колӧкӧ и вӧлі, да ытшкысьыс некод эз вӧв.

Пезмӧг. Кутькинлы. Айкина. Калимовлы. Стихъяснытӧ ыстім КАПП-ӧ.

Дереваннӧй. Татчӧслы. Гиж миянлы ним-овсӧ приказчикыслысь, коді лотӧма лавкасьыс сьӧмсӧ.

Керчомъя. Пионер чукӧрлы. «Аттьӧ ыстӧмтӧ» огӧ печатайтӧ. Висьталӧй аслыс.

Керчомъя. Коми аньлы. Газетъястӧ позьӧ мӧдӧдны, эм кӧ гонорарыд газетӧ гижӧмсьыд сы вылӧ.

Алимент перйӧм йывсьыд ыстӧма прокуратураӧ.

Ыбса. Пурщикъяслы. «Мисьтӧма, лёкнога видзӧдӧны уджалысьяс вылӧ» — оз мун. Гиж дженьыдджыка да гӧгӧрвоана.

Кебра. Некрасов. М. С. Занулльӧӧ нянь вайтӧм йывсьыд оз мун. Вӧлі нин.

Проньдор сикт. Опӧлы. Гиж гӧгӧрвоанаджык дай ӧтик лист бокас. Налог йывсьыд оз мун. Сы йылысь унаысь нин гижлісны.

Абъячой. Ключлы. Винаӧн вузасьӧм йывсьыд оз мун. Вӧлі нин. Водзӧ гижигад гиж ассьыд адрестӧ бурджыка.

Пальса. Колелы. Гиж ассьыд адрестӧ, сытӧг огӧ печатайтӧй.

С-Увдор. Воч. Шомановлы. Ставмувывса кооперация лун йывсьыд оз мун. Абу гижӧмыд, кӧні празднуйтӧмаӧсь.

Сюзяыб. Ас Мортлы. Казеннӧй винаӧн вузасьӧм йывсьыд мӧдӧдім Административнӧй отделӧ.

Устькулом. И-В. Нывбабаяс костын уджалӧм йывсьыд оз мун. Некутшӧм вӧвлӧмтор тэ он инды.

Нёбдін. Шольлы. Му керасъяс вузавны оз позь. Вартан машина эм Сельпромкредитсоюзын. Доныс 140 шайт. Судзӧдны позьӧ удждысян тӧварищество пыр. Налог йывсьыд гижӧдтӧ мӧдӧдім Обисполкомӧ, «Мыйла сідз» — Обвнуторгӧ.