ВЫЛЬ ВИДЗ-МУ ЗАКОН

Таво юль 5 лунӧ РСФСР-са Центральнӧй Исполнительнӧй Комитет да Народнӧй Комиссаръяслӧн Сӧветыс шуисны: 215, 220 да 220-а статьяяс РСФСР-са Видз-му закон чукӧрысь вежны да выль ногыс лыддьыны со кыдзи:

215 ст. серти, губерняувса да обласьтувса видз-му комиссияяслы видлавны: а) округувса, уездувса, районувса да вӧлӧсьтувса видз-му комиссияяслысь решенньӧяс вылӧ кассация-норасьӧмъяссӧ; б) став видз-му комиссияяссӧ аслас губерня, край либӧ обласьтас ревизуйтны да сетавны индӧдъяс.

220 ст. серти, РСФСР-са Видз-му Комиссариат бердын уджалӧ видз-му споръяс йылысь медыджыд Контрольнӧй Коллегия. Сійӧ вӧчӧ со мыйяс: а) видзӧдӧ, мед ӧтмоз став видз-му комиссияясыс видлалӧны видз-му споръяс йылысь делӧяссӧ, мед ӧтмоза да веськыда гӧгӧрвоӧны ӧнія видз-му законъяссӧ; б) видлалӧ норасьӧмъяссӧ да протестъяссӧ видз-му комиссияяс закон вын улӧ пырӧм решенньӧяс вылӧ, кыдз медыджыд контроль, сідзжӧ разрешайтӧ клопочитӧмъяссӧ выльысь видлалӧм йылысь сэтшӧм решенньӧяссӧ, кор делӧ кузяыс выль гӧгӧртас воссис; в) видлалӧ автономияа республикаяс, обласьтъяс костын видз-му вежтас (гранича) йылысь вензьӧмъяс; г) видзӧдӧ, мед лючки да кадӧ организуйтчӧны видз-му комиссияяс; д) став видз-му комиссияяссӧ РСФСР-ысь ревизуйтны да индӧдъяс сетавны.

220-а статья серти, видз-му вӧсна вензьӧм йылысь медыджыд Контрольнӧй Комиссияас пырӧны председатель, кык председательӧс вежысь да 10 шлен: председатель, сійӧс вежысьясыс да 4 шленыс РСФСР-са Видз-му Комиссариатсянь, 3 шленыс РСФСР-са Юстиция Комиссариатсянь да 3 шленыс РСФСР-са Центральнӧй Исполнительнӧй Комитет Президиумбердса видз-му делӧяс йылысь Федеральнӧй Комитетсянь. Найӧс ставныссӧ вынсьӧдӧ Ставроссияувса Исполнительнӧй Комитетлӧн Президиум.

220-б статья серти, Коллегияяс судитан заседанньӧ дырйиыс овлӧ председатель либӧ сылӧн вежысьыс да кык шлен: ӧтикыс видз-му Комиссариатсянь да мӧдыс Юстиция Комиссариатсянь.

Содтас: Судитан заседанньӧ вылас содтыссьӧ кык шлен видз-му делӧяс йылысь Федеральнӧй Комитетсянь, видлавсьӧ кӧ автономияа республикаяс да обласьтъяс делӧяс йылысь, либӧ кор видлавсьӧны найӧ да орчча административнӧй единичаяс костын вежтас йылысь вензьӧмъяс.

220-в статья серти, видз-му вензьӧм йылысь медыджыд Контрольнӧй Коллегия уджалӧ веськыда РСФСР-са Центральнӧй Исполнительнӧй Комитет Президиум син улын.

Видз-му закон чукӧрысь 220* статьясӧ дзикӧдз шыбитны.

Тайӧ йӧзӧдӧма 176 номерын «Известия» газетын.

Г. М.