НАЖӦТКАЯССӦ СОССЬӦНЫ

Сітбарын (Зеленеч в. Сыктыв у.) вӧлі бӧрйӧма комиссия пасъявны сиктса крестьянаяслысь, коді мыйта таво нажӧвитіс, мед сы серти воан во кежлӧ налогъяс пуктавны. Комиссияын уджалысьяс яндысьӧмла нинӧм эз шулыны крестьяналы, кӧть висьталысьыс став нажӧткасӧ ассьыс соссис. Гӧльджык йӧз висьталісны унджыкыс нажӧткаяссӧ ставсӧ, а мукӧдысь уджалӧмаӧсь сё кык-куим дон, да висьталісны сӧмын шайт 50. Кер лэдзысьяс висьталісны медунаӧн. Сиктад ӧд нажӧвитчӧны быд ногыс: коді плӧтничайтӧ, коді пыж вӧчӧ, кыйсьӧ, столяритӧ да мый да. Найӧ зэв этша нажӧткасӧ висьталісны. Тадзнад ӧд гӧль крестьяниныс мынтас налогтӧ унджык озыр дорысь. Колӧ комиссиялы выльысь бура крестьяналысь нажӧткасӧ гижавны. Кер лэдзысьяслысь нажӧткасӧ гижавны зэв эськӧ вӧлі бур босьтны Северолеслысь гижӧд да сы серти пасйыны, коді мый дон уджавлӧма.

М. Г.