ЛЁКА УДЖАЛӦ

Пӧддельнӧйса (Кулӧмдін у.) поштӧвӧй отделенньӧысь письмӧ новлӧдлысь Климова М. зэв лёка уджалӧ. Заведующӧйыс кӧ мыйкӧ шуас сылы, Климова сӧмын скӧрмӧ. Юль 26-ӧд лунӧ сылы заведующӧй рытсяньыс висьталіс паракод локтӧм йылысь да тшӧктіс паракод вылысь пошта примитны, а Климова паракод волігӧн эз лэччыв да поштаыс коли примиттӧм. Лэччигас сӧмын паракод вылысь лоис босьтӧма поштаыс.

Сэтчӧс крестьянин.